កម្មកររោង​ចក្រ​នៅ​រាជធានីភ្នំពេញ ត្អូញត្អែរ​អំពី​ទុក្ខ​លំបាក ក្រោយ​ពួកគាត់​បើក​បាន​ប្រាក់​ឈ្នួល​បន្តិចបន្តួច ដែល​មិន​អាច​ជួយ​ឱ្យពួក​គាត់​សងបំណុល បង់ថ្លៃ​​បន្ទប់​ជួល ទឹក​ភ្លើង ​និង​ដោះស្រាយ​​ជីវភាព​មិន​រួច​ផង។ មន្រ្តី​សង្គមស៊ីវិល យល់ថា​រដ្ឋាភិបាល​​ និង​ថៅកែ​រោងចក្រ គួរ​យក​​ចិត្ត​​ទុក​​​បន្ថែម​​ ​​ជុំវិញ​​​ទុក្ខ​លំបាក​​របស់​​​កម្មករ​​និយោជិត ដើម្បី​​ធានា​ថា​ពួក​គាត់​អាច​រស់​នៅ​ក្នុងជីវ​ភាព​​សមរម្យ។

ពលរដ្ឋ​រង​ផល​ប៉ះពាល់​ពី​គម្រោង​​ព្រលាន​យន្តហោះ​ថ្មី ​កាប់​មែក​ឈើ​ តវ៉ា​បិទ​ផ្លូវ ​​​នៅ​ភូមិ​កំពង់​តា​ឡុង ឃុំ​បឹងខ្យាង ស្រុក​កណ្ដាល​ស្ទឹង ខេត្ត​កណ្ដាល ដើម្បី​ទាមទារ​សុំ​​ដំណោះស្រាយ​រឿង​ដីធ្លី។ អាជ្ញាធរ​មូលដ្ឋាន ​ថា ករណី​នេះ​បាន​បញ្ជូន​ទៅ​ថ្នាក់​លើ​ហើយ និង​រង់ចាំ​ដំណោះស្រាយ។

ក្រុម​​អ្នក​ការពារ​ព្រៃឈើ ស្នើសុំអាជ្ញាធរ​ កុំរុញ​ការ​ទទួល​ខុស​ត្រូវ​ដាក់​គ្នា​ និង​ទាមទារ​​​ឲ្យ​​​ស៊ើប​អង្កេត​ រក​មើល​ឈ្មួញ ឬ​ក្រុមហ៊ុន​​ឯជន ដែល​​​លួច​នាំ​ឈើ​​​​កម្រ​ជាង​ពីរ​រយ​ (២១១) តោន ឆ្លង​ដែន​ទៅទី​ក្រុង​ហុងកុង​។ សកម្មជនទាំងនេះ អះអាងថា ក្នុងករណី​ អាជ្ញាធរ​កម្ពុជា រក​មិន​ឃើញក្រុមឈ្មួញ​លួច​នាំ​ឈើ​ទាំង​នេះ​ទេ​ ពួកគេ នឹង​ផ្ញើ​របាយ​ការណ៍​​ ដើម្បី​​ស្នើសុំ​ឲ្យ​ស្ថាប័ន​អន្តរជាតិ​ ដែល​ធ្វើការ​រឿង​បរិស្ថាន និង ព្រៃឈើ​ជួយ​ស៊ើប​អង្កេត​ករណី​នេះ។

យុទ្ធនាការ​ចូលរួម​ទិញ​​ប័ណ្ណ​ដើម្បី​​ទិញ​នាឡិកា​លោក​ សម​ រង្ស៊ី​ ចាប់​ផ្ដើម​ហើយ​​​ដែល​មាន​រយៈ​ពេល​បី​សប្ដាហ៍​គិត​ចាប់​ពី​ថ្ងៃ​ទី​១៦​ ខែ​ឧសភា​តទៅ​។​ មន្ត្រីបក្សប្រឆាំង អំពាវនាវដល់​អ្នក​​ដែល​​ចង់​ចូល​រួម​វិភាគ​ទាន​ជួយ​ដល់​ពលរដ្ឋ​ក្រី​ក្រ​​ដែល​កំពុង​ជួប​បញ្ហា​ព្រោះ​វិបត្តិ​ជំងឺ​កូវីដ១៩​អាច​ទាក់ទង​ទិញ​ប័ណ្ណ​នេះ​តាម​បណ្ដាញ​ទំនាក់ទំនង​សង្គម​​និង​តាម​លេខ​ទូរស័ព្ទ​​។​ ទោះ​យ៉ាង​ណា​ មន្ត្រី​បក្ស​កាន់​​អំណាច​​ចោទ​ប្រកាន់​ថា​ នេះគឺជា​យុទ្ធនាការ​​បោក​បញ្ឆោត​របស់​លោក​ សម រង្ស៊ី​ ​​​កៀរគរ​រក​​​លុយ​​​ទុក​ចាយ​ប៉ុណ្ណោះ​។​

អាជ្ញាធរ​ពន្ធនាគារ ​លើកឡើងថា ​ដំណាក់កាលនេះ ​មិនទាន់​ចាំបាច់​ក្នុងការ​​ដោះ​លែង​អ្នកទោស​ដែល​មានបទ​ល្មើស​ស្រាលៗ​ឬអ្នកទោស​ដែលមាន​ហានិភ័យ​ឆ្លងជំងឺ​កូវីដ​នោះទេ ​ទោះបីជា​មាន​ករណី​ឆ្លងជំងឺកូវីដ​ចូល​ក្នុង​ពន្ធនាគារ​ខេត្តព្រះសីហនុក្តី​។ គ្រួសារ​របស់​សកម្មជន​បក្សប្រឆាំង​ដែល​កំពុងជាប់ឃុំ​ និង​មន្ត្រីសិទ្ធិមនុស្ស ​ជំរុញឲ្យ​អាជ្ញាធរពាក់ព័ន្ធ ​ចាត់វិធានការ​ពិនិត្យ​ដោះលែង​អ្នកទោស​មួយចំនួន​ជា​បន្តបន្ទាប់ ​ដោយ​មិន​ត្រូវរង​ចាំទាល់​តែ​មាន​បញ្ហា ​ទើប​រកដំណោះ​ស្រាយ​នោះទេ។​

អ្នក​ឃ្លាំមើល​ការ​រំលោភ​សិទ្ធិ​មនុស្ស​ចង់​ឃើញ តុលាការ​បើក​សវនាការ​សំណុំរឿង​មេដឹកនាំ​គណបក្ស​សង្គ្រោះជាតិ លោក កឹម សុខា ឲ្យ​បាន​ឆាប់ ស្របពេល​ដែល​តុលាការ​ចាប់ផ្ដើម​នីតិវិធី និង​កាត់​ក្ដី​សំណុំរឿង​មួយ​ចំនួន​ជា​បន្ត​បន្ទាប់​នោះ។

បន្លែ​ និង​កសិផល​មួយ​ចំនួន មាន​ទីផ្សារ​ឡើងវិញខ្លះហើយ ក្រោយ​ការ​បិទ​ខ្ទប់​ ខ្ទង់​មួយ​ខែ​កន្លង​មក​នេះ។ ប៉ុន្តែ បញ្ហា​តម្លៃ​​ នៅ​តែ​​ទាប​ បណ្ដាល​ឲ្យ​កសិករ​ខ្លះ អស់​ទឹក​ចិត្ត នឹង​បង្ក​បង្កើន​ផល។ អ្នក​ជំនាញ​កសិកម្ម ជំរុញ​រដ្ឋាភិបាល ផ្ដល់​ទុន និង ​ធានា តម្លៃ​ទីផ្សារ​កសិផល​​។

មន្រ្តី​គណបក្ស​បប្រឆាំង​​ប្រតិកម្ម​សារ​លោក ហ៊ុន សែន ឱ្យ​កង​កម្លាំងនគរបាល​បង្រ្កាប​ពលរដ្ឋ​មាន​និន្នាការ​ផ្ទុយ។ មន្រ្តី​សង្គម​ស៊ីវិល​ជំរុញ​ឱ្យ​អ្នកនយោបាយ​គ្រប់​ភាគី​គូរ​ដំណោះ​ស្រាយ​វិបត្តិ​នយោបាយ ដើម្បី​ឈាន​ទៅ​រកការ​បោះ​ឆ្នោត​ដោយ​សេរី ត្រឹមត្រូវ និង​យុត្តិធម៌ ស្រប​តាម​ឆន្ទៈ​ប្រជាពលរដ្ឋ​ខ្មែរ។

ប្រជាពលរដ្ឋ ​និង​មន្ត្រីសង្គមស៊ីវិល ​រិះគន់​តុលាការ​ជាន់ខ្ពស់​ដែល​ដោះលែង​ម្ចាស់​ក្លឹប​កម្សាន្ត​រ៉ក (ROCK) ឧកញ៉ា​ គិត ធាង​ ដែល​ជាមេក្លោង​ចែកចាយ​គ្រឿង ញៀន​ទ្រង់​ទ្រាយ​ធំនៅ​ក្នុងក្លឹប​កម្សាន្ត​របស់ខ្លួន។ពួកគាត់ ​ចាត់ទុកថា​ ការដោះលែងនេះ​ គឺជា​ការអនុវត្តច្បាប់​ស្តង់ដារពីរ​ និង​មានការ​សង្ស័យ​ពីអំពើ​ពុករលួយ​ជាប្រព័ន្ធ។

អនុរក្ស​ពន្ធនាគារ​ បាន​ជម្លៀស​ ​អ្នក​ទោស​ស្ត្រី​ ជាង​១០០​ នាក់​ ចេញ​ពី​មន្ទីរ​ឃុំ​ឃាំង​ ខេត្ត​ព្រះសីហនុ​ យក​ទៅ​ពន្ធនាគារ​ខេត្ត​កំពត​វិញ​ បន្ទាប់​ពី​មាន​អ្នក​ទោស​មួយ​ចំនួន​ មាន​ផ្ទុក​ជំងឺកូវីដ​ ១៩​។​ មន្ត្រី​ឃ្លាំ​មើល​ការ​រំលោភ​សិទ្ធិមនុស្សស្នើឲ្យ​ ​ពន្ធនាគារ​នៅ​ទូទាំង​ប្រទេស​យក​គំរូ​តាម​ពន្ធនាគារ​ខេត្ត​ព្រះសីហនុ​ ដើម្បី​ទប់​ស្កាត់​ការ​ឆ្លង​ជំងឺ​កូវីដ។​ ​