እነጀምበሬ ራሳቸውን ለማስከበር መልሰው ግብግብ ገጥመዋል። ፍለጋቸው የት ያደርሳቸው ይሆን? በአሸናፊነት አጭበርባሪውን ማጋለጥ ይሳካላቸው ይሆን ወይስ አጭበርባሪው ሙልጭ አደርጎ ይዘርፋቸዋል?

እምነት ስልኳን ከተሰረቀች እና ጀምበሬ ብርቱ የስሜት ስብራት ከገጠማት በኋላ የሰርሳሪውን መኖሪያ ፈልጎ ማግኘት የመጀመሪያ እርምጃቸው ነበር። ፍለጋቸው በከተማው መሀል ወደሚገኝ የተገለለ መኖሪያ ቤት መርቷቸዋል። ነገር ግን አንዳች ተጨባጭ ነገር ከማግኘታቸው በፊት ግዙፍ አስፈሪ ውሻ አባሯቸዋል። ከዚያ ምን ተፈጠረ?

ጀምበሬ፣ ራሒም እና እምነት የሰርሳሪውን ዱካ እየፈለጉ ነው። የማህበራዊ ሚዲያ አካውንቶቻቸውን ከተመሳሳይ ጥቃት ለመጠበቅ ፓስወርዶች ቀይረዋል። በጀመሩት ሥራ ምን ያህል ዘልቀው ይሆን? ጥቃት ፈጻሚው አሁንም በሕይወታቸው ጣልቃ እየገባ ነው ወይስ በቁጥጥራቸው ሥር አዋሉት?

ራሒም ላይ ያነጣጠረው አጭበርባሪ ሳይሳካለት ቀርቷል። አጭበርባሪው የጥቃት ስልቶቹን እና ፊቱን ለእኛ አድማጮች ገልጦልናል። እሱም ከጀምበሬ ጋር ለተወሰኑ ቀናት ግንኙነት ጀምሮ የነበረው አጎናፍር ነው። ጀምበሬ፣ እምነት እና ራሒም አጭበርባሪው ማን እንደሆነ እና ለምን እነሱ ላይ እንዳነጣጠረ ይደርሱበት ይሆን?

እምነት የቆጠበችውን ከፍተኛ መጠን ያለው ገንዘብ በአጭበርባሪ ስትዘረፍ ጀምበሬ ከአባቷ ተለያይታለች። መጋቤ ኦንቾ አባቴ ብላ እንዳትጠራቸውም አውጀዋል። ጀምበሬ በጣም ተጎድታለች። እስካሁን ከዚህ የተረፈው ራሒም ብቻ ነው! በዚህ ይዘልቅ ይሆን?

እምነት ለአጭር ጊዜም ቢሆን ስልኳ ተሰርቆ ተደናግጣ ነበር። ጀምበሬ በአንጻሩ የተሻለ ዕድል ገጥሟታል። ሁሉም ነገር መልካም እንደሚሆን ተስፋ አድርጋለች። ሕይወት ጥሩ ይመስላል። ይኼ ዕድል ይዘልቅ ይሆን?

ጀምበሬ በማህበራዊ ሚዲያ 50,000 ተከታዮች በማፍራቷ ዘመዳሞቹ በጣም ተደስተዋል። ጀምበሬም በኦን ላይን ከተዋወቀችው ሰው መለያየቷ ከፈጠረባት ስሜት ያገገመች ትመስላለች። እርሱ ግን መለያየታቸውን እንዴት ተቀብሎት ይሆን?

ከራሒም እና እምነት ጋር አንድ ላይ አብራ የምትኖረው እና በማህበራዊ ሚዲያ በምታገኘው ገቢ ኑሮዋን የምትመራው ጀምበሬ እና የአጎናፍር የፍቅር ግንኙነት ሳይጀመር በኢንዙና ከተማ በሚገኝ ምግብ ቤት ውስጥ ያበቃ ይመስላል። በእርግጥ አብቅቶለት ይሆን?

ጀምበሬ፣ እምነት እና ራሒም የወንድማማች ልጆች ቢሆኑም በባህሪያቸው እንደ ቀን እና ጭለማ የተለያዩ ናቸው። የዛሬውን ክፍል የምንጀምረው ከኢንዙና ከተማ ዳርቻ በሚገኝ አንድ ምግብ ቤት ውስጥ ይሆናል።