វេជ្ជបណ្ឌិត​ជំនាញ​នៅ​កម្ពុជា​ ផ្តល់​ដំបូន្មាន​ដល់​ប្រជាពលរដ្ឋ​ ឲ្យ​ប្រកាន់​ខ្ជាប់​នូវ​អនាម័យ​ស្អាត បរិភោគ​ទទួល​ទាន​អាហារូបត្ថម្ភ​ និង​អនុវត្ត​វិធានការ​មួយ​ចំនួន​តាម​ការណែនាំ​របស់​ក្រសួង​សុខាភិបាល​ ដើម្បី​បង្ការ​ជំងឺ​ឆ្លង​កូវីដ១៩​ ដែល​បច្ចុប្បន្ន​ មាន​ការ​កើន​ឡើង​នៃ​ចំនួន​អ្នក​ឆ្លង​ និង​អ្នក​ស្លាប់​ជា​បន្ត​បន្ទាប់។

តើ​មនុស្ស​គ្រប់​ៗ​គ្នា ត្រូវ​ប្រុង​ប្រយ័ត្ន​អ្វីខ្លះ​ ដើម្បី​បង្ការ​ការឆ្លង​ជំងឺ​កូវីដ១៩​ ក្នុង​ក្រុម​គ្រួសារ?

មន្ត្រី​សង្គម​ស៊ីវិល​ស្ដីបន្ទោស​ទៅ​រដ្ឋាភិបាល​ថា​ មិន​បាន​គិត​គូរ​ឱ្យ​បាន​ពេញ​លេញ​ ដល់​ជីវភាព​របស់​ពលរដ្ឋ​ទើប​បណ្ដាល​ឱ្យ​ ការ​ជួញដូរ​មនុស្ស​កើន​ឡើង​ ក្នុង​ពេល​ដែល​កម្ពុជា​ កំពុង​ផ្ទុះ​ជំងឺ​កូវីដ​ ១៩​ ចូល​ក្នុង​សហគមន៍​។​ មន្ត្រី​រដ្ឋាភិបាល​និយាយ​ថា​ ក្នុង​រយៈពេល​ ៣​ ខែ​ ដើម​ឆ្នាំ​ ២០២១​ នេះ​ ករណី​ជួញ​ដូរ​មនុស្ស​បាន​កើន​ឡើង​ចំនួន​ ៦៥​ ករណី​ បើ​ធៀប​ទៅ​នឹង​ រយៈពេល​ដូច​គ្នា​ កាល​ពី​ឆ្នាំ​២០២០។​

អាជ្ញាធរ​ខេត្ត​ពោធិ៍សាត់​​​​ ​​​ព្រមព្រៀង​​កាត់​ឆ្វៀល​ដី​​ មាន​ជម្លោះ​​​ ស្ថិត​នៅ​ស្រុក​ក្រគរ​​ឲ្យ​​ពលរដ្ឋ​មាន​ជម្លោះ​ដីធ្លី នៅ​​ខេត្ត​កំពង់ឆ្នាំង​ហើយ​ក្រោយ​ពេល ​ពលរដ្ឋ​ជា​ច្រើន បាន​តវ៉ា​ បិទ​ផ្លូវ​ជាតិ​លេខ​៥ កាល​ពី​ថ្ងៃ​ទី​១១ ឧសភា។ ពលរដ្ឋ ថា ពួកគាត់​ចង់​បាន​ដី គ្រប់​ចំនួន​ ដែល​ពួកគាត់​ ធ្លាប់​អាស្រ័យផល​ មុន​ពេល​មាន​ជម្លោះ​។

ពលករខ្មែរ​ម្នាក់​ព្រួយ​បារម្ភ​ពី​សុវត្ថិភាព​ ក្រោយ​ពេល​ស្ថានទូត​ខ្មែរ​ប្រចាំ​ទីក្រុង​បាងកក​ (Bangkok) កំពុង​ស្វែងរក​អត្តសញ្ញាណ​របស់​លោក​ បន្ទាប់​ពី​ពលករ​រូប​នេះ​បង្ហោះ​សារ​រិះគន់​ពី​ភាព​អសកម្ម​របស់​មន្រ្តី​ស្ថានទូត។ ​មន្រ្តី​សង្គម​ស៊ីវិល ​មិន​គាំទ្រ​ចំពោះ​ចំណាត់​ការ​ស្ថានទូត​នោះ​ទេ ​ព្រោះ​ការ​លើក​ឡើង​របស់​ពលករ​គឺ​ជា​សិទ្ធិ​បញ្ចេញ​មតិ​របស់​ពលរដ្ឋ។

​សកម្មជន​គណបក្សប្រឆាំង​ម្នាក់​ស្នាក់​នៅ​ក្នុង​វត្ត​ចាស់​ ​ក្នុង​ខណ្ឌ​ជ្រោយ​ចង្វា​ ​រាជធានី​ភ្នំពេញ​ ​ត្រូវ​ជន​មិន​ស្គាល់​មុខ​មួយ​ក្រុម​ ​ព្រួត​គ្នា​វាយ​បណ្តាល​ឱ្យ​របួសធ្ងន់​។​ ​មន្ត្រី​គណបក្សប្រឆាំង​ចាត់​ទុក​ទង្វើ​នេះ​ ​ជា​ផែនការ​ទុច្ចរិត​របស់​មេដឹកនាំ​បក្ស​កាន់អំណាចហើយ​ពួកគេ​ក៏​គ្មាន​សង្ឃឹម​ថា​ ​នឹង​ទទួល​បាន​ដំណោះស្រាយ​ដោយ​យុត្តិធម៌​នោះ​ឡើយ។

ប៉ូលិស​​​នៅ​ក្រុង​ប៉ោយប៉ែត​​បង្ខំ​ឱ្យ​​តំណាង​សហគមន៍​ដីធ្លី​​២នាក់ ​​ធ្វើ​កិច្ច​សន្យា​ឱ្យ​បញ្ឈប់​សកម្មភាព​ចុះ​ស្រង់​ឈ្មោះ​ប្រជាពលរដ្ឋ​ដើម្បី​ឧបត្ថម្ភ​ស្បៀង​អាហារ​ដល់​ពួក​គាត់​​អំឡុង​ពេល​វិបត្តិ​ជំងឺ​កូវីដ​១៩​​ ​ជា​ថ្នូរ​នឹង​ការ​​​ដោះលែង​ឱ្យ​មាន​សេរីភាព​វិញ​នៅ​ព្រឹក​ថ្ងៃ​ទី​១២​ឧសភា​។ មន្ត្រី​សង្គម​ស៊ីវិល​ ចាត់​ទុក​រឿង​នេះ​ថា ​ជា​ការ​គំរាមកំហែង​និង​បិទ​សិទ្ធិ​សេរីភាព​ពលរដ្ឋ​ដោយ​ខុស​ច្បាប់។

ប្រធាន​គណបក្ស​សង្គ្រោះ​ជាតិ​ លោក កឹម សុខា បន្ត​លើក​ឡើង​ពី​ភាព​ស្អាត​ស្អំ​របស់​លោក និង​ចង់​ឱ្យ​មាន​ការ​ដោះស្រាយ​បញ្ហា​រវាង​ភាគី​ខ្មែរ និង​ខ្មែរ។ ប៉ុន្តែ​អ្នក​តាម​ដាន​ស្ថានការណ៍​មើល​ឃើញថា វិបត្តិ​នយោបាយ លែង​អាច​ដោះស្រាយ​បាន​រវាង​ភាគី​ខ្មែរ និង​ខ្មែរ​ទៀតហើយ ព្រោះ​បក្ស​ប្រឆាំង​មិន​មាន​កម្លាំង​នយោបាយ​គ្រប់គ្រាន់​ដើម្បី​ឱ្យ​បក្ស​កាន់​អំណាច​ព្រម​វិល​ចូល​តុ​ចរចា​នោះ​ទេ។

តំណាងគណបក្ស​កាន់​អំណាច ​លើក​ឡើងថា អាជ្ញាធរ​​មាន​ស្បៀងអាហារ​គ្រប់គ្រាន់​សម្រាប់ចែក​ជូន​កម្មករ​ដែល​កំពុង​ជួប​បញ្ហា​ខ្វះខាត ប៉ុន្តែ​មិន​មែន​សម្រាប់​ចែក​ឱ្យកម្មករ​យក​ទៅលក់​បន្ត​នោះទេ។ ក្រុម​​កម្មករ ​ឆ្លើយតប​វិញថា ពួកគាត់​សុំ​ស្បៀងដើម្បី​ដោះទាល់​មួយគ្រាប៉ុណ្ណោះ គ្មាន​កូន​ចិត្ត​សូម្បី​បន្តិច​រឿង​សុំ​​ស្បៀងដើម្បី​យក​ទៅលក់។

មន្ត្រី​គណៈកម្មាធិការ​ជាតិ​ប្រឆាំង​ទារុណកម្ម​ទូរស័ព្ទ​សាកសួរ​សាច់ញាតិ​បុរស​ម្នាក់​ដែល​ស្លាប់​ក្នុង​ពេល​ជាប់​ឃុំ​នៅ​ពន្ធនាគារ​ខេត្ត​បាត់ដំបង​ នៅ​ព្រឹក​ថ្ងៃ​ទី​១១​ឧសភា​ ដើម្បី​​ស្រាវជ្រាវ​រក​ការពិត​​លើ​រឿង​នេះ​។ មន្ត្រី​អង្គការ​សង្គម​ស៊ីវិល​ យល់​ថា ​​វិធាន​ការ​នេះ​ជា​រឿង​ល្អ​ដែល​អាច​​​​ជួយ​រក​យុត្តិធម៌​ជួន​​ដល់​សាច់ញាតិ​ជនរងគ្រោះ​បាន​។

ពលរដ្ឋ​​ រស់​នៅ​ស្រុក​បរិបូរណ៍​ ខេត្ត​​​​​​​កំពង់ឆ្នាំង​ នៅថ្ងៃនេះបាននាំ​គ្នា​​​តវ៉ា​បិទ​ផ្លូវ​ជាតិ​លេខ​៥ ​នៅ​ជាប់​ព្រំ​ប្រទល់​ខេត្ត​ពោធិ៍សាត់​ ដើម្បី​ទាមទារ​​​ឲ្យ​អាជ្ញាធរ​​​ដោះ​ស្រាយ​​​​​វិវាទ​ដីធ្លី​​ ករណីចោទថា ​អាជ្ញាធរ​ខេត្ត​ពោធិ៍សាត់ បានបោះ​បង្គោល​យក​ដី​របស់​ពួកគាត់​។ ​ពលរដ្ឋ បាន​រំសាយ​ការ​តវ៉ា​វិញ​​ ​ក្រោយ​ពេលអាជ្ញាធរ​​ចុះ​​អន្តរាគមន៍។