មន្រ្តី​សង្គម​ស៊ីវិល និង​អ្នក​វេជ្ជសាស្ត្រ​​ គាំទ្រ​​វិធានការ​​​ព្យាបាល​អ្នក​ជំងឺ​កូវីដ-​១៩ (Covid-19) ​ស្រាលៗ និង​អ្នក​​​ជំងឺ ដែល​គ្មាន​រោគ​សញ្ញា ​នៅ​តាម​ផ្ទះ។ ប៉ុន្តែ​ពួកគេ​ជំរុញ​ឲ្យ​​រដ្ឋាភិបាល និង​គ្រូ​ពេទ្យ​យក​ចិត្ត​ទុក​ដាក់​ឲ្យ​បាន​​ខ្ពស់ ទើប​​​មាន​ប្រសិទ្ធ​ភាព​ ដូច​​ការ​ព្យាបាល​នៅ​តាម​មន្ទីរពេទ្យ។

សាច់ញាតិ​សព​បុរស​ម្នាក់​ស្លាប់​ក្នុង​ពេល​កំពុង​ឃុំ​ខ្លួន​សួរចម្លើយ​របស់​ប៉ូលិស​ខេត្តបាត់ដំបង ស្នើ​ឲ្យ​រដ្ឋាភិបាល​បើក​ការស៊ើបអង្កេត​ជុំវិញ​ការ​ស្លាប់​នេះ ព្រោះ​សង្ស័យ​ថា ជនរងគ្រោះ​ស្លាប់​ដោយ​អំពើទារុណកម្ម​ក្រោម​ដៃ​សមត្ថកិច្ច​ពេល​សួរ​ចម្លើយ។ ការ​អំពាវនាវ​នេះ ធ្វើឡើង​បន្ទាប់​ពី​ស្នងការ​នរគបាល​ខេត្តបាត់ដំបង ចេញ​សេចក្ដី​បំភ្លឺ​ព័ត៌មាន​ជា​បន្តបន្ទាប់ សន្និដ្ឋាន​ថា ជនរងគ្រោះ​ស្លាប់​ដោយសារ​គាំង​បេះដូង និង​ការ​ប្រើប្រាស់​គ្រឿងញៀន​ហួស​កម្រិត។ រីឯ​ស្លាក​ស្នាម​លើ​រាង្គកាយ ប៉ូលិស​អះអាង​ថា គឺ​ជា​ស្នាម​របួស​ចាស់​ដោយសារ​គ្រោះថ្នាក់​ចរាចរណ៍។

ជា​បន្ត​ទៅ​នេះ​សូម​លោក​អ្នក​នាង​ស្ដាប់​បទសម្ភាសន៍​មួយ​រវាង​អ្នកស្រី ខែ សុណង ជាមួយ បងស្រី​បង្កើត​របស់​ជនរងគ្រោះ​គឺ លោកស្រី ពេជ្រ លីណា និង​លោក​វេជ្ជបណ្ឌិត អ៊ូច វុឌ្ឍី ប្រធាន​សមាគម​គ្រូពេទ្យ​គុណធម៌​កម្ពុជា ជុំវិញ​រឿង​នេះ​ដូច​ត​ទៅ៖

ក្នុងដំណាក់កាលមានការរាលដាលជំងឺកូវីដ-១៩កាន់តែខ្លាំងនេះ ពលរដ្ឋជាច្រើនមិនអាចចេញចូលងាយស្រួលទៅប្រកបរបចិញ្ចឹមជីវិតដូចមុនឡើយ ដោយសារតំបន់ខ្លះត្រូវបិទ ថែមទាំងមានបម្រាមគោរចរមិនអោយធ្វើដំណើរពេលយប់បានទៀតនេះ។ លើសពីនេះរដ្ឋាភិបាលបានចេញសេចក្ដីសម្រេចហាមឃាត់ការធ្វើដំណើរឆ្លងកាត់ ចេញ ចូល ពីខេត្តមួយទៅខេត្តមួយបណ្តោះអាសន្នរយៈពេល១៤ថ្ងៃឯរមនីយដ្ឋានទេសចរណ៍នៅទូទាំងប្រទេសក៏ត្រូវបិទជាបណ្ដោះអាសន្នសិនដែរ។ ក្រៅពីរកចំណូលមិនបានពលរដ្ឋក្រីក្រជាច្រើកំពុងជំពាក់បំណុលវណ្ឌក។

អ្នកឃ្លាំមើលសង្គមថាដល់ពេលហើយដែលដែលរដ្ឋាភិបាលត្រូវជួយអោយពលរដ្ឋអាចផ្អាកសងបំណុលធនាគារ និងស្ថាប័នមីក្រូហិរញ្ញវត្ថុ។

សូមលោកអ្នកនាងស្ដាប់បទសម្ភាសរវាងអ្នកស្រី សុជីវី ជាមួយ មន្រ្តីគម្រោងនៃអង្គការសង់ត្រាល់ លោក ឃុន ថារ៉ូ និងអ្នកជំនាញកសិកម្ម និងជាមន្រ្តីជាន់ខ្ពស់គណបក្សប្រជាធិបតេយ្យមូលដ្ឋានលោក យ៉ង់ សាំងកុមារ អំពីរឿងនេះដូចតទៅ៖

អ្នកប្រើប្រាស់បណ្តាញសង្គមហ្វេសប៊ុក មួយចំនួនរិះគន់ ជុំវិញការស្លាប់​បុរសម្នាក់ ជាជនសង្ស័យក្នុងអំពើឃាតកម្ម នៅប៉ុស្តិ៍ប៉ូលីសខេត្តបាត់ដំបង កាលពីពេលថ្មីៗនេះ ថាអាចមកពីការធ្វើ​ទារុណកម្ម។​ ចំណែក ស្នងការនគរ​បាល​ខេត្ត​បាត់ដំបង ​អះអាងថា ​ជនសង្ស័យរូបនោះ ស្លាប់ដោយសារ​ជំងឺគាំងបេះដូង បណ្តាលមកប្រើប្រាស់គ្រឿងញៀនហួសកម្រិត។

ទោះជាយ៉ាងណា ​អ្នកប្រើប្រាស់បណ្តាញសង្គម និងសាច់ញាតិ​របស់បុរស​ដែល​ស្លាប់នោះ​ មិនជឿ​លើ​ការ​អះអាងរបស់​ប៉ូលិស​បែបនេះទេ ​ព្រោះនៅលើមុខម៉ាត់ និងដងខ្លួន ដៃ​ ជើង សាកសព ​មានស្នាម​​ជាំ ជាច្រើនកន្លែង។

អង្គការ​សង្គម​ស៊ីវិល​ និង​អ្នកជំនាញ ​ស្នើ​​ឱ្យ​រដ្ឋាភិបាល​ដាក់​ចេញនូវ​យន្តការ​ជាក់លាក់បន្ថែម​ទៀត ដើម្បើលើកស្ទួយ​ការ​​​ប្រើប្រាស់​ផលិត​ផល​ក្នុងស្រុក ជាពិសេស​ដើម្បី​សម្រេច​ឱ្យ​បាន​នូវគោល​នយោបាយ​ភូមិមួយផលិត​ផល​មួយ។ ការ​អំពាវនាវនេះ ធ្វើ​ឡើង​ក្នុង​ឱកាស​ទិវា​ជាតិ​លើក​កម្ពស់​ការ​ប្រើប្រាស់​ផលិត​ផល​ខ្មែរ​០៩ មេសា ឆ្នាំ២០២១។

តម្លៃ​ស្រូវ​ប្រាំង​ ធ្លាក់​ថ្លៃ​ចុះ​ខ្លាំង​ ក្នុង​រដូវ​កំពុង​ពេញ​ប្រមូល​ផល។ ការ​ធ្លាក់​ថ្លៃ​នេះ ដោយសារ​​ អាជ្ញាធរ​វៀតណាម បាន​រារាំង​​​​​មិន​ឲ្យ​​កសិករ និង​អ្នក​ជំនួញ​ នាំ​ស្រូវ​ឆ្លង​ដែន​តាម​ច្រក​ទ្វេ​ភាគី ដូច​មុន​ក្រោម​ហេតុផល​បង្ការ​ជំងឺ​កូវីដ​១៩ (​Covid-19)។ អ្នក​ជំនាញ​កសិកម្ម លើក​ទឹកចិត្ត​​ឲ្យ​រដ្ឋាភិបាល​​បញ្ចេញ​ថវិកា​ជាតិ​ ប្រមូល​​ទិញ​ស្រូវ​របស់​កសិករ​​ ក្នុង​តម្លៃ​សមរម្យ។

អាជ្ញាធរ​​ខេត្តកណ្តាល ចាប់​​ខ្លួនសកម្មជន​បក្ស​ប្រឆាំង​ម្នាក់​ទៀត ដាក់​ពន្ធនាគារ​​ កាល​​ពីថ្ងៃទី១ មេសា ដោយ​មិន​បង្ហាញ​​ដីកា​​ពីតុលាការ ។ មន្រ្តី​សង្គមស៊ីវិលថាប្រសិនបើការ​ចាប់​ខ្លួន​​ដោយ​​មិន​បង្ហាញ​ដីកា និង​មិនបង្ហាញ​​នូវ​ព័ត៌មាន​​ជាក់លាក់​​ គឺជាការបំពាន​ច្បាប់។

អ្នកវិភាគលើកឡើងថាជំនួបរវាងប្រធានគណបក្សសង្រ្គោះជាតិ លោក កឹម សុខា និងស្ថាបនិកគណបក្សប្រជាធិបតេយ្យមូលដ្ឋាន លោក យ៉ង សាំងកុមារ អាចជាសញ្ញារួបរួមរវាងអ្នកប្រជាធិបតេយ្យនិងអ្នកប្រជាធិបតេយ្យ។ អ្នកវិភាគលើកឡើងដូច្នេះ ក្រោយពេលមេធាវីលោក កឹម សុខា បានបង្ហោះលើហ្វេសប៊ុករូបលោក កឹម សុខា និងលោក យ៉ង សាំងកុមារ ដោយសរសេរថា ឈាមរត់រកឈាម អ្នកប្រជាធិបតេយ្យពិតមិនបោះបង់ចោលគ្នាទោះក្នុងគ្រាលំបាក។

អ្នកជំនាញ​របស់​អង្គការ​សហប្រជាជាតិ ​ជំរុញឲ្យរដ្ឋាភិបាល​ ពិនិត្យ​និង​កែប្រែ​ច្បាប់​ស្តីពី​ការទប់ស្កាត់​​ជំងឺកូវីដ-១៩ ​ឡើងវិញ ​ដើម្បី​ឲ្យស្របតាម​បទដ្ឋាន​សិទ្ធិមនុស្ស អន្តរជាតិ។ ការជំរុញនេះ ​គឺបន្ទាប់ពី​អ្នកជំនាញ​របស់អង្គការ​សហប្រជាជាតិ ​ពិនិត្យ​ឃើញថា​ ច្បាប់មួយនេះ ​ផ្តល់អំណាច​ច្រើនលើសលប់​ដល់​អាជ្ញាធរ​រដ្ឋាភិបាល​ក្នុងការ​រឹតត្បិតសិទ្ធិសេរីភាព​ ការដាក់ពិន័យ ​និង​ដាក់ទោសធ្ងន់ធ្ងរ​លើប្រជាពលរដ្ឋ​ផ្ទុយពី​គោល​ការណ៍​ច្បាប់​សិទ្ធិមនុស្ស​អន្តរជាតិ។

មន្ត្រី​សិទ្ធិ​មនុស្ស​ មិន​រំពឹង​ថា វិធីសាស្ត្រ​បែប​ត្រជាក់​របស់​អ្នករាយការណ៍​ពិសេស​ថ្មី​របស់​អង្គការ​សហប្រជាជាតិ​ស្តីពី​បញ្ហា​សិទ្ធិ​មនុស្ស​នៅ​កម្ពុជា អាច​ដោះស្រាយ​បញ្ហា​រំលោភ​សិទ្ធិ​មនុស្ស និង​ផ្លាស់ប្តូរ​ឥរិយាបថ​របស់​រដ្ឋាភិបាល​ឲ្យ​ងាកមក​គោរព​សិទ្ធិ​មនុស្ស​ឡើងវិញ​បាន​នោះទេ។ ពួកគេ យល់ថា អ្នករាយការណ៍​ពិសេស​គួរ​ប្រើប្រាស់​ទាំង​វិធីសាស្ត្រ​ក្តៅ និង​ត្រជាក់ និង​ចេះ​បត់បែន​តាម​កាលៈទេសៈ ទើប​អាច​អនុវត្ត​ការងារ​នៅ​កម្ពុជា​ប្រកប​ដោយ​ប្រសិទ្ធភាព​បាន។