អ្នក​ជំងឺកូវីដ-១៩ ដែល​​អាជ្ញាធរ​​ចោទ​ថា បាន​​ល្មើ​ស​​នឹង​​បម្រាម​​របស់​រដ្ឋាភិបាល​​នោះ កំពុង​​ព្រួយ​​បារម្ភ​រឿង​គ្មាន​​ប្រាក់​​បង់​ពិន័យ និង​​ជាប់​​ពន្ធនាគារ។ ពួក​​គាត់​​ថា មិន​​បាន​​ដឹង​ច្បាស់​​ពី​បម្រាម​​របស់​​អាជ្ញាធរ​​នោះទេ ហើយ​ស្នើ​សុំ​ដល់​​អាជ្ញាធរ​​កុំ​ផាក​ពិន័យ និង​​ដាក់​​គុក​​ពួក​​គាត់។

មេដឹកនាំ​សហជីព​កម្មករ​ព្រួយបារម្ភ​អំពី​ការ​ឆ្លង​រាលដាល​នៃ​ជំងឺ​កូវីដ១៩​ ចូល​ទៅ​ក្នុង​ចង្កោម​កម្មករ​រោង​ចក្រ​កាត់​ដេរ​ ដែល​អាច​ក្លាយ​ជា​វិបត្តិ​ធ្ងន់ធ្ងរ​សម្រាប់​ក្រុម​កម្មករ​ និង​ពិបាក​ដោះ​ស្រាយ​។

មន្ត្រី​សហជីព​ និង​កម្មករ​រោងចក្រ​ ស្នើ​សុំ​ឲ្យ​រដ្ឋាភិបាល ​មាន​វិធានការ​ច្បាស់​លាស់​ក្នុង​ការ​ជួយ​សម្រួល​ថ្លៃ​បន្ទប់​ជួល​ និង​ថ្លៃ​ទឹក​ថ្លៃ​ភ្លើង​ក្នុង​តំបន់​បិទ​ខ្ទប់។ ការ​ស្នើ​សុំ​នេះ ​គឺ​បន្ទាប់​ពី​ប្រមុខរដ្ឋាភិបាល ​អំពាវនាវ​ជា​ថ្មី​ទៀត​ដល់​ម្ចាស់​ផ្ទះ​ជួល ​ផ្អាក​យក​ថ្លៃ​បន្ទប់​ជួល ជា​បណ្តោះ​អាសន្ន​ ព្រមទាំង​ស្នើ​សុំ​ឲ្យ​អគ្គិសនី​កម្ពុជា ​និង​រដ្ឋាករ​ទឹក កម្ពុជា ​ពិនិត្យ​លទ្ធភាព​អនុគ្រោះ​ថ្លៃ​ទឹក​ថ្លៃ​ភ្លើង​ដល់​កម្មករ​ក្នុង​តំបន់​បិទ​ខ្ទប់​ផង។

អ្នកនាំពាក្យ​បក្ស​កាន់​អំណាច​និយាយ​ថា​ គណបក្ស​ប្រជាជន​កម្ពុជា​មិន​អាច​ចរចា​នយោបាយ​នឹង លោក កឹម សុខា បាន​ទេ ដោយសារ​តែ​ករណី​លោក កឹម សុខា​ ឋិត​ក្នុង​កណ្តាប់​ដៃ​របស់​តុលាការ​។ ទោះយ៉ាងណា ​មន្រ្តី​សង្គម​ស៊ីវិល​ដែល​ឃ្លាំ​មើល​នយោបាយថា បក្សកាន់អំណាច​គួរ​បន្ទន់​ឥរិយាបថ​ជជែក​ជាមួយ​បក្ស​ប្រឆាំង​ដើម្បី​ជៀស​វាង​វិបត្តិ​សង្គម​រីក​ធំ​ជាង​នេះ​ទៀត​ដោយសារ​តែ​វិបត្តិ​នយោបាយ។

អ្នក​ឃ្លាំមើល ជំរុញ​​ឲ្យ​ក្រសួង​សុខាភិបាល ​បង្ហាញ​​ទិន្នន័យ​មួយ​ចំនួន និង​ ទីតាំង​ រស់​នៅ ​​របស់​អ្នក​ឆ្លង​ជំងឺ​កូវីដ​១៩ (Covid-19) ដូច​ពេល​​មុន​ឡើង​វិញ ដើម្បី​ពលរដ្ឋ​ ងាយ​ស្រួល​​បង្ការ​ខ្លួន និង​ប្រុង​ប្រយ័ត្ន។ ការ​ស្នើសុំ​នេះ ​ដោយសារ​មួយ​រយៈ​ចុង​ក្រោយនេះ ​ក្រសួង​សុខាភិបាល បាន​បង្ហោះ​ត្រឹមតែ​តួលេខ​អ្នក​ឆ្លង​​តែ​ប៉ុណ្ណោះ ដោយ​លែង​ផ្តល់​ព័ត៌មាន​ចាំបាច់​មួយ​ចំនួន​ទៀត។

មន្ត្រី​អង្គការ​សង្គម​ស៊ីវិល លើក​ឡើង​ថា រវាង​រដ្ឋាភិបាល​និង​សង្គម​ស៊ីវិល​មាន​តួនាទី​និង​កាតព្វកិច្ច​ផ្សេង​គ្នា ក្នុង​ការ​ចូលរួម​ដោះស្រាយ​បញ្ហា​និង​ទុក្ខ​លំបាក​របស់​ប្រជាពលរដ្ឋ ពិសេស​ក្នុង​វិបត្តិ​ជំងឺ​កូវីដ-១៩ នេះ។

តើ​រដ្ឋាភិបាល​កាតព្វកិច្ច​បែប​ណា? ចុះ​ខាង​អង្គការ​សង្គមស៊ីវិល​មាន​តួនាទី បែប​ណា?

អ្នកជំនាញ​កសិកម្ម​ស្នើ​ឱ្យ​រដ្ឋាភិបាល​គិតគូរ​ពី​ផលប្រយោជន៍​កសិករ​ឱ្យ​បាន​ច្រើន​ពាក់ព័ន្ធ​នឹង​ការ​នាំចេញ​ផ្លែ​ស្វាយ​ស្រស់​ទៅ​កាន់​ប្រទេស​ចិន។ ការ​ស្នើ​ឡើង​នេះ​បាន​កើត​មាន​ឡើង​ក្រោយ​ពី​កម្ពុជា​ និង​ប្រទេស​ចិន​បាន​បើក​សម្ពោធ​ជា​ផ្លូវ​ការ​នាំ​ចេញ​ផ្លែ​ស្វាយ​ស្រស់​ជាលើកដំបូង​ទៅ​កាន់​ប្រទេស​ចិន។

មន្ត្រី​សង្គមស៊ីវិល ​លើកឡើងថា ​អំពើពុករលួយ​ជាផ្នែក​មួយនាំឲ្យ​មានការ​ឆ្លង​រាត​ត្បាត​ជំងឺកូវីដ-១៩​ធ្ងន់ធ្ងរ​ ។ អំពើ​ពុករលួយ​ទាំងនោះ​ ការទទួល​សំណូកនៅតាម​ព្រំដែន ​និង​ទទួល​សំណូក​ពី​ជន​ជាតិចិន ជាដើម។ ទោះបីយ៉ាងណា ​អ្នកនាំពាក្យ​គណបក្ស​កាន់អំណាច ​ថ្លែងថា មន្ត្រីសមត្ថកិច្ច​ដែល បានប្រព្រឹត្តអំពើពុករលួយ​ ​មានចំនួនតិចតូច ហើយ​រដ្ឋាភិបាល ​បាន​ចាត់វិធានការ​ច្បាប់​ជាបន្តបន្ទាប់។

មន្រ្តី​ជាន់​ខ្ពស់​បក្ស​ប្រឆាំង​ដែល​ស្និទ្ធ​នឹង​លោក កឹម សុខា គឺ​លោក សួន សូរីដា អះ​អាង​ថា លោក កឹម សុខា កំពុង​ស្វះស្វែង​រក​ដំណោះស្រាយ​នយោបាយ​ជាមួយ​បក្ស​កាន់​អំណាច​ ហើយ​លោក​មិន​ប្រកាន់​ជំហរ​កាប់​បំពង់​រង់ចាំ​ទឹក​ភ្លៀង។ តំណាងរាស្ត្រ​ជាប់​ឆ្នោត​គណបក្ស​សង្គ្រោះ​ជាតិ​រូប​នេះ ប្រដូច​អ្នក​សុំ​សិទ្ធិ​ធ្វើ​នយោបាយ​ថា​ កំពុង​ដង​ទឹក​ស្អុយ​ដាក់​ពាង​។ អ្នកវិភាគ​លើក​ឡើង​ថា​ លោក កឹម សុខា​ គួរ​តែ​បង្ហាញ​សកម្មភាព​ឱ្យ​សកម្ម​ជាង​សព្វ​ថ្ងៃ​ដូចជា សកម្មភាព​មនុស្សធម៌​ជា​ដើម។

គ្រោះ​ធម្មជាតិ​ខ្យល់​កន្ត្រាក់​លាយឡំ​ទឹកភ្លៀង​ ​និង​ផ្គរ​រន្ទះ​ ​បាន​បំផ្លាញ​លំនៅឋាន​ពលរដ្ឋ​រាប់​រយ​ខ្នង​ក្នុង​ខេត្ត​មួយ​ចំនួន​ ​ដូចជា​ខេត្ត​កំពង់ស្ពឺ​ ​ត្បូងឃ្មុំ​ ​និង​ ​រាជធានី​ភ្នំពេញ​។​ ​ពលរដ្ឋ​ថា​ ​គ្រោះ​មហន្តរាយ​នេះ​ ​គឺជា​បន្ទុក​បន្ថែម​ទៀត​ ​ប៉ះពាល់​ជីវភាព​ពួកគាត់​ធ្ងន់ធ្ងរ បន្ទាប់ពីជំងឺកូវីដ១៩(Covid-19)