ፕሬዝዳንት ካንዳ በባንኩ ሥርዓተ-ቀብር ላይ የጀመሩትን ንግግር የማለለለፓ አባላት ድንጋይ ከወረወሩባቸው በኋላ ለማቋረጥ ተገደዋል። የአገሪቱን ኤኮኖሚ የሚዘውሩት የቲሪቤ ጎሳ አባላት እስካሁን እንደተረጋጉ ነበር። በፕሬዝዳንቱ ላይ ድንጋይ ከተወረወረ በኋላ ግን በቅቷቸዋል። የቲሪቤ ጎሳ የአገር ሽማግሌ ናቦላ፤ የጁን ፍቅረኛ  ዊላ እና የጎሳው ወጣቶች በአንድ ምሥጢራዊ ስፍራ ተሰብስበው እየመከሩ ነው።

ከባንኩ ሞት በኋላ የማጋንጌ ነባራዊ ሁኔታ አሽቆልቁሏል። የአገሪቱ ጦር ተከፋፍሏል። አብዛኛውን የንግድ ሥራ የተቆጣጠሩት ቲሪቤዎች ለዴሬምባ ጎሳ አባላት ምንም ነገር ባለመሸጥ ልክ እናስገባቸዋለን እያሉ ዝተዋል። ይኸ ታሪክ ወዴት ይወስደን ይሆን? ወጣቷ ጋዜጠኛ ጁን በአገሯ የበረታውን የጎሳ ውጥረት ለማርገብ የግል ጥረት ጀምራለች።

የባንኩ ሞት በማጋንጌ ከፍተኛ ተቃውሞ ቀስቅሷል፤ መደብሮችን ጨምሮ የቲርቤ ጎሳ አባላት ንብረቶች በእሳት ጋይተዋል። አሁን በማጋንጌ ዋና ከተማ በሚገኝ አንድ የመኖሪያ መንደር ማለዳ ነው። የተቃዋሚው የማለለለፓ አባል የሆነችው ሳሎሜ በዚያው መንደር በሚገኝ መደብር ዳቦ ለመግዛት ጎራ ብላለች። ምን ይገጥማት ይሆን?

ከስደት ስትመለስ በስለት የተወጋችው ታዋቂዋ ፖለቲከኛ ባንኩ በሆስፒታል ሕይወቷ አልፏል። የባንኩ ሞት በማጋንጌ ምን ይዞ ይመጣ ይሆን? የቴሌቭዥን ጋዜጠኛዋ ጁን በአንድ የኢንተርኔት ካፌ ሕይወቷ ባለፈው ባንኩ ላይ የሚያጠነጥን ዘገባዋን እየሠራች ነው።

ጋዜጠኛዋ ጁን በስለት ተወግታ ሆስፒታል የተኛችውን ፖለቲከኛ ባንኩ ለመጎብኘት ስትሞክር ተከልክላ ነበር። ባንኩ አባል የሆነችበት የማለለለፖ ፓርቲ ሊቀ-መንበር ዱምባ ጂምቦ በአብዛኛው የዴሬምባ ጎሳ አባላት የሆኑ ደጋፊዎቻቸው በተሳተፉበት ጥቃቱን አውግዘዋል ሊቀ-መንበሩ በሰልፉ ላይ የፕሬዝዳንት ካንዳ ጎሳ አባላት ባንኩን ለመግደል ሞክረዋል ሲሉ ጭምር ከሰዋል። ለዚህ ውንጀላ ፕሬዝዳንት ካንዳ ምን ዓይነት ምላሽ ይሰጡ ይሆን?

በወንጀል ተፋላሚዎቹ ተከታታይ የራዲዮ ድራማ በጎሳ ትንቅንቅ እና የጥላቻ ንግግር ላይ ያተኮረው “የጥላቻ እና የፍቅር ቃላት” ሦስተኛ ክፍል

ስደተኛዋ ፖለቲከኛ ባንኩ ወደ አገሯ ማጋንጌ ስትመለስ በተዘጋጀላት የአቀባበል ሥርዓት ላይ ድንገት ተወግታ በአደገኛ ሁኔታ ውስጥ ትገኛለች። ወጣቷ ጋዜጠኛ ጁን ጥቃቱ ሲፈጸም በቦታው ነበረች፤ ጥቃቱንም በዐይኗ ዐይታለች። ዛሬ ጁን ስለ ባንኩ መረጃ ለማግኘት ሆስፒታል ነች።

አዲሱ ፕሬዝዳንት ሥልጣን ከያዙ ወዲህ ተቃዋሚ የፖለቲካ ፓርቲዎች እንታሰራለን፣ እንከሰሳለን የሚል ሥጋት ሳይገባቸው ሰልፍ ማካሔድ ይችላሉ። ይኸ እውነተኛ ለውጥ ይሆን ወይስ የታይታ?

ካሪማ እና ሲሳይ በመጨረሻ የጓደኛቸው ሐይማኖት የማስታወሻ ደብተር ላይ ያገኙትን መረጃ ለማን እንደሚሰጡ ወስነዋል። ይህ ሰው ማን ይሆን? ይህ በእንዲህ እንዳለ የኮሌራ ወረርሽኙ እየተዛመተ ይገኛል።

ለአንድ ዓመት ያህል በጤና ጥበቃው ማዕከል ውስጥ ለማገልገል ትምህርታቸውን ላቋረጡት ካሪማ እና ሲሳይ ሁሉ ነገር ቅዠት ሆኖባቸዋል። የቅርብ ጓደኛቸው የነበረችው ሐይማኖትን ማጣታቸው ብቻ ሳይሆን በትጋት ሊከላከሉት የነበረው የኮሌራ ወረርሽኝ ተከስቷል።