ይህ በዲጂታል ግንዛቤ ላይ የሚያተኩር እና እያዝናና የሚያስተምር አዲስ የዶቸ ቬለ በማድመጥ መማር ተከታታይ የራዲዮ ድራማ ነው። ታሪኩ ኢንዙና በተባለች ታላቅ አፍሪካዊት ምናባዊ ከተማ ይከናወናል።

የንጎስዋ ሪፐብሊክ የሀገር ውስጥ ሚኒስትር የሆኑት ቴድሮስ ብሩ በህገወጥ መንገድ ወደ ሀገር ውስጥ ከሚገቡ ፕላስቲኮች እና ከአንዱዓለም አባት - አቶ ተመሥገን ግድያ ጋር ግንኙነት ሳይኖራቸው አይቀርም። የታሪኩ መጨረሻ ምን ይኾን?

አካሉ የጎምቤ ወንዝ ውስጥ እሱ እና ጓደኛው ሞቶ ያዩት ሰው የአንዱዓለም አባት ለመሆናቸው ምንም ጥርጥር የለውም። ይህንንም በመጨረሻ ለሳምሪ እና አንዱዓለም ተናግሯል። መረጃው ፖሊስን ይጠቅም ይኾን?

የሶንጋ ከተማ ትናንሽ ነጋዴዎች አንድ ጊዜ ጥቅም ላይ የሚውሉ ፕላስቲኮችን እገዳ ለመቃወም የወጡበት ሰላማዊ ሰልፍ ስኬታማ አልነበረም። በሌላ በኩል ሳምሪ እና አንዱዓለም በመጨረሻ ስለሚሰማቸው የፍቅር ስሜት ተነጋግረዋል።

የዩንቨርስቲ ተማሪው አንዱዓለም አባት ከተወሰኑ ቀናት አንስቶ የደረሱበት አልታወቀም። እሱም ያገኘውን መረጃ ይዞ ኢኒስፔክተር ሞገስን ለማናገር ወደ ፖሊስ ጣቢያ ሄዶ ነበር። ግን ኢኒስፔክተሩ ለምንድን ነው ለመተባበር ፍቃደኛ ያልሆነው?

አንዱዓለም የአባቱን ፎቶ አድርጎ የአፋልጉኝ ማስታወቂያ እንዲለጥፍ ሳምሪ ሀሳብ አቅርባለት ነበር። በሌላ በኩል አካሉ ጭንቀት ውስጥ ይገኛል። ከጎደኛው ተፈሪ ጋር ሆኖ ወንዝ ውስጥ ሞቶ ያዩትን ባለ አንድ እጅ ሰው ሊረሳው አልቻለም። ደፍሮ ለአንድ ሰው ይናገር ይኾን?

የአካሉ እና የሳምሪ እናት የሆኑት እማማ ፅጌ የፕላስቲክ እገዳውን ተግባራዊ ባለማድረጋቸው በቁጥጥር ስር ውለዋል። ሳምሪ እና አካሉ እናታቸውን ለማስፈታት ምን ያደርጉ ይኾን?

የንጎስዋ ፕሬዝዳንት የተከለከሉ የፕላስቲክ ምርቶችን ሲጠቀሙ የሚገኙ ነጋዴዎች በቁጥጥር ስር እንዲውሉ ጥብቅ ትዕዛዝ ሰጥተዋል። እማማ ፅጌ ከእነዚህ አንዷ ናቸው። በሌላ በኩል ኢኒስፔክተር ሞገስ አንድ ሰው እንዲያስፈራራ ሚኒስትሩ የነገሩት ቢሆንም ይህ ሰው በስህተት ተገድሏል። ሰውየው ማን ነበር? ለምንስ ተገደለ?

ለአንድ ጊዜ ጥቅም ላይ በሚውሉ የፕላስቲክ መገልገያዎች ላይ የተጣለው እገዳ እስካሁን በሶንጋ ነጋዴዎች ዘንድ ቁም ነገር ተደርጎ አልተቆጠረም። ይህ በእንዲህ እንዳለ የ16 ዓመቱ አካሉ እና ጓደኛው ተፈሪ ተጠያቂ እንዳይባሉ ስለፈሩ ስላዩት ነገር ለማንም ላለመንገር ወስነዋል። ታሪኩ እንዴት ይቀጥላል?

የእማማ ፅጌ ወንድ ልጅ አካሉ የጎምቤ ወንዝ ዳር ፍየላቸው ጉሬን ከጓደኛው ተፈሪ ጋር እየጠበቀ ሳለ፤ ወራጅ ውኃው ውስጥ ያለ አንድ የሞተ ሰው ተመልክተዋል። ምን ማድረግ እንዳለባቸው እየተማከሩ ሳሉም ጉሬ ተሰውራለች። ምን ያደርጉ ይኾን?