ប្រជាពលរដ្ឋ​មួយ​ចំនួន​ត្អូញត្អែរ​អំពី​តម្លៃ​ទំនិញ​ឡើង​ថ្លៃ​​​ ក្រោយ​ពេល​​អាជ្ញាធរ​របប​ក្រុង​ភ្នំពេញ​បិទ​រាជធានី​ភ្នំពេញ​ និង​ក្រុង​តាខ្មៅ​ខេត្ត​កណ្ដាល ដោយសារ​ការ​រាតត្បាត​​ជំងឺ​កូវីដ​១៩។​ មន្ត្រី​សង្គម​ស៊ីវិល​ យល់​ថា ស្ថានការណ៍​បែប​នេះ​ជា​ដំណាក់​កាល​ដែល​រដ្ឋាភិបាល​គួរតែ​​បញ្ចេញ​ស្បៀង​ផ្គត់ផ្គង់​ជា​​បន្ទាន់ ដើម្បី​សម្រួល​ដល់​ជីវភាព​រស់​នៅ​របស់​ប្រជាពលរដ្ឋ។​

មន្ត្រី​សង្គម​ស៊ីវិល​ព្រួយ​បារម្ភ​ថា​ ជំងឺ​កូវីដ​ ១៩​ អាច​នឹង​ឆ្លង​រីក​រាល​ដាល​ដល់​អ្នក​ទោស​ផ្សេង​ទៀត​ប្រសិន​បើ​អាជ្ញាធរ​នៅ​តែ​ចាប់​អ្នក​ដែល​បំពាន​ចត្តាឡឺស័ក​ដាក់​នៅ​ក្នុង​ពន្ធនាគារ។ការ​ព្រួយ​បារម្ភ​នេះ​ កើត​មាន​ឡើង​ក្រោយ​ពី​តំណាង​អយ្យការ​សាលា​ដំបូង​ខេត្ត​ព្រះសីហនុ​ បាន​ស្នើ​សុំ​ឱ្យ​មាន​ការ​ឃុំ​ខ្លួន​បណ្ដោះ​អាសន្ន​មនុស្ស​ពីរ​នាក់​ ដែល​បាន​គេច​ពី​ការ​ធ្វើ​ចត្តាឡីស័ក​ កាល​ពី​ថ្ងៃ​ទី​ ១២​ មេសា​​ ។​

អ្នក​ច្បាប់ និង​មន្រ្តី​សង្គម​ស៊ីវិល រំពឹង​ថា​ការ​បង្កើត​សាលា​ដំបូង​ខេត្ត​កែប នឹង​​អាច​​ផ្ដល់​​​ប្រយោជន៍ និង​​យុត្តិធម៌​​ឲ្យ​ពលរដ្ឋ​​បាន​ល្អ​ប្រសើរ ស្របពេលដែល​​​​អយ្យការ​អម​សាលា​ដំបូង និង​សាលា​ដំបូង​​ខេត្ត​កែប នឹង​ត្រូវ​​ដាក់​ឲ្យ​ដំណើរ​ការ​​​នៅ​ចុង​ខែ​កញ្ញា ខាង​មុខ​​។

ក្នុង​ឱកាស​ប្រារព្ធ​បុណ្យ​ប្រពៃណី​ជាតិ ឆ្នាំ​ថ្មី​ឆ្នាំ​ឆ្លូវ​នេះ​ ព្រះសង្ឃ និង​ពលរដ្ឋ​ខ្មែរ​ដែល​កំពុង​រស់​នៅ​តាម​ប្រទេស​នានា​នៅ​ឯនាយ​សមុទ្រ សូម​ជូន​ពរ​ឲ្យ​ពលរដ្ឋ​ខ្មែរ​គ្រ​ប់រូប​ ទាំង​នៅ​ក្នុង និង​នៅ​ក្រៅ​ប្រទេស ឲ្យ​ជួប​តែ​សេចក្តី​សុខ​ចម្រើន​ សុវត្ថិភាព​ និង​ជៀស​ផុត​ពី​ការ​រាតត្បាត​នៃ​ជំងឺ​កូវីដ ១៩។

តើ​ពលរដ្ឋខ្មែរ​នៅ​ក្រៅ​ប្រទេស មាន​ក្តី​ប៉ងប្រាថ្នា​អ្វី​បន្ថែម​ទៀត​ ក្នុង​ឱកាស​ឆ្នាំ​ថ្មី​នេះ?

នៅ​ក្នុង​ឱកាស​ពិធី​បុណ្យ​ចូល​ឆ្នាំ​ប្រពៃណីជាតិ​ថ្ងៃ​ដំបូង​​នេះ​​​ ​ពលករ​ខ្មែរ​និង​​សកម្មជន​បក្ស​សង្គ្រោះ​ជាតិ​ដែល​ភៀស​ខ្លួន​និង​ធ្វើ​ការ​​នៅ​ប្រទេស​ថៃ ​មិន​បាន​ទៅ​ដើរ​លេង​កម្សាន្ត​ដូច​ឆ្នាំ​មុន​ៗ​ឡើយ​ ដោយសារ​ការ​រាតត្បាត​ជំងឺ​កូវីដ​១៩។ ពួក​គាត់​​ភាគ​ច្រើន​នាំគ្នា​សម្ងំ​នៅ​ក្នុង​បន្ទប់​​ជួល និង​ ​ធ្វើ​ពិធី​ជប់លៀង​ជុំគ្នា​បន្តិចបន្តួច​នៅ​កន្លែង​​ស្នាក់​នៅ​។

អាជីករ​ត្អូញត្អែរ​រឿង​លក់ដូរ​ទំនិញ​មិន​ដាច់អំឡុង​ពិធីបុណ្យ​ចូលឆ្នាំខ្មែរ ស្រប​ពេល​ជំងឺកូវីដ-១៩ បន្ត​រាតត្បាត​ខ្លាំង។ អ្នកឃ្លាំ​មើល​​ជំរុញ​​ឱ្យ​រដ្ឋាភិបាលបញ្ចេញ​ថវិកាជាតិ និង​ផ្តល់​ស្បៀង​អាហារ​គ្រប់គ្រាន់​ជូន​ប្រជាពលរដ្ឋ ព្រោះការអូសបន្លាយ​នៃ​ជំងឺកូវីដ១៩ អាច​បង្កើត​វិបត្តិ​ធ្ងន់ធ្ងរ​ដល់​សង្គម។

នេះគឺជាព័ត៌មានទូទៅរបស់អាស៊ីសេរី ដែលផ្ដោតទៅលើនយោបាយ សិទ្ធិមនុស្ស សង្គម បញ្ហាដីធ្លី បរិស្ថាន សុខភាព ប្រវិត្ដិសាស្ដ្រ ច្បាប់ និងព័ត៌មានមួយចំនួនទៀត។

ពលរដ្ឋ​ និង​សង្គម​ស៊ីវិល​មួយ​ចំនួន​ ស្នើសុំ​ឲ្យអាជ្ញាធរ​​​​រឹត​បន្តឹង​ ចំពោះ​បម្រាម​​​លក់​គ្រឿង​ស្រវឹង នៅ​ថ្ងៃ​បុណ្យ​ចូល​ឆ្នាំ​ខ្មែរ ខណៈ​​ ​​អាជ្ញាធរ​រាជធានី​ភ្នំពេញ ​ដាក់បន្តអនុវត្ត​​​​វិធានការ​​ ​រឹត​បន្តឹង ​២​សប្ដាហ៍​ថែម​ទៀត ដើម្បី​ទប់​ស្កាត់​ការ​រាតត្បាត​នៃ​ជំងឺ​កូវីដ​១៩ (Covid-19)។

ជនជាតិ​ដើម​ភាគតិច​កួយ​ជាច្រើន​គ្រួសារ​ ​រស់នៅ​ខេត្ត​ព្រះវិហារ​ ​ចោទ​ក្រុមហ៊ុន​ទ្រី​ ​ភាព​ (​TRY​ ​P​HEAP​ ​GROUP​ ​CO​.,​L​T​D​) ​ថា​ ​ប្រើ​គ្រឿងចក្រ​ឈូស​ឆាយ​បំពាន​ដីស្រែ​ចម្ការ​ ​និង​ដី​ព្រៃ​អាស្រ័យផល​សមូហភាព​របស់​អ្នកភូមិ​អស់​ជាច្រើន​ហិកតារ​។​ ​ពួកគាត់​ថា​ ​សកម្មភាព​ឈូស​ឆាយ​នេះ​ ​កំពុង​បំផ្លាញ​ទីកន្លែង​អាស្រ័យផល​ចិញ្ចឹមជីវិត​យ៉ាងសំខាន់​ ​របស់​អ្នកភូមិ​។

ប្រធាន​គណបក្ស​សង្គ្រោះ​ជាតិ លោក កឹម សុខា​ ជូនពរ​​ឆ្នាំ​ថ្មី សូម​ឲ្យ​នាំ​មក​នូវ​​សាមគ្គីភាព​ និង​ផ្សះផ្សា​បង្រួប​បង្រួម​ជាតិ​​ឡើងវិញ​។ អ្នក​វិភាគ គាំទ្រ​សារ ជូន​ពរ​នេះ និង​ជំរុញ​ឲ្យ​មាន​ការ​ចរចា​នយោបាយ​ឡើងវិញ ទើប​ឈាន​ដល់​ការ​បង្រួប​បង្រួប​ជាតិ​​។