အနားမှာ ရှိပါလျှက်နဲ့ နှုတ်ဆိတ်နေမိတဲ့အခါငါ့ကို ခွင့်လွှတ်ပါကွယ်…

ငြိမ်သက်ခြင်းထဲမှာ လောကကြီးက အထင်ကြီးသွားစရာ ဘာမှမရှိပါဘူး…. ဒါပေမယ့် ငြိမ်သက်ခြင်းထဲမှာ ပြည့်စုံခြင်း ရှိတယ်….

သူများမကောင်းကြောင်းကို ပြောနေတဲ့အခါမှာ ကိုယ့်ကိုယ်ကို ပြန်ကြည့်စမ်းပါ။ ငါဘယ်လိုလူ ဖြစ်သွားပြီလဲ။ စိတ်ထားကောင်းတဲ့ လူတစ်ယောက်တော့ မဟုတ်တော့ဘူးနော်။ စိတ်ထားနိမ့်ကျတဲ့ လူတစ်ယောက်ဖြစ်နေပြီ။ သူများအတင်းပြောတာကိုးးး

“ စိတ်ထားတွေ မတူတော့ ခံယူချက်တွေ မတူဘူး ၊ ခံယူချက်တွေ မတူတော့ စေတနာတွေ မတူဘူး၊ စေတနာတွေ မတူတော့ လုပ်ရပ်တွေ မတူဘူး၊ လုပ်ရပ်တွေ မတူတော့ ဘဝတွေ မတူဘူး” ဆိုတာကို Thinzar ပိုပြီး သဘောပေါက်လာတယ်…. 🙏🏻

ဝေဖန်တာတွေထဲမှာ ကိုယ့်ကိုကိုယ်ဝေဖန်တာလောက် အရေးကြီးတာ မရှိတော့ဘူး။ ဘာကြောင့်လဲဆိုတော့ အဲဒီ ကိုယ့်ကိုကိုယ် ဝေဖန်လိုက်တာ ကိုယ့်ဘဝရဲ့ အချက်အချာဖြစ်တဲ့ ကိုယ့်ရဲ့ နှလုံးသားအထိ ရောက်သွားတယ်။

ငါဟာ ကိုယ့်အမှားကိုယ် ပြင်ပြီးတော့ အမှားနည်းလေ ဖြစ်လာရမယ်။ မှားတာဟာ ဘာမှမဆန်းဘူး။ ပြင်ဖို့ပဲ လိုတယ်။ မှားတာက အကြီးမှားဆုံး ဆုံးရှုံမှု မဟုတ်ဘူး။ အမှားကို မပြင်နိုင်တာကမှ အကြီးမားဆုံး ဆုံးရှုံးမှု ဖြစ်တယ်။

Yoga ကျင့်လာရင်း ၁ နှစ်နှစ် ၉လ အတွင်းမှာ ပြောင်းလဲလာမှုတွေ အတွေ့အကြုံလေးတွေအကြောင်း ပြောထားပါတယ်ရှင် 🪷

သူတစ်ပါးရဲ့ ဝေဖန်ချက်တွေက ငါ့ကို မနှိပ်စက်နိုင်တော့ဘူး။ ငါဟာ သူတစ်ပါးရဲ့ ဝေဖန်ချက်တွေ နှိပ်စက်တာကို ခံနေရတဲ့လူ မဟုတ်တော့ဘူး…

တချို့ကိုယ်လိုချင်တဲ့အရာတွေက ကိုယ့်ကိုပြန်ပြီး ဒုက္ခပေးနေတယ်ဆိုတာ သတိထားဖို့လိုပါတယ်….

သူများကိုယ့်ကို အထင်ကြီးတယ်ဆိုတာ သူ့စိတ်ထဲမှာ ခဏလေးပေါ်လိုက်တဲ့ အတွေးလေးတစ်ခုပါ။ ဘာမှ အရေးမကြီးပါဘူး၊ နော်။ သူများကိုယ့်ကို ကဲ့ရဲ့တယ်ဆိုတာလဲ သူ့စိတ်ထဲမှာ ခဏလေး ပေါ်လိုက်တဲ့ အတွေးလေးတစ်ခုပါ။ အဲဒါလဲ ဘာမှ အရေးမကြီးပါဘူး။