ពេលព្រឹក

សមាគម​គ្រឹះស្ថាន​មីក្រូ​ហិរញ្ញ​វត្ថុ កំពុងពិចារណាលើសំណើ​របស់​​​​រដ្ឋាភិបាល ​និង​​សន្យា​រក​នីតិវិធី​ ​ជួយ​​បន្ថយ​​​​អត្រា​​ប្រាក់ និង​ពន្យារ​ពេល​​សង​​​ត្រឡប់​វិញ​ ទាំង​ការ​ទាំង​ដើម​​ សម្រាប់​អ្នក​​ជំពាក់​បំណុល ដែល​​កើត​ជំងឺ​កូវីដ​១៩​(Covid-19)​ និង​អ្នក​ចត្តាឡីស័ក​។​​

ពលរដ្ឋ​​​ និង​សង្គម​ស៊ីវិល ស្វាគមន៍ និង​​​​ជំរុញ​ឲ្យ​ខាង​ធនាគារ និង​គ្រឹះស្ថាន​មីក្រូ​ហិរញ្ញ​វត្ថុ​ ចាប់​ផ្ដើម​អនុវត្ត​ឲ្យ​​បាន​លឿន​​បំផុត​​។

អ្នក​វិភាគ​នយោបាយ​យល់​ថា ក្នុង​ដំណាក់កាល​កម្ពុជា​កំពុង​ឈរ​នៅមាត់​ជ្រោះ នៃ​សោកនាដកម្ម​ដែល​បង្ក​ឡើង​ដោយ​ការ​រាតត្បាត​ជំងឺកូវីដ-១៩ លោក​នាយករដ្ឋមន្ត្រី ហ៊ុន សែន គួរ​តែ​ដើរ​តួ​ជា​បុរស​ផ្សះផ្សារ​ជាតិ ល្អ​ជាជាង​ធ្វើ​ជា​បុរស​ផ្ដាច់ការ។

ទិន្នផល​អំបិល​ នៅ​ឆ្នាំ​នេះ ​អាច​នឹង​​ធ្លាក់​ចុះ​ជាង​ឆ្នាំ​មុន​ ដោយសារ​ភ្លៀង​កក់​ខែ ​ច្រើន​ជ្រុល នៅ​​រដូវ​ប្រមូល​ផល​​នេះ។ កសិករ​​ខ្លះ បារម្ភ​ថា កម្ពុជា​នឹង​ប្រឈម​អំបិល​ផ្គត់​ផ្គង​ក្នុង​ស្រុក និង​ត្រូវ​នាំ​ចូល​ទៀត។ អ្នក​ជំនាញ​កសិកម្ម ជំរុញ​ឲ្យ​​អាជ្ញាធរ​​ជួយ​អន្តរាគមន៍ ​ដល់​កសិករ​ផលិត​អំបិល ​ក្នុង​ការ​ផលិត​ឲ្យ​ទទួល​បាន​ទិន្នផល​ខ្ពស់​ឡើង​វិញ​។

​មេដឹកនាំ​របប​ក្រុងភ្នំពេញ​ ​លោក​ ​ហ៊ុន​ ​សែន​ ​អំពាវនាវ​ជាថ្មី​ម្តងទៀត​ ឱ្យ​សហរដ្ឋអាមេរិក​ ​និង​រុស្ស៊ី​លុប​ចោលបំណុល​ ​ឬ​បង្វែរ​បំណុល​ទាំងនោះ​ ​មក​ជា​ជំនួយ​អភិវឌ្ឍន៍​ដល់​កម្ពុជា​វិញ​។​ ​អ្នកឃ្លាំមើល​យល់ថា​ ​សហរដ្ឋអាមេរិក​អាច​ពិចារណា​លុប​បំណុល​នេះ​ ​ប្រសិនបើ​រដ្ឋាភិបាល​លោក​ ​ហ៊ុន​ ​សែន​ ​ពង្រឹង​ទំនាក់​ទំ​ល្អជា​មួយ​អាមេរិក​ឡើងវិញ​ ​និង​វិល​មក​ផ្លូវ​គោរព​សិទ្ធិមនុស្ស​ ​ប្រជាធិបតេយ្យ​ ​ឬ​ការចរចា​នយោបាយ​ឡើងវិញ​ជាមួយ​បក្ស​ប្រឆាំង​។​

អ្នកជំនាញ​កិច្ចការ​អន្តរជាតិ​យល់ស្របគ្នា​ថា វៀតណាម​កំពុង​តែ​ព្រួយ​បារម្ភ​ និង​មិន​សប្បាយចិត្ត​ចំពោះ​ការកើនឡើង​ខ្លាំង​នៃ​ឥទ្ធិពល​របស់​ចិន​នៅ​កម្ពុជា មួយ​រយៈពេល​ចុងក្រោយ​នេះ។ ពួកគេ​​លើកឡើង​ថា រដ្ឋាភិបាល​របស់​លោក​នាយករដ្ឋមន្ត្រី ហ៊ុន សែន នៅ​មិន​ទាន់​អាច​រក្សា​តុល្យភាព​បាន​ល្អ​នៃ​ទំនាក់ទំនង​រវាង​ប្រទេស​ទាំងពីរនេះ​បាននៅឡើយ​ទេ ដូច្នេះ​ហើយ​ទើប​បាន​ជា​លោក​ ហ៊ុន សែន ប្រញាប់​យក​ចិត្ត​វៀតណាម​ក្រោយ​ប្រទេស​នេះ​ជ្រើសតាំង​មេដឹកនាំ​ថ្មី។

ក្រុមជនពិការ​ ត្អូញត្អែថា ​ពួកគាត់ ​ជួបបញ្ហា​លំបាកច្រើន​ជាពិសេស​ផ្នែកជីវភាព​ ក្នុង​​អំឡុងពេល​វិបត្តិជំងឺកូវីដ-១៩ ​បើប្រៀបធៀប​ជាមួយ​ក្រុមជនងាយ​រងគ្រោះ​ផ្សេង​ទៀត។ ពួកគាត់ ​ទទូចស្នើសុំឲ្យ​រដ្ឋាភិបាល​ បង្កើនការ​យកចិត្តទុកដាក់ ​និង​ជួយឧបត្ថម្ភ​គាំទ្រ​ដល់​ជនមានពិការភាព​ឲ្យ​បាន​គ្រប់ៗ​គ្នា។ មន្ត្រីជាន់ខ្ពស់ក្រសួង​សង្គមកិច្ច ​ទទួល​ស្គាល់​អំពី​ទុក្ខលំបាក​របស់​ជនពិការអំឡុងពេល​វិបត្តិជំងឺកូវីដ-១៩នេះ ​និងអះអាងថា​ រដ្ឋាភិ​បាល​ មិន​បាន​មើលរំលង​ឬទុកពួកគេ​ចោល​ឡើយ។

អង្គការ​សិទ្ធិមនុស្ស​លី​កា​ដូ​លើកឡើង​ថា​ ​មន្ត្រី​ឥណទាន​មួយ​ចំនួន​ក្នុង​វិ​ស័យ​មីក្រូ​ហិរញ្ញវត្ថុ​ ​និង​ក​ម្ចី​ខ្នាត​តូច​ ​ប្រើ​សឹង​គ្រប់​វិធី​បង្ខំ​ឱ្យ​ពលរដ្ឋ​ទៅ​ខ្ចី​លុយ​ ​ឬ​ព្រមាន​លក់​ដី​កូនបំណុល​នៅ​ពេល​ពលរដ្ឋ​គ្មាន​លុយ​សង​ពួកគេ​។​ ​ប៉ុន្តែ​អ្នកនាំពាក្យ​គ្រឹះស្ថាន​មីក្រូ​ហិរញ្ញវត្ថុ​ថា​ ​ជា​គោលការណ៍​ស្ថាប័ន​មិន​ឱ្យ​អនុញ្ញាត​គ្រឹះស្ថាន​មីក្រូ​ហិរញ្ញវត្ថុ​ ឱ្យ​ប្រព្រឹត្ត​ទង្វើ​បែប​នេះ​ទេ​។​

មន្ត្រី​រាជការ​មួយចំនួន​រិះគន់ លោក ហ៊ុន សែន និងមន្ដ្រីជាន់ខ្ពស់ប៉ូលិសដែល បង្ខិតបង្ខំឱ្យពលរដ្ឋចាក់វ៉ាក់សាំងកូវីដ-១៩ របស់ចិន ដែលផ្ទុយពី​គោលការណ៍​ស្ម័គ្រចិត្ត​​​ចាក់វ៉ាក់សាំង និងរំលោភសិទ្ធិសម្រេចចិត្តពួកគាត់។​ មន្រ្តីសង្គមស៊ីវិលថា រដ្ឋាភិបាលគួរ​តែ​បង្កើន​ការ​ផ្សព្វ​ផ្សាយ ​ហើយ​ពន្យល់​ប្រាប់​មន្ត្រី​រាជការ និង ​ពលរដ្ឋ ពី​គុណភាព​វ៉ាក់សាំង ដោយធ្វើ​យ៉ាង​ណា​ឲ្យ​ពលរដ្ឋ​ទុក​ចិត្ត​ ជាជាងការគំរាមកំហែង។

មេដឹក​នាំ​របប​ក្រុង​ភ្នំពេញ លោក ហ៊ុន សែន ​​​ផ្ញើ​ជូន​ពរ​ប្រជាពលរដ្ឋ​នៅ​ក្នុង​ឱកាស​បុណ្យ​ចូល​ឆ្នាំ​ប្រពៃណី​ខ្មែរ​ឆ្នាំ​នេះ​ ដោយ​​បង្ហាញ​មោទនភាព​ជុំ​វិញការ​បង្ក្រាប​ក្រុម​អ្នក​នយោបាយ​បក្ស​ប្រឆាំង។​ លោកនៅ​តែ​ចាត់​ទុ​ក​ក្រុម​បក្ស​ប្រឆាំង​និង​ប្រជាពលរដ្ឋ​ដែល​មាន​និន្នាការ​ផ្ទុយ​ពី​គណបក្ស​កាន់អំណាច​របស់​លោក​ថា ជា​ក្រុម​ចង់​បំផ្លាញ​សន្តិភាព​ដែល​លោក​ត្រូវ​តែ​បង្ក្រាប​​​​​។ ​មន្ត្រី​បក្ស​ប្រឆាំង​ចាត់​ទុក​សារ​នេះ​ថា​ ​ជា​ការ​ធ្វើ​ឱ្យ​បែកបាក់​សាមគ្គី​ជាតិ​កាន់​តែ​ខ្លាំង​។

សហជីពកម្មករ មិនភ្ញាក់ផ្អើលនឹង​ការផ្ទុះរាលដាលជំងឺកូវីដ-១៩ ដល់រោងចក្រនោះឡើយ​ ព្រោះកម្មករគ្មានជម្រើសអ្វី​ ក្រៅពីប្រថុយប្រថានគ្រោះថ្នាក់ ក្នុងការ​បន្ត​ជិះរថយន្ត​ប្រជ្រៀតគ្នាដូចស្និតចេក ទៅធ្វើការ​រាល់ថ្ងៃ ទាំងភ័យខ្លាច។