በሳይንስ እና ቴክኒክ ላይ ያተኩራል። | Deutsche Welle

በአሜሪካ ኤምባሲ አዘጋጅነት ለወራት የዘለቀው አገር አቀፍ የፈጠራ ውድድር አሸናፊዎቹ ታውቀው ባለፈው ቅዳሜ ተጠናቅቋል። በውድድሩ ወጣቶች በማኅበረሰባቸው ያስተዋሉትን ችግር ለመፍታት ያስችላል ያሏቸውን የፈጠራ ሥራዎች አቅርበዋል። ለመጨረሻው ውድድር ከቀረቡ 31 ፕሮጀክቶች ውስጥ ሦስቱ ተመርጠውም ሽልማት ተበርክቶላቸዋል።

የኢትዮጵያ መንግስት የኢትዮ-ቴሌኮምን የተወሰነ ድርሻ ለባለሀብቶች ለማስተላለፍ ውሳኔ ማሳለፉ ይታወሳል። በኢትዮጵያ ለአርሶ አደሩ ሌላው ቢቀር መደበኛ የተንቀሳቃሽ ስልክ አገልግሎት ቢዳረስ በግብርና ምርት ላይ ለውጥ እንደሚታይ ጥናቶች ያሳያሉ። በስንዴ አምራቾች ላይ የተደረገ ጥናት አገልግሎቱን የሚጠቀሙቱ ከፍ ያለ ምርት እንደሚያገኙ አመላክቷል።

በዕውቁ ጀርመናዊ ሊቅ አሌክሳንደር ፎን ሁምቦልት  ስም የተሰየመ ድርጅት በየዓመቱ ስብሰባ እና የሽልማት ስነስርዓት ያካሄዳል። ዛሬ አመሻሹ ላይ በተጀመረው እና በበርሊን እየተካሄደ በሚገኘው በዚህ ዓመቱ ዝግጅት ተሸላሚ ከሚሆኑት መካከል ኢትዮጵያዊቷ ምሁር ይገኙበታል።

ከቅርብ ጊዜ ወዲህ ኢትዮጵያውያን የቴክኖሎጂ እና የኮምፒውተር ባለሙያዎች ከ“ሰው ሰራሽ አስተውሎት” (Artificial intelligence) በዓለም አቀፍ መድረክ ስማቸው ይነሳ ይዟል። የሳዑዲ አረቢያ ዜግነት ለተሰጣት ለዝነኛዋ “ሶፊያ” ለተባለው ሮቦት የሶፍትዌር ምርቶች በማቅረብ ላይ የሚገኘው ኢትዮጵያዊ ድርጅት ለዚህ በአብነት ይነሳል።

የኢትዮጵያ የሳይንስና ቴክኖሎጂ ሚኒስቴር  የሀገሪቱን “የሰብል ልማት ታሪክ ሊቀይሩ” የሚችሉ ናቸው ያላቸው የጤፍ እና የማሽላ ዝርያዎች በምርምር መገኘታቸውን ሰሞኑን ይፋ አድርጓል። ዝርያዎቹ አንዴ ከተዘሩ በኋላ ተገቢው እንክብካቤ እየተደረገላቸው ከ10 እስከ 20 ዓመታት ምርት የሚሰጡ ናቸው ተብሏል።