ባለፈው ክፍል እምነት ለረጅም ጊዜ ከተማሪዎቿ ጋር ተቋርጦ የነበረውን ግንኙነት እንደገና ማስቀጠል ችላለች። ምን ያህሉ ተማሪዎች የችግሩ ሰለባ እንደነበሩም አታውቅም ነበር፡፡ ችግሩን መታገል እንዳለባት ስታስብ ጀምበሬን እንድታግዛት ጠየቀቻት፡፡ ራሂምም በሃሳባቸው ተስቦ ስኬታማ ዘመቻ ለማካሄድ ተቀላቅሏቸዋል፡፡ ቀጥሎ ምን ይከሰት ይሆን?

እምነት ክፍል ውስጥ ከገጠማት ውድቀት ጋር ትግል ይዛለች ። ተማሪዎቿ እንደገና የእሷን ትኩረት ለማግኘት እየጣሩ ነው። ራሂም በማህበራዊ ሚድያ ከገባበት ሱሰኝነት ለመውጣት የሚያስችል ምክር ተቀብሏል፡፡ ጀምበሬ በምታደርገው ነገር ራሷን እየሆነች ነው ሶስቱ የወንድማማች ልጆች ላስቀመጡት የየግል ዕቅዳቸው ይታመኑ ይሆን?

እምነት ባለፈው ጊዜ ከገጠማት ሱስ ለመላቀቅ ከሀኪም ባለሙያ ጋር ተገናኝታለች። ጀምበሬ በበኩሏ ኦንላይን ባቀረበችው ቪዲዮ ፍጹምነት ባለመርካቷ ከውስጣዊ ግፊቶቿ ጋር እየታገለች ነበር። ራሂምም በፍቅር ወጥመድ የገባ ይመስላል። ከሳምንት በኋላ የሶስቱ የወንድማማች ልጆች ታሪክ እንዴት ይቀጥላል?

እምነት ከትምህርት ቤቱ ርእሰ መምህርት ጋር የማስጠንቀቂያ ስብሰባ ነበራት። ራሂም ከባለሀብቶቹ የደረሰው አሳሳቢ ኢ-ሜይል በዓላማው ላይ እንዲያተኩር አድርጎታል። ጀምበሬ የአጎቶቿን ልጆች የፋሽን ሳምንት የማስጀመሪያ ዝግጅት ላይ በመጋበዝ ምሽታቸውን ብሩህ አድርጋለች። ግን እውነተኛ ማንነታቸውስ የታለ?

እምነት በእርግጥ ከዲጂታል ሱሰኝነት ጋር እየታገለች ልትሆን እንደምትችል ደርሰንበታል። ጀምበሬም ራሷን በማሕበራዊ ሚዲያ ላይ በምታያቸው ነገሮች በማነጻጸር ወጥመድ በመያዟ የነበራት በራስ መተማመን ወርዷል። ዥዋዥዌ ውስጥ የገባውን የእምነት ፤ ጀምበሬ እና ራሂምን ሕይወት እንዴት ይቀጥል ይሆን?

እምነት በማስተማር ስራዋ ላይ ችግር ሊገጥማት እንደሚችል የተረዳች ይመስላል ። የራሂም ጅምር ህልምም አደጋ ላይ ነው። የጀምበሬ በራስ መተማመን ከምን ጊዜውም በላይ ወርዶ የታየበት ጊዜ ሆኗል። ለመሆኑ የወንድማማች ልጆቹ በእርግጥ በተናጥል የገጠሟቸውን ተግዳሮቶች ይወጡት ይሆን?

ሃሳቧ ወደ ሌላ ቦታ እየተወሰደ የተቸገረችው እምነት ዳግም የተማሪዎቿን አመኔታ ታገኝ ይሆን ? ጀምበሬም ብትሆን በኢንተርኔት በምናብ የሳለችው ማንነት በቀጥታ በምታከናውነው ስራዎቿ ላይ ችግር ሊያመጣባት እንደሚችል እየታየ ነው። ህይወታቸውን እንዴት ሚዛናዊ ማድረግ ይችሉ ይሆን ?

በዚህ “ከእውነተኛው ዓለም ውጪ” በሚለው ክፍል ሶስቱ የወንድማማች ልጆች በምናባዊ እና በገሃዱ ዓለም ለሕይወታቸው በጣም አስፈላጊ የሆነውን ነገር ሲማሩ፤ የሚገጥማቸውን እንቅፋት እና ድል ቀርባችሁ እንድትመሰክሩ ተጋብዛችኋል። ምን ይገጥማቸው ይሆን?

ድራማው በሃያዎቹ ዕድሜ ውስጥ የሚገኙት ሶስቱን የወንድማማች ልጆች በአንዲት አፍሪቃዊት ከተማ ውስጥ የማህበራዊ ሚዲያው እና ቴክኖሎጂው በየግል ሕይወታቸው እና በሞያቸው የሚያሳድርባቸውን የህይወት ውጣ ውረድ ለማሸነፍ የሚያደርጉት ጥረት ላይ ያተኩራል።