ក្រុម​អ្នកវិភាគ​លើកឡើង​ផ្សេងៗ​គ្នា​ជុំវិញ​ការ​ឆ្លើយតប​របស់​លោក​ ​ហ៊ុន​ ​សែន​ ​មក​លោក​ ​សម​ ​រ​ង្ស៊ី ​ជាថ្មី​រឿង​ស្នើ​ឱ្យ​ពលរដ្ឋ​ទៅ​ចាក់​វ៉ាក់សាំង​។​ ​ក្នុង​នោះ​ក៏​មានការ​លើកឡើង​ថា​ ​ការ​ចាប់ផ្ដើម​របស់​លោក​ ​ហ៊ុន​ ​សែន​ ​និយាយ​ពី​លោក​ ​សម​ ​រ​ង្ស៊ី ​ជា​ចំណុច​ផ្ដើម​ល្អ​មួយ​ ​ទោះ​ជា​លោក​ ​ហ៊ុន​ ​សែន​ ​នៅ​ប្រើ​ពាក្យអសុរោះ​ទៅកាន់​លោក​ ​សម រង្ស៊ី។

ជនជាតិ​ដើម​ភាគតិច​នៅ​ខេត្ត​ភាគឦសាន​ ​ប្រារព្ធ​ពិធី​បុណ្យចូលឆ្នាំ​ខ្មែរ​ ​នៅ​តាម​ផ្ទះ​រៀងៗខ្លួន​ ​ដោយ​ពុំ​ហ៊ាន​ចួប​ជុំគ្នា​ច្រើន​ទេ​ ​ព្រោះ​ការពារ​ជំងឺ​កូ​វី​ដ​១​៩​។​ ​ពួកគេ​ ​សែន​ព្រេង​ថ្វាយ​ទេវតា​ឆ្នាំ​ថ្មី​ដោយ​ភ្ជាប់​ប្រពៃណី​ជនជាតិ​ដើម​ភាគតិច​ ​ក្នុង​ពិធី​បុណ្យចូលឆ្នាំ​ខ្មែរ​ ​ដើម្បី​បួងសួង​សុំ​សេចក្តី​សុខ​ចម្រើន​។​ ​

ពលករ​ខ្មែរ​ធ្វើ​ការ​នៅ​ប្រទេស​ថៃ​មួយ​ចំនួន​ព្រួយបារម្ភ​អំពី​សុវត្ថិភាព​ផ្ទាល់​ខ្លួន​ ក្រោយ​ពី​ផ្ទុះ​ជំងឺ​កូវីដ​១៩​​ឆ្លង​ចូល​ក្នុង​សហគមន៍​ជា​លើក​ទី​៣​នៅ​ក្នុង​ប្រទេស​នេះ​។​ក្រុម​ពលករ​​​ខ្លាច​ឆ្លង​ជំងឺ​នេះ​ចូល​ក្នុង​រាងកាយ​​ធ្វើ​ឱ្យ​ប៉ះពាល់​ដល់​ការ​រស់​នៅ​ប្រចាំថ្ងៃ​​ ខណៈ​​ដែល​ពួកគេ​កំពុង​តែ​មាន​ជីវភាព​ខ្វះខាត​​។ មន្ត្រី​អង្គការ​សង្គម​ស៊ីវិល​យល់​ថា ស្ថានការណ៍​បែប​នេះ​​​ក្រុម​ពលករ​​​គួរតែ​កុំ​ចល័ត​ទីកន្លែង​ធ្វើ​ការ​ និង​​ត្រូវ​អនុវត្ត​តាម​ការណ៍​នាំ​​របស់​ក្រសួង​សុខាភិបាល​ថៃ​ឱ្យ​បាន​ខ្ជាប់ខ្ជួន​។

សមាគម​បណ្ដាញ​យុវជន​កម្ពុជា​ (C​Y​N) ​នៅ​ថ្ងៃ​ទី​ ​១​២​ ​មេ​សាបាន​ផ្សាយ​របាយការណ៍​ស្រាវជ្រាវ​ថ្មី​មួយ​ដោយ​រក​ឃើញ​ថា​ ​ព្រៃ​សហគមន៍​ភ្នំ​សេះ​ ​ក្នុង​ខេត្ត​ក្រចេះ​កំពុង​ឈាន​ទៅ​រក​ការ​បាត់បង់​ទាំងស្រុង​។​ ​ការ​លាតត្រដាង​របាយការណ៍​នេះ​ ​ក្រោយ​ពី​ពួកគេ​បាន​ចុះ​ស៊ើប​អង្កេត​ ​និង​ស្រង់​ព័ត៌មាន​ជុំវិញ​ព្រៃ​សហគមន៍​នេះ​រយៈពេល​១​សប្តាហ៍។

មន្ត្រី​ជំនាញ​របស់​ក្រសួង​មហាផ្ទៃ​ មិនទាន់​បង្ហាញ​របាយការណ៍​ស៊ើបអង្កេត​ករណី​ស្លាប់​បុរស​ម្នាក់​ក្នុង​ពេល​ប៉ូលិស​ឃុំ​ខ្លួន​សួរ​ចម្លើយ​នៅ​ខេត្ត​បាត់ដំបង ​នៅ​ឡើយ​ទេ ​បើ​ទោះ​បី​ជា​បាន​បញ្ចប់​របាយការណ៍​ស៊ើបអង្កេត​រួច​ហើយ​ក្តី។សាច់ញាតិ​ជនរងគ្រោះ ​នៅតែ​ទទូច​ឲ្យ​ក្រសួងមហាផ្ទៃ ​បង្ហាញ​របាយការណ៍​ស៊ើបអង្កេត​នោះ​ដោយ​ឯករាជ្យ និង​តម្លាភាព ​ឲ្យ​បាន​ឆាប់​ដើម្បី​ផ្តល់​យុត្តិធម៌​ដល់​ជន​រងគ្រោះ។

អ្នកវិភាគថា អ្នក​នយោបាយ​បក្ស​ប្រឆាំង​ដែល​សុំ​សិទ្ធិ​ធ្វើ​នយោបាយ​ឡើងវិញ ​ប្រឈម​នឹង​ការ​បាត់បង់​ប្រជាប្រិយភាព ​ដែល​ខ្លួន​ខំ​កសាង​ជា​យូរ​មក​ហើយ។ ការ​លើក​ឡើង​បែប​នេះ ​ក្រោយ​ពី​មន្ត្រី​ជាន់​ខ្ពស់​គណបក្ស​សង្គ្រោះ​ជាតិ​ម្នាក់​ទៀត​ដែល​កំពុង​ជាប់​ក្ដីក្ដាំ​នៅ​តុលាការ​បាន​សុំ​សិទ្ធិ​ធ្វើ​នយោបាយ​ឡើងវិញ​ ហើយ​ ត្រូវ​បាន​ព្រះ​មហាក្សត្រ​សម្ដេច នរោត្តម សីហមុនី ចេញ​ព្រះ​រាជក្រឹត្យ​ផ្ដល់​នីតិសម្បទា​ធ្វើ​នយោ បាយ​នៅ​ថ្ងៃទី១២ ​ខែមេសានេះ។

ប្រជា​ពលរដ្ឋ​មួយ​ចំនួន​រស់​នៅ​រាជធានី​​ភ្នំពេញ ស្នើ​រដ្ឋាភិបាល​ទប់ស្កាត់​​ទំនិញ​ឡើង​ថ្លៃ​អំឡុង​រីករាល​ដាល​ជំងឺ​កូវីដ-១៩។ អ្នកឃ្លាំមើល​ជម្រុញ​ឱ្យ​រដ្ឋាភិបាល​ដាក់​ចេញ​នូវ​វិធាន​ការ​ទប់ស្កាត់​ទំនិញ​ឡើង​ថ្លៃ ដើម្បី​ស្តារ​ និង​ជួយ​កាត់​បន្ថយ​បន្ទុក​របស់​ប្រជាពលរដ្ឋ​ ដែល​ពួក​គាត់​កំពុង​រង​គ្រោះ​ដោយ​សារ​ជំងឺ​កូវិដ១៩ ។

មន្ត្រី​សង្គម​ស៊ីវិល​ថា អាជ្ញាធរ​គួរ​ប្រើ​វិធាន​ការអប់រំ ជា​ជាង​វិធាន​ការ​ផ្លូវ​ច្បាប់​ លើ​ការ​បង្ហោះ​សារ​តាម​បណ្ដាញ​សង្គម​ ទាក់ទង​រឿង​ចាក់​វ៉ាក់សាំង​បង្ការ​ជំងឺ​កូវីដ១៩។ ការ​លើក​ឡើង​នេះ ធ្វើឡើង​ក្រោយ​ពេល​សមត្ថកិច្ច ចាប់​ខ្លួន​អ្នកលេង TikTok ​ពីរ​នាក់​ទៀត​ បន្ទាប់​ពី​ពួកគាត់​បង្ហោះ​សារ​និយាយ​ពី​រឿង​ចាក់​វ៉ាក់សាំង​។

ព្រះចៅ​អធិការ​វត្តអារាម​មួយ​ចំនួន​ សោកស្ដាយ​ដែល​មិន​បាន​បំបួស​អប់រំ​ផ្នែក​សីលធម៌​ដល់​ក្រុម​យុវជន​ខ្មែរ​នៅ​ក្នុង​ឱកាស​បុណ្យ​ចូល​ឆ្នាំ​ប្រពៃណី​ជាតិ​ ដោយសារ​​​ការ​រាតត្បាត​ជំងឺ​ជំងឺ​កូវីដ​១៩។ស្ថានភាព​បែប​នេះ​ធ្វើ​ឱ្យ​ក្រុម​ព្រះសង្ឃ​​ ព្រួយបារម្ភ​ថា​​កុលបុត្រ​ខ្មែរ​​មួយ​ចំនួន​អាច​នឹង​នាំ​គ្នា​ប្រព្រឹត្ត​អំពើ​អបាយមុខ​នៅ​​ថ្ងៃ​ឈប់​សម្រាក​នេះ​ ដោយសារ​ពួកគេ​ចាក​ឆ្ងាយ​ពី​ព្រះពុទ្ធសាសនា​។

មន្ត្រី​អង្គការ​សិទ្ធិ​មនុស្ស ​ជំរុញ​ឲ្យ​ក្រសួង​មហាផ្ទៃ ​ស៊ើបអង្កេត ​និង​ចាត់​វិធានការ​​ទៅ​លើ​មន្ត្រី​នគរបាល​មួយ​ចំនួន ​ដែល​ផ្ញើ​សារ​ប្រមាថ​ និង​​គំរាម​កំហែង​ទៅ​លើ​សកម្ម​ជន​គណបក្ស​សង្គ្រោះ​ជាតិ​ល្បី​ឈ្មោះ​ម្នាក់​​នៅ​ខេត្ត​បាត់​ដំបង ​គឺ​កញ្ញា ស៊ិន ចាន់ពៅរ៉ូហ្សេត។

ការ​លើក​ឡើង​នេះ ​គឺ​បន្ទាប់​ពី​កញ្ញា ស៊ិន ចាន់​ពៅរ៉ូហ្សេត ​បាន​បង្ហោះ​សារ​​ស្នើ​សុំ​ឲ្យ​រដ្ឋ​មន្ត្រី​ក្រសួងមហាផ្ទៃ ពិនិត្យ​ករណី​មន្ត្រី​រាជការ​មួយ​ចំនួន​បាន​យក​​ម៉ោង​ការ​ងារដ្ឋ​ ផ្ញើ​សារ​ប្រមាថ ​និង​គំរាម​កំហែង​ដោយ​ពាក្យសម្តី​អសុ​រោះលើនាង​ និងម្តាយ​របស់នាង​ជាបន្តបន្ទាប់។