Sign up to save your podcasts
Or
Share ពេលព្រឹក
Share to email
Share to Facebook
Share to X
Share to email
Share to Facebook
Share to X
Or
ពេលព្រឹក
ពេលព្រឹក episodes
- ទុក្ខក្រៀមក្រំរបស់គ្រួសារសកម្មជនបក្សប្រឆាំងដែលរស់នៅបែកគ្នាដោយសារជាប់គុក និងរត់ភៀសខ្លួនពិធីបុណ្យចូលឆ្នាំខ្មែរនៅឆ្នាំនេះ ក្រុមគ្រួសាររបស់មន្ត្រី និងសកម្មជនគណបក្សប្រឆាំងដែលកំពុងជាប់ពន្ធនាគារនិងរត់ភៀសខ្លួននៅក្រៅប្រទេសនោះ នៅតែគ្មានវាសនាបានជួបជុំក្រុមគ្រួសារដូចគេនោះទេ ដោយសាររបបក្រុងភ្នំពេញ បន្តធ្វើទុក្ខបុកម្នេញ និងចាប់ដាក់ពន្ធនាគារឥតស្រាកស្រាន្ត ក្រោមមូលហេតុនយោបាយ។ក្រុមគ្រួសាររបស់ពួកគេមួយចំនួន បានរស់នៅបែកបាក់គ្នា២ឆ្នាំ ហើយខ្លះទៀត៤ឆ្នាំទៅហើយ ចាប់តាំងពីរបបក្រុងភ្នំពេញរំលាយគណបក្សសង្គ្រោះជាតិ កាលពីចុងឆ្នាំ២០១៧មក។ មន្ត្រីសង្គមស៊ីវិល យល់ថា រដ្ឋាភិបាល ល្មមដល់ពេលបញ្ចប់វិបត្តិនយោបាយ និងបើកឱកាសឲ្យពលរដ្ឋគ្រប់និន្នាការនយោបាយមានសេរីភាព និងរស់នៅជួបជុំក្រុម គ្រួសារឡើងវិញ។11 min
- អង្គការលើកលែងទោសអន្តរជាតិរកឃើញថា កម្ពុជាមានករណីរំលោភសិទ្ធិមនុស្សធ្ងន់ធ្ងរក្នុងឆ្នាំ២០២០អង្គការលើកលែងទោសអន្តរជាតិ (Amnesty International) រកឃើញថា ការរំលោភសិទ្ធិមនុស្សនៅកម្ពុជាបានកើតមានជាច្រើនករណីកាលពីឆ្នាំ២០២០ កន្លងទៅ។ មន្ត្រីរដ្ឋាភិបាលចាត់ទុកថា នេះជារឿងមិនពិត តែមន្ត្រីសិទ្ធិមនុស្សក្នុងស្រុកថា ការរំលោភសិទ្ធិមនុស្សជាប្រព័ន្ធពិតជាកើតឡើងច្រើនដូចការរកឃើញនេះមែន។7 min
- មន្ត្រីសង្គមស៊ីវិលជំរុញរដ្ឋាភិបាលផ្ដល់ការលើកលែងសងបំណុលទៅដល់អ្នករងគ្រោះផ្សេងទៀតក្រៅពីអ្នកឆ្លងជំងឺកូវីដ-១៩ និងអ្នកធ្វើចត្តាឡីស័កមន្រ្តីអង្គការសង្គមស៊ីវិលទទូចឱ្យរដ្ឋាភិបាល ជួយទៅដល់ផ្នែកធនាគារ និងគ្រឹះស្ថានមីក្រូហិរញ្ញវត្ថុ ធ្វើយ៉ាងណាឱ្យស្ថាប័នម្ចាស់បំណុលអាចពន្យារពេលអោយពលរដ្ឋអាចផ្អាកសងបំណុលរយៈពេល៣ខែសិន។ ការស្នើជាថ្មីនេះបន្ទាប់ពីគ្រឹះស្ថានម្ចាស់បំណុលទាំងនេះប្រកាសថាអ្នកឆ្លងជំងឺកូវីដ-១៩អាចពន្យារការសងប្រាក់ដើមបំណុលរយៈពេល៣ខែ និង១ខែសម្រាប់អ្នកធ្វើចត្តាឡីស័ក ព្រមលើកលែងការប្រាក់ ព្រមទាំងការផាកពិន័យ។ អ្នកឃ្លាំមើលថារដ្ឋាភិបាលអាចដោះស្រាយតាមសំណើនេះបានដោយបញ្ចេញថវិកាទៅជួយស្ថាប័នម្ចាស់បំណុល ទប់ទល់មិនឱ្យស្ថាប័នទាំងនោះដួលរលំ។6 min
- អ្នកច្បាប់ថា សេចក្តីសម្រេចរបស់សាលាក្ដីខ្មែរក្រហម ធ្វើឲ្យអតីតកម្មាភិបាលខ្មែរក្រហម លោក មាស មុត រួចខ្លួនពីការកាត់ទោសមេធាវីការពារក្តីឲ្យអតីតមេដឹកនាំខ្មែរក្រហមមួយរួប ឲ្យដឹងថា សេចក្តីសម្រេចខ្វែងយោបល់គ្នានៅសាលាក្ដីខ្មែរក្រហម រវាងសហចៅក្រមស៊ើបអង្កេតជាតិ និងអន្តរជាតិ បានប្រយោជន៍ដល់អតីតកម្មាភិបាល ខ្មែរក្រហម លោក មាស មុត ក្នុងសំណុំរឿង០០៣។ការលើកឡើងនេះ ក្រោយដែលអង្គបុរេជំនុំជម្រះនៃសាលាក្ដីខ្មែរក្រហម ប្រកាសថា អង្គបុរេបានសម្រេចបិទផ្លូវតវ៉ា ដោយមិនបញ្ជូនសំណុំរឿង លោក មាស មុត ទៅជំនុំជម្រះទេ ដោយអនុលោមតាមវិធានផ្ទៃក្នុងរបស់តុលាការខ្មែរក្រហម។6 min
- រដ្ឋាភិបាលចិនប្តេជ្ញារឹតចំណងមិត្តភាពជាមួយកម្ពុជាអមតៈសាធារណរដ្ឋប្រជាមានិតចិនបានចេញមុខជួយបណ្ដាប្រទេសមួយចំនួននៅអាស៊ី ដែលរងគ្រោះដោយជម្ងឺកូវីដ ១៩ លើវិស័យសេដ្ឋកិច្ច ការទូត និងយោធា ក្នុងនោះក៏មានប្រទេសកម្ពុជាដែរ។ ប្រការនេះ អាចជាការចូលជ្រៀតជ្រែកនយោបាយផ្ទៃក្នុងរបស់កម្ពុជា ដើម្បីពង្រីកឥទ្ធិពល និងផលប្រយោជន៍របស់ខ្លួន។ ស្ថានទួតចិនប្រចាំកម្ពុជាបានបង្ហោះសារក្នុងទំព័រហ្វេសប៊ុកផ្លូវការរបស់ខ្លួនដាសតឿនឱ្យរបបក្រុងភ្នំពេញ កុំភ្លេចដឹងគុណដល់អ្នករក្សាសន្តិភាព ជាពិសេសគឺយោធាចិនបានបំពេញបេសកកម្មនៅក្នុងប្រទេសកម្ពុជាតាំងពីទសវត្សរ៍ទី ៩០ ។តើឥទ្ធិពលរបស់ចិន មានទំនាក់ទងដូចម្តេចខ្លះ? ក្រោមការដឹកនាំរបស់លោក ហ៊ុន សែន ?6 min
- មន្ត្រីសហជីពព្រួយបារម្ភពីការឆ្លងរាលដាល ជំងឺ កូវីដ-១៩ ក្នុងចំណោម កម្មកររោងចក្រ បន្ទាប់ពីរកឃើញកម្មករប្រមាណ៥០នាក់ កើតជំងឺនេះមន្ត្រីសហជីពព្រួយបារម្ភពីការឆ្លងរាលដាលជំងឺកូវីដ-១៩ បន្ថែមទៀតមកលើក្រុមកម្មករធ្វើការក្នុងវិស័យកាត់ដេរ។ ក្ដីបារម្ភនេះ កើតឡើងបន្ទាប់ពី អាជ្ញាធរបញ្ជាក់ថា កម្មករកម្មការិនីរោងចក្រកាត់ដេរមួយកន្លែង ស្ថិតនៅភូមិថ្មី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ប្រមាណ៥០នាក់ កើតជំងឺកូវីដ-១៩។ រីឯកម្មកររាប់ពាន់នាក់ទៀតបន្តធ្វើតេស្ត និងកំពុងដាក់ឲ្យធ្វើចត្តាឡីស័ក នៅយប់ថ្ងៃទី៧ មេសា។5 min
- សាច់ញាតិបុរសដែលស្លាប់ក្នុងពេលប៉ូលិសឃុំខ្លួននៅខេត្តបាត់ដំបង ប្ដឹងរកយុត្តិធម៌ទៅក្រសួងមហាផ្ទៃសាច់ញាតិបុរសដែលស្លាប់ក្នុងពេលប៉ូលិសឃុំខ្លួននៅស្រុកសង្កែខេត្តបាត់ដំបង បានប្ដឹងទៅគណៈកម្មការជាតិប្រឆាំងទារុណកម្មនៃក្រសួងមហាផ្ទៃដើម្បីឱ្យជួយរកយុត្តិធម៌ជូនដល់ជនរងគ្រោះ។ ការប្ដឹងទៅស្ថាប័នថ្នាក់ជាតិនេះ គឺដោយសារសាច់ញាតិមិនពេញចិត្តនឹងការសន្និដ្ឋានរបស់ប៉ូលិសខេត្តបាត់ដំបងដែលថា ជនរងគ្រោះបានគាំងបេះដូងស្លាប់ដោយខ្លួនឯង។ មន្ត្រីសង្គមស៊ីវិល យល់ថា ការប្ដឹងនេះជារឿងត្រឹមត្រូវ ដើម្បីរកយុត្តិធម៌ដល់អ្នកស្លាប់។5 min
- ពលរដ្ឋ និងមន្ត្រីសង្គមស៊ីវិលរិះគន់អាជ្ញាធរខេត្តកោះកុងថា អសមត្ថភាពការពារព្រៃកោងកាងព្រៃកោងកាងដែលជាជម្រកជីវចម្រុះសមុទ្រទាក់ទាញភ្ញៀវទេសចរណ៍ និងជាប្រភពចំណូលនេសាទរបស់ពលរដ្ឋរាប់ពាន់គ្រួសារ ក្នុងខេត្តកោះកុង កំពុងទទួលរងការឈូសកម្ទេចចោលអស់ជាច្រើនហិកតារជាថ្មីទៀត ដើម្បីគ្រប់គ្រងជាសម្បត្តិឯកជន ពីសំណាក់បុគ្គលមានលុយមានអំណាច។ ពលរដ្ឋ និងមន្ត្រីសង្គមស៊ីវិលរិះគន់អាជ្ញាធរខេត្តនេះថា អសមត្ថភាពការពារទ្រព្យសាធារណៈរបស់រដ្ឋ។6 min
- ពលរដ្ឋស្នើអាជ្ញាធរបង្ក្រាបបទល្មើសព្រៃឈើក្នុងព្រៃការពារស្រែពកដឹកទៅលក់នៅវៀតណាមជនជាតិដើមភាគតិចព្នងអំពាវនាវឱ្យអាជ្ញាធរខេត្តមណ្ឌលគិរី ចាត់វិធានការបង្ក្រាបបទល្មើសព្រៃឈើឆ្លងដែនទៅលក់នៅប្រទេសវៀតណាម ឱ្យមានប្រសិទ្ធភាព។ ការលើកឡើងនេះ ក្រោយពីពួកគេរកឃើញថា សកម្មភាពកាប់ និងដឹកជញ្ជូនឈើតាមម៉ូតូ និងរថយន្តច្នៃចេញពីដែនជម្រកសត្វព្រៃស្រែពក ទៅលក់នៅក្រៅប្រទេស នៅតែកើតមានច្រើន ដោយគ្មានការអនុវត្តច្បាប់។5 min
- ក្រុមសង្គមស៊ីវិលជាង១០០ស្ថាប័នស្នើរដ្ឋាភិបាលជួយអន្តរាគមន៍ពលរដ្ឋរឿងផ្អាកបង់ប្រាកធនាគាររយៈពេល៣ខែអំឡុងវិបត្តិកូវីដក្រុមអង្គការសង្គមស៊ីវិល និងសហគមន៍ដីធ្លី ជាង១០០(១០៣)ស្ថាប័ន បានចេញសេចក្ដីថ្លែងការណ៍រួម នៅព្រឹកថ្ងៃទី៦មេសា ស្នើឱ្យរដ្ឋាភិបាលជួយអន្តរាគមន៍ដល់ប្រជាពលរដ្ឋឱ្យផ្អាកសងប្រាក់ទៅស្ថាប័នមីក្រូហិរញ្ញវត្ថុនិងធនាគាររយៈពេលយ៉ាងតិច៣ខែដោយសារវិបត្តិជំងឺកូវីដ១៩។ ក្រុមសង្គមស៊ីវិលបញ្ជាក់ថា ប្រជាពលរដ្ឋរាប់សែននាក់បានបាត់បង់ប្រាក់ចំណូល ដោយសារពួកគេចូលរួមអនុវត្តតាមវិធានការណែនាំរបស់រដ្ឋាភិបាល ដើម្បីទប់ស្កាត់ការរាតត្បាតជំងឺកូវីដ។6 min
About ពេលព្រឹក
From the publisher's feed
នេះគឺជាព័ត៌មានទូទៅរបស់អាស៊ីសេរី ដែលផ្ដោតទៅលើនយោបាយ សិទ្ធិមនុស្ស សង្គម បញ្ហាដីធ្លី បរិស្ថាន សុខភាព ប្រវិត្ដិសាស្ដ្រ ច្បាប់ និងព័ត៌មានមួយចំនួនទៀត។