មន្ត្រី​សង្គម​ស៊ីវិល​ ​ទាមទារ​ឲ្យ​អាជ្ញាធរ​ខេត្ត​ព្រះវិហារ​ ​រឹបអូស​ដី​ព្រៃ​ឋិត​ក្នុង​ដែន​ជម្រក​សត្វព្រៃ​គូលែន​ព្រហ្ម​ទេព​ទំហំ​ ​ជិត​ ​៥​០​០​ ​ហិកតារ​ (​៤​៧​០​) ​ដែល​ ​គ្រប់គ្រង​ដោយ​ក្រសួង​បរិស្ថាន​មក​ជា​សម្បត្តិ​រដ្ឋ​វិញ​។​ ​ការ​លើកឡើង​នេះ​ ​ក្រោយ​ពី​ព្រៃ​អភិ​រក្ស​នៅ​តំបន់​នោះ​ ​ត្រូវ​បាន​អ្នកមាន​លុយ​មានអំណាច​ ​ឈូស​ឆាយ​រំលោភ​យក​ដោយ​ខុសច្បាប់​ ​ហើយ​អាជ្ញាធរ​ខេត្ត​ ​និង​តំណាង​អយ្យការ​ខេត្ត​នេះ​ ​កំពុង​ចុះ​ស៊ើប​អង្កេត​ករណី​នេះ​។

អ្នក​ស្លាប់ដោយ​ការ​​​​​​ពុល​ស្រា​ស នៅ​ខេត្ត​កំពត ​កើន​ដល់​១០​​នាក់ នៅ​ថ្ងៃ​ទី​២៥ ឧសភា​។​ សង្គម​ស៊ីវិល​ ជំរុញ​ឲ្យ​រដ្ឋាភិបាល​​អនុម័ត​​ច្បាប់​​ស្ដីពី​ការ​គ្រប់គ្រង​គ្រឿង​ស្រវឹង ដើម្បី​ទប់​ស្កាត់​​ករណី​ពុល​ស្រា​​បន្ត​ទៀត។

អ្នកបរិស្ថាន និង​ជាអតីត​​អ្នកឃ្លាំ​មើល​ពន្ធនាគារ ​យល់ស្រប​ជាមួយ​អង្គការ​សិទ្ធិមនុស្ស​អន្តរជាតិ​ថា ​រដ្ឋាភិបាល​​ក្រុង​ភ្នំពេញ​កំពុង​លាក់ព័ត៌មាន​ពីចំនួន​អ្នកជាប់ឃុំ ដែល​បាន​ឆ្លង​ជំងឺកូវីដ-១៩។ ជាមួយគ្នានេះ​​មន្រ្តី​អង្គការ​សង្គម​ស៊ីវិល​រូប​នេះ​​ស្នើអោយ​មេដឹក​នាំ របប​ក្រុងភ្នំពេញ​ លោក ហ៊ុន សែន ចាត់វិធានការបន្ទាន់​ ដើម្បី​ទប់ស្កាត់​ការឆ្លងរាលដាលកាន់តែធ្ងន់ធ្ងរ​បន្ថែម​ទៀត។ ក្នុងនោះ​គឺ​គួរតែ​ដោះលែង​អ្នកជាប់ឃុំ​ ដែលអាច​ជាអ្នក​ជាប់​ឃុំ​បណ្ដោះអាសន្ន អ្នកជាប់ទោសស្រាលៗ ពិសេស​គឺ​ក្រុមអ្នកជាប់ឃុំ​ដោយ​សារ​​ការតរវ៉ា បញ្ហា​សង្គម និង​សកម្មជន​បរិស្ថាន ​ជាដើម។​

សូម​លោកអ្នក​នាង​ស្ដាប់​បទ​សម្ភាសន៍​រវាង​អ្នកស្រី សុជីវី ជាមួយ​ស្ថាបនិក​អង្គការ​មាតាធម្មជាតិ លោក​អាឡិកហានឌ្រូ ហ្កាន់សាឡេស ដេវិតសិន ( Alejandro Gonzalez Davidson) ហៅ​កាត់​ថា អាឡិច ជុំវិញរឿងនេះដូចតទៅ៖

សហជីព ជំរុញ​ឲ្យ​មាន​ការ​​​​ផ្អាក​ការងារ​នៅ​​​​​​​​​តាម​រោងចក្រ​​មួយ​ចំនួន​ទាំង​ស្រុង ក្នុង​​រយៈ​ពេល​ខ្លី ​ដើម្បី​​ទប់​ស្កាត់​ការ​ឆ្លង​ជំងឺ​កូវីដ​១៩(Covid-19)កាន់​តែ​ធ្ងន់ធ្ងរ​ជាង​នេះ​។ ​វិស័យ​ឯកជន​ ថា ពួកគេ​នឹង​​ស្ដាប់​តាម​ការ​ណែនាំ​របស់​ក្រសួង​ការងារ​។ ឯ​​​កម្មករ​​វិញ​ត្រូវ​បង្ខំ​ចិត្ត​ទៅ​ធ្វើការ​ទាំង​ប្រឈម​​ហានិភ័យ​ឆ្លង​ជំងឺ​ដោយសារ​គ្មាន​ប្រាក់​ចំណូល​។

អ្នក​ជំនាញ​ខាង​ផ្នែក​សុខាភិបាលស្នើ​ឱ្យ​ប្រជាពលរដ្ឋ​ ត្រូវ​ប្រុង​ប្រយ័ត្ន​សុខភាព​ដោយ​ខ្លួន​ឯង​ កុំ​ពឹង​ផ្អែក​ទៅ​លើ​អាជ្ញាធរ​បន្ទាប់​ពី​មាន​ពលរដ្ឋ​បាន​ស្លាប់​យ៉ាង​ហោយណាស់​ជិត២០នាក់​ក្នុង​រយៈពេល​ប៉ុន្មាន​ថ្ងៃ​កន្លង​ទៅ​នេះ​ និង​ជាង​៥០​​នាក់​ផ្សេង​ទៀត​បាន​ធ្លាក់​ខ្លួន​ឈឺ​ ដោយ​សារ​ពុល​ស្រា​។​ ចំនួន​អ្នក​ស្លាប់​ចុង​ក្រោយ​គេ​គឺ​៥នាក់​​នៅ​ក្នុង​ខេត្ត​កំពត​​​ ក្រោយ​ពី​បាន​ទទួល​ទាន​ស្រា​ស​ ជុំ​គ្នា​ នៅ​ក្នុង​ភូមិ។​

ជនជាតិ​ដើម​ភាគតិច​កួយ​រស់នៅ​ខេត្ត​កំពង់ធំ​ ​ជាប់​ព្រំដែន​ខេត្ត​ព្រះវិហារ​ ​ស្តាយស្រណោះ​ ​តំបន់​សន្លុង​ស្លដែក​ ​ជា​កន្លែង​ប្រវត្តិ​សា​ស្រ្ត ​ដែល​អ្នកភូមិ​ផ្តល់​តម្លៃ​ ​និង​គោរព​បូជា​ ​ត្រូវ​បាន​មេការ​ក្រុមហ៊ុន​ ​ទ្រី​ភាព​ ​ឈូស​ឆាយ​ក​ម្ទេ​ច​អស់​ទាំងស្រុង​ ​ដើម្បី​យក​ដី​ធ្វើជា​កម្មសិទ្ធិ​។​ ​ពួកគាត់​ ​អន់ចិត្ត​ ​ចំពោះ​ទង្វើ​របស់​អាជ្ញាធរ​ ​និង​ ​ក្រសួង​វប្បធម៌​ថា​ ​មិន​អើពើ​ថែរក្សា​ ​និង​អភិ​រក្ស​តំបន់​នោះ​ ​ស្របតាម​គោល​នយោបាយ​របស់​រដ្ឋាភិបាល​។​

មេធាវី​ការពារក្តី​ឱ្យ​ប្រធាន​គណបក្ស​សង្គ្រោះ​ជាតិ​ នៅ​តែ​ចាត់ទុក​រឿង​ក្ដី​​​លោក ​​​កឹម ​​សុខា​​​ ជា​រឿង​នយោបាយ​​​។​ ​លោកលើក​ឡើង​បែប​នេះ ​ខណៈ​តុលាការ​ផ្អឹប​សំណុំ​រឿង​​លោក កឹម សុខា ​​មិនទាន់ដំណើរការឡើងវិញ ​បើ​ទោះបី​ជា​​មេធាវី​ដាក់​លិខិត​​ជា​ច្រើន​ដង​ស្នើ​ឱ្យ​​​តុលាការ​បន្ត​​ការ​ជំនុំជម្រះ​ក្ដី​​ក៏​ដោយ​។ ទោះយ៉ាងណា​មន្រ្តី​បក្ស​​កាន់​អំណាច​នៅ​​តែ​​​ឆ្លើយ​តប​សំណុំ​នេះ​ស្ថិត​ក្នុង​ដៃ​តុលាការ​​​។​

មន្ត្រីអង្គការ​សង្គមស៊ីវិល ​បន្តអំពាវនាវឲ្យ​រដ្ឋាភិបាល​ ជួយអន្តរាគមន៍​ទៅធនាគារ​ និង​គ្រឹះស្ថានមីក្រូ​ហិរញ្ញវត្ថុ​ទាំងអស់​ ដើម្បីផ្អាកការ​បង់សង​ប្រាក់កម្ចី​​ទាំងការ​ទាំងដើម​សម្រាប់​រយៈ​ពេល​យ៉ាងតិច៣ខែ​ ក្នុង​អំឡុងពេល​ជំងឺកូវីដ​កំពុងរាតត្បាត​ធ្ងន់ធ្ងរ​នៅ​ឡើយ។ ​ការអំពាវនាវ​នេះ​ គឺបន្ទាប់ពី​ធនាគារជាតិ​នៃកម្ពុជា​ ចេញសេចក្តី​ជូនដំណឹង​មួយ​ ដោយ​ណែនាំ​ដល់​​គ្រឹះស្ថាន​ផ្តល់ប្រាក់​កម្ចីឯកជន​ទាំងអស់ ឱ្យ​បន្តរៀបចំ​ឥណទាន​ឡើងវិញ​ដូចកន្លងទៅ ​​ ដែលអង្គការសង្គមស៊ីវិលថា មិនអាចជួយ ជាដុំកំភួនដល់ពលរដ្ឋដែលជាកូនបំណុលឡើយ។

អ្នក​ស្រុក​បរិបូរណ៍ ខេត្ត​កំពង់ឆ្នាំង ដែល​មាន​ជម្លោះ​ដីធ្លី​​នៅ​​​ស្រុក​ក្រគរ​ ​អះអាង​ថា អាជ្ញាធរ​ខេត្ត​ពោធិ៍សាត់ បាន​​បង្ខំ​​ឱ្យ​​ពួកគាត់​ផ្ដិត​មេដៃ​ទទួល​យក​ដំណោះ​ស្រាយ សំណង ​​​​ដី​​ទំហំ​ កន្លះ​ហិកតារ (៥០​ម៉ែត្រ​ គុណ​១០០​ម៉ែត្រ​) ក្នុង១គ្រួសារ ជា​ថ្នូរ​ ​បញ្ឈប់​ការ​ឈប់​តវ៉ា​។ សង្គម​ស៊ីវិល ​យល់​ថា ​អាជ្ញាធរ​គួរ​​ដោះស្រាយ​ទំនាស់​នេះ ដោយ​​វាស់​​ដី​ ​ឱ្យ​ពលរដ្ឋ​គ្រប់​ចំនួន ដែល​ពួកគេ​ធ្លាប់​អាស្រ័យ​ផល ទើប​អាច​បញ្ចប់​ទំនាស់​បាន។

អ្នកជំនាញ​លើកឡើង​ថា កម្ពុជា​គួរ​ទាញ​យក​ប្រយោជន៍​ពី​កិច្ចប្រជុំ​ពិសេស​រដ្ឋមន្ត្រី​ការបរទេស​អាស៊ាន-អាមេរិក ដោយ​បង្ហាញ​នូវ​ជំហរ​ឲ្យ​អាមេរិក​ជឿជាក់​ទៅលើ​តួនាទី​របស់​​ខ្លួន​ដែល​នឹង​ធ្វើ​ជា​ប្រធាន​ប្តូរវេន​របស់​អាស៊ាន​នៅ​ឆ្នាំក្រោយ។ ការលើកឡើង​នេះ ស្របពេល​ដែល​អាស៊ាន និង​អាមេរិក នឹង​រៀបចំ​កិច្ចប្រជុំ​ពិសេស​មួយ​នៃ​រដ្ឋមន្ត្រី​ការបរទេស​របស់​ខ្លួន ដែល​នឹង​ប្រព្រឹត្តិទៅ​តាម​ប្រព័ន្ធ​វីដេអូ នៅ​ថ្ងៃទី២៥ ខែឧសភា ខានស្អែកនេះ ដោយ​មាន​រដ្ឋមន្ត្រី​ការបរទេស​អាមេរិក លោក អេនថូនី ប៊្លីនខេន (Antony Blinken) ចូលរួម។