ប្រជាពលរដ្ឋ​មួយ​ចំនួន​នៅ​​ខេត្ត​បន្ទាយមានជ័យ​​ព្រួយបារម្ភ​អំពី​សុវត្ថិភាព​កាន់​តែ​ខ្លាំង​ ក្រោយ​​ពេល​​ផ្ទុះ​ការ​រាតត្បាត​ជំងឺ​កូវីដ​១៩​កាន់​តែ​ច្រើន​ឡើង​ឆ្លង​ចូល​ក្នុង​សហគមន៍​នៅ​ក្នុង​ខេត្ត​​​នេះ។ ស្ថានភាព​បែប​នេះ​ធ្វើ​ឱ្យ​ប្រជាពលរដ្ឋ​ខ្លះ​​ ផ្អើល​​ទិញ​ស្បៀង​អាហារ​ស្តុក​​ទុក​ និង​ខ្លះ​ទៀត​បាន​បិទ​តូប​ផ្អាក​លក់​ដូរ​​ជា​បណ្ដោះ​អាសន្ន​នាំ​គ្នា​សំងំ​នៅ​ក្នុង​ផ្ទះ​ ដើម្បី​សុវត្ថិភាព​​រៀងៗខ្លួន​​។​

អ្នកឃ្លាំមើលសង្គម ជំរុញឲ្យក្រសួងសុខាភិបាល កែលម្អស្ថានភាពការព្យាបាលអ្នកជំងឺកូវីដ-១៩ (Covid-19) និងកុំយកអ្នកជំងឺទៅទុកចោល ឲ្យដេកនៅក្រៅទីតាំងកន្លែងព្យាបាលបែបនេះ តទៅទៀត។

ការស្នើសុំនេះ ធ្វើឡើងក្រោយពេលមានអ្នកជំងឺកូវីដ-១៩ ច្រើននាក់ មិនត្រូវបានមន្ត្រីគ្រប់គ្រងកន្លែងព្យាបាលក្នុងពហុកីឡាដ្ឋានអូឡាំពិក អនុញ្ញាតឲ្យចូលទៅសម្រាកក្នុងស្តាត។

ក្រសួង​ព័ត៌មាន​​​ ព្រមាន​អ្នកសារព័ត៌មាន​ជាថ្មី​ ឲ្យ​ឈប់​ចូល​​យក​ព័ត៌មាន ​​ក្នុង​តំបន់​ហាម​ឃាត់។ ការ​ព្រមាន​នេះ ដោយសារ​តែ​ក្រសួង​សង្កេត​ឃើញ​ថា មួយ​រយៈ​ចុង​​ក្រោយ​នេះ មាន​អ្នក​សារព័ត៌មាន​ខ្លះ បាន​រាយការណ៍​ខុស​វិជ្ជាជីវៈ បង្ក​ឲ្យ​មាន​ភាព​ច្របូកច្របល់ ពាក់ព័ន្ធ​នឹង​ស្ថានភាព​ជំងឺ​កូវីដ​១៩។ រីឯអ្នក​ជំនាញ​ផ្នែក​ប្រព័ន្ធ​ផ្សព្វផ្សាយ​រូប​នេះ ព្រួយ​បារម្ភ​ថា ការ​ហាមឃាត់​អ្នក​សារព័ត៌មាន​ មិន​ឲ្យ​ចូល​​ក្នុង​តំបន់​ហាមឃាត់ នឹង​ធ្វើ​ឲ្យ​បាត់​ប្រយោជន៍​ពលរដ្ឋ។

មន្ត្រីសង្គមស៊ីវិល និងអ្នកវិភាគបង្ហាញក្តីព្រួយបារម្ភថា កម្ពុជាអាចនឹងរងសម្ពាធកាន់តែខ្លាំងពីឥទ្ធិពលនយោបាយកុម្មុយនិស្តចិន និងជាប់អន្ទាក់បំណុល​ ពិបាកនឹងដោះខ្លួនរួចបង្កភាពស្មុគស្មាញដល់រដ្ឋាភិបាលក្រោយៗទៀត។ ​ការលើកឡើងនេះធ្វើឡើងបន្ទាប់ពីស្ថានទូតចិនប្រចាំកម្ពុជា ចេញលិខិតប្រកាសថា គ្មានប្រទេសណាមួយកំពុងរងទុក្ខវេទនាដោយសារបំណុលចិននោះទេ។

​មន្ត្រី​អង្គការ​សង្គម​ស៊ីវិល​និង​អ្នក​សារព័ត៌មាន​​ស្នើ​ឱ្យ​រដ្ឋាភិបាល​ក្រុង​ភ្នំពេញ​​បើក​ទូលាយ​សិទ្ធិ​សេរីភាព​​​ដល់​សារព័ត៌មាន​​​ ដើម្បី​​​​អ្នក​សារព័ត៌មាន​​បាន​បំពេញ​​​ការងារ​តាម​វិជ្ជាជីវៈ​។ ​​​សង្គម​ស៊ីវិល​​កត់សំគាល់​ថា ​អាជ្ញាធរ​កម្ពុជា​នៅ​តែ​បន្ត​រឹតត្បិត​សិទ្ធិ​សេរីភាព​ដល់​អ្នក​សារព័ត៌មាន​។ការលើកឡើងនេះ គឺ​ក្នុង ឱកាស ប្រារព្ធ​ទិវា​សេរីភាព សារព័ត៌មាន​ពិភពលោក​នៅថ្ងៃទី៣ ឧសភា។

ក្រុម​គ្រួសារ​​របស់​អ្នក​ជាប់​ឃុំ ក្នុង​ពន្ធនាគារ​ដោយសាររឿងនយោបាយនិងសង្គម ខក​ចិត្ត​ ចំពោះ​ អាជ្ញាធរ​ពន្ធនាគារ ដែល​មិន​​​ព្រម​រៀបចំ​ប្រព័ន្ធ​ទូរស័ព្ទ និង​ មិន​អនុញ្ញាត​ឲ្យ​អ្នក​ជាប់​ឃុំ ​​​ទូរស័ព្ទ ​​មក​ប្រាប់​​ពី​​សុខ​ទុក្ខ ក្នុង​ពេល​មាន​វិបត្តិ​ជំងឺ​កូវីដ​១៩ (Covid-19)។ សង្គម​ស៊ីវិល​ យល់​ថា ​អាជ្ញាធរ មិន​គួរ​បំបិទ​សិទ្ធិ​អ្នក​ជាប់​ឃុំ​ទេ និង​ត្រូវ​តែ​អនុញ្ញាត​ឲ្យ​ពួកគេ អាច​ទូរស័ព្ទ​ ប្រាប់​ពី​សុខ​ទុក្ខ​​ដល់​ក្រុម​គ្រួសារ។

អាជ្ញាធរ​រាជធានី​ភ្នំពេញ​​​​បាន​​បន្ធូរ​បន្ថយ ការ​បិទ​ខ្ទប់​​ផ្លូវ​មួយ​ចំនួន​និង​បាន​​អនុញ្ញាត​​ឲ្យ​ពលរដ្ឋ​រស់​នៅ​ក្នុង​​តំបន់​ដែល​​មិន​សូវ​​​មាន​ករណី​ឆ្លង​ជំងឺ​កូវីដ​១៩ (covid-19) អាច​ធ្វើ​ដំណើរ​ទៅ​​ធ្វើការ​បាន។ ពលរដ្ឋ គាំទ្រ​ចំណាត់​ការ​នេះ តែ​ទាមទារ​ឲ្យ​អាជ្ញាធរ​ពន្លឿន​ការ​ចែក​អំណោយ ដល់​ពលរដ្ឋដែលកំពុង​ប្រឈមនឹងការដាច់ស្បៀង​។

ស្នងការ​ខេត្ត​មណ្ឌលគិរី​បាន​អនុញ្ញាត​ឱ្យ​ជនជាតិ​ដើម​ភាគតិច​ ​៥​នាក់​ ​ត្រឡប់មក​ផ្ទះ​វិញ​ហើយ​ ​នៅ​រសៀល​ថ្ងៃ​ទី​ថ្ងៃ​ទី​០​៣​ ​ឧសភា​ ​ក្រោយ​ពី​សាកសួរ​ពេញ​មួយ​ព្រឹក​ ​ទាក់ទិន​ជម្លោះ​ដីធ្លី​នៅ​តំបន់​ភ្នំ​រ៉ាដា​ង​ ​ជាមួយ​បុគ្គល​មាន​លុយ​មានអំណាច​។​ ​ក្នុង​ពេល​កោះហៅ​នោះ​ ​មាន​ជនជាតិ​ដើម​ភាគតិច​ជាង​ ​១​០​នាក់​ ​បាន​លើកគ្នា​ឃ្លាំមើល​ដល់​ស្នងការ​ខេត្ត​ ​ហើយ​ចាត់​ទុក​ ​ការ​កោះហៅ​នេះ​ ​ជា​ការ​កាច់​បំបាក់​ស្មារតី​ពលរដ្ឋ​ ​ដែល​លះបង់​កម្លាំង​កាយ​ចិត្ត​ការពារ​សម្បត្តិ​រដ្ឋ​។​

ម​ន្ដ្រី​បក្ស​ប្រឆាំង​ ​រិះគន់​មេដឹកនាំ​របប​ក្រុងភ្នំពេញ​ ​លោក​ ​ហ៊ុន​ ​សែន​ ​ដែល​យក​កីឡាករ​បាល់ទាត់​ពិភពលោក​ ​ដើម្បី​វាយប្រហារ​បក​ទៅលើ​អ្នករិះគន់​លោក​ ​ពាក់ព័ន្ធ​នឹង​ការ​ចាក់​វ៉ាក់សាំង​បង្ការ​ជំងឺ​កូ​វី​ដ​របស់​ចិន​ ​។​ ​ប្រតិកម្ម​បែប​នេះ​ក្រោយពេល​លោក​ ​ហ៊ុន​ ​សែន​ ​សរសេរ​លើ​ហ្វេសប៊ុក​ដោយ​លើក​ពី​ឈ្មោះ​កំពូល​កីឡាករ​បាល់ទាត់​មី​ស​ស៊ី​(​Mess​i​ )​និង​នី​ម៉ា​( N​e​y​mar​) ​ដែល​ ​ត្រូវ​បាន​សារ​ព័ត៌មាន​ចិន​ចុះផ្សាយ​ថា​អ្នក​ទាំងពីរ​គ្រោង​ចាក់​វ៉ាក់សាំង​កូ​វី​ដ​១​៩​របស់​ចិន​ ​ទោះ​ពួកគេ​មាន​ជម្រើស​ចាក់​វ៉ាក់សាំង​ផ្សេង​ក៏ដោយ​។​

ប្រជាពលរដ្ឋ​​មួយ​ចំនួន​នៅ​តំបន់​បិទ​ខ្ទប់​​ក្នុង​ក្រុង​ប៉ោយប៉ែត​ ខេត្ត​បន្ទាយមានជ័យ​ស្រែក​រក​ស្បៀង​អាហារ​ពី​អាជ្ញាធរ​ ដើម្បី​ជួយ​សង្គ្រោះ​ជីវិត​​ជា​បន្ទាន់។ ​ពលរដ្ឋ​ទាំង​នោះ ​អះអាង​ថា អំឡុង​ពេល​​បិទ​ខ្ទប់​នេះ ​ពុំ​មាន​អាជ្ញាធរ​ណា​ផ្ដល់​ស្បៀង​​ជូន​ដល់​ពួកគាត់​នៅ​ឡើយ​ទេ​ ខណៈ​ដែល​ពួកគាត់​កំពុង​តែ​មាន​​ជីវភាព​​តោកយ៉ាក​ ដោយសារ​អត់​ការងារ​ធ្វើ​ជា​ច្រើន​ខែ​មក​ហើយ​ ​បណ្ដាល​មក​ពី​ការ​រាតត្បាត​ជំងឺ​កូវីដ​១៩​។ មន្ត្រី​សង្គម​ស៊ីវិល​ យល់​ថា ​ អាជ្ញាធរ​ពាក់​ព័ន្ធ​គួរតែ​​ប្រញាប់​​ដោះស្រាយ​​បញ្ហា​នេះ​ជា​បន្ទាន់។