ቶማስ እስከ ቅርብ ጊዜ ድረስ አንዲት ሴት በእርግዝናዎች መካከል ለምን ማገገሚያ ጊዜ እንደሚያስፈልጋት ፈፅሞ አያውቅም ነበር። ስለሆነም እሱ እና ባለቤቱ በቶሎ ወንድ ልጅ እንዲወልዱ ግፊት ያደርግ ነበር። ዛሬ ታሪኩን በፀጸት መለስ ብሎ ያስቃኘናል።

የቶማስ ሞላ ባለቤት የሆነችው ሊያ በአጭር ዓመታት ውስጥ ሶስት ሴት ልጆች ከወለደች በኋላ መልሳ ለማርገዝ ትንሽ ማገገሚያ ጊዜ ፈልጋለች። በሀያዎቹ አጋማሽ የሚገኘው ቶማስ ግን ወንድ ልጅ እንዲኖረው ስለሚፈልግ ባለቤቱ መልሳ እንድታረግዝ ይፈልጋል።

ኑሪያ ትልቅ ችግር ውስጥ ናት። ምናሴ በማንኛውም መንገድ እሷን ለመበቀል ኢላማ ውስጥ የከተታት ይመስላል። እሷን ለማጥፋት የሚደረጉትን ሙከራዎች ትወጣቸው ይሆን? ኢኒስፔክተር ክፍሌ በአፍላቶክሲኑ ወንጀል እጁ ያለበትን ሰው እየተቃረበ ይገኛል። ጋዜጠኛ ተዋቡ ስለዚህ ለመዘገብ እና እውነቱን ለማጋለጥ ዝግጁ ነው።

ጋዜጠኛ ተዋቡ ኑሪያን በስልክ ሊያገኛት አልቻለም። የእሱ ዝግጅት ላይ ማስፈራሪያ ከገጠማት በኋላ ሀሳብ ገብቶታል። ኑሪያ በአፍላቶክሲን ስለተመረዘው በቆሎ ራዲዮ ላይ ቀርባ ጉዳዩን ይፋ አድርጋ ነበር። በሌላ በኩል ከንቲባ ሮባ የሚሳለቁባቸው ሁኔታዎች በመጨረሻ ወደሳቸው እያመሩ ነው።

የካላንዳ በቆሎ ወፍጮ ፋብሪካ በአፍላቶክሲን የተመረዘው በቆሎ እንዴት ወደሰው ቤት ሊገባ እንደቻለ ለማጣራት ተብሎ ታሽጓል። ስኬታማ የሆነው የተዋቡ « እውነታ ግድ ይላል» የራዲዮ ፕሮግራም ደግሞ ለአንዳንድ ሰዎች የጎን ውጋት ሆኗል።

ኢኒስፔክተር ክፍሌና ባልደረቦቹ በካላንዳ የበቆሎ ወፍጮ ፋብሪካ ላይ ዘመቻ ከፍተው ነበር። አቶ ቦጋለ ግን ሊያመልጥ ችሏል። ይህ በእንዲህ እንዳለ ጋዜጠኛ ተዋቡ «እውነታ ግድ ይላል» በተሰኘው የሬዲዮ ፕሮግራሙ የውሸት ወሬዎችን እና ሀሰተኛ መረጃዎችን እያጣራ ማቅረብ ጀምሯል። ለመሆኑ የካላንዳ ነዋሪ ዝግጅቱን ይከታተል ይሆን?

ወጣቱ ጋዜጠኛ ተዋቡ በአንድ ጊዜ በርካታ ሰዎች ለከንቲባ ሮባ ጠበቃ ቆመው የሚከራከሩት እውነተኛ ሰዎች ሳይሆኑ በውሸት የተከፈቱ ቦትስ ወይም የማህበራዊ መገናኛ ገፆች እንደሆኑ አጋልጧል። ከዚህም ሌላ እሱ እና ኑሪያ ካላንዳ ውስጥ በርካታ ሰዎችን ለበሽታ የዳረገው በአፍላቶክሲን የተመረዘ በቆሎ እንደሆነ ለማረጋገጥ ችለዋል። ጋዜጠኛው ሰበር ዜናዎቹን ይፋ ሲያደርግ ወዳጅ ብቻ ሳይሆን ጠላትም ያፈራል።

መርማሪው ጋዜጠኛ ተዋቡ ተደብቆ የካላንዳ የበቆሎ ወፍጮ ፋብሪካ ሊገባ እና ኑሪያ እንደነገረችው በቆሎው መመረዙን ሊያረጋግጥ ችሏል። ግን ዜናውን በሰዓቱ ይፋ ማድረግ ይችል ይሆን? በተመሳሳይ ጊዜ ከንቲባ ሮባ በማህበራዊ መገናኛ ዘዴዎች የሚካሄዱ ውይይቶች ላይ ተፅዕኖ ለመፍጠር ሲሉ የዲጂታል ቴክኖሎጂ ባለሙያ ቀጥረዋል።

ከተዋቡ ጋር አንድ ክፍል ትማር የነበረችው ኑሪያ የምትሰራበት ወፍጮ ፋብሪካ እንዲፈጭ የመጣ የበቆሎ ጭነት ውስጥ መርዛማ እና የሻገተ አፍላቶክሲን አግኝታለች። ይህንን ለአለቃዋ አቶ ቦጋለ ስታመለክት አለቃዋ አስፈራርቷታል። ምን ታደርግ ይሆን?

ካላንዳ ውስጥ በርካታ ሰዎች መታመማቸው ቀጥሏል። በከተማው ለተከሰተው የሆድ በሽታ የማህበራዊ መገናኛ ዘዴዎች በሙሉ የካላንዳ ሆስፒታልን ይወነጅላሉ። ግን ተጠያቂው በርግጥ የካላንዳ ሆስፒታል ይሆን? መርማሪ ጋዜጠኛ ተዋቡ የበሽታው መንስኤ ምን እንደሆነ እያጣራ ይገኛል።