Baliwag Bible Christian Church [sermons]

Tama ba na ang isang Kristiyano ay magkaroon ng malalim na relasyon sa isang di-Kristiyano? bakit nga ba? isa lang ba itong opinyon, o preference lang ng pastor, o payong kaibigan? Halina't tuklasin natin ang sinasabi sa Salita ng Diyos patungkol sa pakikipagrelasyon at pananampalataya.

Sa mga panahong sinasabi nating, "Ayoko na. Hindi ko na kaya. Hindi ko na alam ang gagawin ko," yun nga ang panahong mas kailangan pa nating mag-pray.

Huwag kang mag-alinlangang sumampalataya, sapagkat mapalad ang mga taong hindi nakakita gayunma’y sumampalataya. Sapat ang Salita ng Diyos upang sumampalataya tayo na si Hesus ay muling nabuhay. Na si Hesus ay ang Cristo, ang Anak ng Diyos.

Ao ba ang "every spiritual blessing", inheritance o mana na tinanggap natin ng tayo ay nakipag-isa kay Cristo? Gaano ba ito kahalaga at paano tayo makakasigurado na ang manang tinutukoy rito ay matatanggap talaga natin nang buong-buo, hindi babawiin, hindi babawasan, at hindi magbabago ang isip ng Diyos?

Napakahalaga ng paalala sa atin ng sermong ito upang makita ang glorious and immeasurable riches of his grace na tinanggap natin mula sa Diyos na nakakabit kay Cristo. Kung wala si Cristo, kung hiwalay ka kay Cristo, walang redemption, walang salvation. Kaya ‘Wag na ‘wag nating tatangkaing hanapin ang anuman sa mga pagpapalang ito nang hiwalay kay Cristo. Outside of Christ, hindi mo mahahanap ang isa man lang sa mga pagpapalang ‘yan.

Sa kabila ng kalungkutan, ang mga Kristiyano ay dapat magsaya at purihin ang Diyos dahil sa mga pagpapalang espirituwal na ibinigay Niya sa pamamagitan ni Cristo. Ito ang doctrine of election, ang pagpili ng Diyos, "Even as he chose us in him..." Sino ang pumili? Ang Diyos. Sino ang pinili? Tayo. At sino yung "tayo" na yan? Sila na mga nakay Cristo, malinaw 'yan mula sa verse 1-3. Ang Diyos ang pumili kung sino ang gusto niyang iligtas.

Dito sa verse three ng Ephesians 1 ay nakita natin na inilahad sa atin ni Pablo ang pagpupuri sa likas na kabutihan at mabuting ginawa ng Diyos para sa atin. Wala tayong mabuting bagay na ibinibigay sa kanya. Wala rin naman talaga tayong maibibigay sa kanya na hindi sa kanya nagmula. Kaya marapat lang na Siya'y ating sambahin, pasalamatan, papurihan at parangalan ng lahat-lahat sa Buhay natin.

Dito sa first two verses ng Ephesians ay nakita natin na inihahatid ito ni Pablo sa atin with authority na galing mismo kay Cristo, and with humility na merong pagkilala sa kalooban ng Diyos. Tatanggapin naman natin ang salitang ito as God’s holy people (mga taong ibinukod ng Diyos para sa kanya) and as faithful people (bilang mga tagasunod ni Cristo). At tatanggapin natin ito dahil ito ay salita ng Diyos na may malaking pakinabang sa atin. Sa pamamagitan nito ay dumadaloy ang biyaya ng Diyos na nagreresulta sa maayos na relasyon (peace) sa Diyos at sa ibang tao.