ពេលព្រឹក

អ្នកសារព័ត៌មានឯករាជ្យ សង្ឃឹមថា ក្រោយពីសភាអនុម័តសេចក្តីព្រាងច្បាប់ស្តីពីសិទ្ធិទទួលពត៌មាន ប្រជាពលរដ្ឋទូទៅ អាចមានឱកាសទទួលបានព័ត៌មានពិត គ្រប់ជ្រុងជ្រោយនិងទូលំទូលា​​យ។

ក្តីសង្ឃឹមនេះ បន្ទាប់ពីក្រសួងពត៌មាន គ្រោងនឹងផ្ញើសេចក្តីព្រាងច្បាប់នេះទៅរដ្ឋសភាដើម្បីអនុម័តក្នុងពេលឆាប់ៗនេះ ក្រោយពីបានពិភាក្សាចុងក្រោយជាមួយក្រសួងយុត្តិធម៌។

ជំងឺកូវីដ-១៩ នៅឆ្លងរាតត្បាតខ្លាំងគួរឲ្យព្រួយបារម្ភ។ ស្ថិតនៅក្នុងស្ថានភាពបែបនេះ ពលរដ្ឋគ្រប់រូប ក្រៅពីប្រុងប្រយ័ត្ន និងអនុវត្តតាមវិធានការរបស់ក្រសួងសុខាភិបាល​ហើយ​នោះ តើពួកគេត្រូវធ្វើដូចម្ដេចខ្លះទៀត ដើម្បីអាចជៀសផុតពីការឆ្លងជំងឺកូវីដ-១៩បាន។

សូម​លោក​អ្នក​នាង​ស្ដាប់​បទសម្ភាសន៍​មួយ​រវាង​លោក ជុន ច័ន្ទបុត្រ ជាមួយ​ឱសថការី លីម សួរ អ្នកជំនាញផ្នែកថ្នាំពេទ្យ​មួយ​រូប​ពីប្រទេស អូស្ដ្រាលី ជុំវិញ​បញ្ហា​នេះ​ដូច​ត​ទៅ៖

ពលរដ្ឋ​មួយ​ចំនួន​ដែលលក់​ដូរនៅ​ពេលយប់ ដង្ហោយ​សុំ​ឱ្យ​រដ្ឋាភិបាល​ជួយដោះស្រាយបញ្ហាជីវភាពពួក​គាត់ផង បន្ទាប់​ពី​អាជ្ញាធរ​បានហាម​ឃាត់​ការ​ធ្វើ​ដំណើរ និង​អាជីវកម្ម​នៅពេល​យប់យ៉ាងទាន់​ហន់ ចាប់​ពី​ថ្ងៃទី០១ មេសាតទៅ​ ។ មន្ដ្រី សង្គមស៊ីវិលយល់ថាអាជ្ញាធរគួរពិនិត្យលើវិធានការឱ្យបានច្បាស់លាស់មុននឹងដាក់ចេញឱ្យអនុវត្ត ដើម្បីជៀសវាងផលប៉ះពាល់ដល់ចរន្តសេដ្ឋកិច្ចសង្គម។

តុលាការ​ខេត្ត​ត្បូង​ឃ្មុំ​គ្រោង​លើក​យក​សំណុំ​រឿង​សកម្មជន​នយោបាយ និង​សកម្មជនដីធ្លី​ជាង១០ នាក់ ទៅ​ជំនុំ​ជម្រះ​នៅសប្តាហ៍​ក្រោយ​។ មេធាវី និង​មន្ត្រីសិទ្ធិមនុស្ស​ជំរុញ​ឱ្យ​តុលាការ​ទម្លាក់​ចោល​បទ​ចោទ​ប្រកាន់​លើ​សកម្មជន​ទាំងនោះ ហើយ​ដោះលែង​អ្នក​ជាប់​ឃុំ​ឱ្យ​មាន​សេរីភាព​វិញ។

ពលរដ្ឋ​ខ្មែរ​រស់នៅ​ប្រទេស​អូស្ត្រាលី​ម្នាក់​ដែល​ជា​អ្នកឧបត្ថម្ភ​ប្រាក់​ដើម្បី​ទ្រទ្រង់​មន្ទីរពេទ្យ​ស្ត្រី​នគរ​ទេព​ ​ថ្លែង​ថា​ ​លោក​មិន​ពេញចិត្ត​ទេ​ចំពោះ​ ​ការ​ទិញ​លក់​មន្ទីរពេទ្យ​នេះ​ដោយ​រដ្ឋាភិបាល​លោក​ ​ហ៊ុន​ ​សែន​។​ ​ឆ្លើយតប​ការ​លើកឡើង​នេះ​ ​អ្នកនាំពាក្យ​រដ្ឋាភិបាល​ថា​ ​ការ​ទិញ​មន្ទីរពេទ្យ​នេះ​ធ្វើឡើង​ត្រឹមត្រូវ​ ​មាន​តម្លា​ភាព​ ​និង​គ្មាន​ការ​បង្ខិតបង្ខំ​ណាមួយ​ឱ្យ​លក់​មន្ទីរពេទ្យ​នេះ​ឡើយ​។

ពលករ​ខ្មែរ​មួយ​គ្រួសារ​​​កំពុង​រស់​នៅ​លំបាក​វេទនា​​ក្នុង​​ប្រទេស​ថៃ ​ដោយសារ​​បុរស​ជា​ប្ដី​មាន​គ្រោះថ្នាក់​ក្នុង​ពេល​ធ្វើ​ការងារ​​បណ្ដាល​ឱ្យ​ធ្លាក់​ខ្លួន​​ឈឺ​ធ្ងន់​​​​។​​ពលករ​មួយ​គ្រួសារ​នេះ​​ស្នាក់​នៅ​ក្នុង​បន្ទប់​ជួល​នៅ​​ខេត្ត​​ជាប់​ទីក្រុង​បាងកក។​ ពួកគេមាន​ជីវភាព​តោកយ៉ាក​​​​គ្មាន​ប្រាក់​ព្យាបាល​ជំងឺ​​ប្ដី​ដោយសារ​ពួកគេ​មិន​បាន​ធ្វើ​ការ​អស់​ជា​ច្រើន​ខែ​មក​ហើយ​។​មន្ត្រី​សង្គម​ស៊ីវិល​ យល់​ថា ​រឿង​នេះ​រដ្ឋាភិបាល​ខ្មែរ​​គួរតែ​អន្តរាគមន៍​ដល់​ពួកគាត់​ជា​បន្ទាន់​ ដើម្បី​កុំ​ឱ្យ​មាន​បញ្ហា​ធ្ងន់ធ្ងរ​ជាង​នេះ​។​

អាជ្ញាធរ​ខេត្ត​ព្រៃវែង​ឱ្យ​ដឹង​ថា​ ​សត្វ​ចង្កៀលខ្យង​ ​ដែល​ជា​ប្រភេទ​សត្វបក្សី​ក​ម្រ​ជិត​ផុតពូជ​ ​រស់នៅ​តំបន់​អភិ​រក្ស​បឹង​ស្នេហ៍​នៅតែ​បន្ត​ងាប់​ ​កើន​ឡើង​ដល់​ជាង​ ​១​ពាន់​ក្បាល​ (​១​០​០​០​) ​ហើយ​។​ ​អាជ្ញាធរ​ជំនាញ​រក​ឃើញ​ថា​ ​ជំងឺ​ផ្តាសាយ​បក្សី​ អេ​ច​.​ប្រាំ​.អិ​ន​.​មួយ​ (​H​5N1) ​គឺជា​មូលហេតុ​បណ្តាល​ឱ្យ​បក្សី​ទាំងនេះ​ងាប់​ ​ក៏ប៉ុន្តែ​ពលរដ្ឋ​មិន​ជឿ​ការ​លើកឡើង​នេះ​ទេ​។​

អ្នកវិភាគ​លើក​ថា​ ​បើ​រដ្ឋាភិបាល​ចំណាយ​លុយ​លើ​ការ​ទិញ​វ៉ាក់សាំង​ ​រដ្ឋាភិបាល​ត្រូវតែ​គិត​គួរ​ទិញ​វ៉ាក់សាំង​ណា​មានគុណ​ភាព​ខ្ពស់​ ​និង​មានការ​ទទួលស្គាល់​ពិ​អង្គការសុខភាព​ពិភពលោក​។​ ​ការ​លើកឡើង​នេះ​ ​ក្រោយពេល​ ​វ៉ាក់សាំង​ទី​២​របស់​ចិន​ឈ្មោះ​ស៊ី​ណូ​វ៉ា​ក់ (​Sin​o​v​a​c)​ត្រូវ​បាន​គេ​ដឹក​មកដល់​កម្ពុជា​ចំនួន​មួយលាន​៥​សែន​ដូ​ស​ ​ដែល​កម្ពុជា​ទិញ​អស់​លុយ​១​៥​ដុល្លារ​។​

អ្នកការពារ​សិទ្ធិ​មនុស្ស​​យល់​ថា ការស្វាគមន៍​អម​ជាមួយ​នឹង​សារព្រមាន​ទុកជាមុន​​របស់​រដ្ឋាភិបាល​កម្ពុជា​ចំពោះ​​អ្នករាយការណ៍​ពិសេស​ថ្មី​របស់​អង្គការ​សហប្រជាជាតិ បង្ហាញ​ឲ្យ​ឃើញ​ពី​ធាតុពិត​របស់​រដ្ឋាភិបាល​ ដែល​ចង់ដាក់​លក្ខខណ្ឌ​រឹតត្បិត​ការបំពេញ​ការងារ​ដោយ​ឯករាជ្យ​របស់​អ្នករាយការណ៍​ពិសេស​ថ្មី​របស់​​អង្គការសហប្រជាជាតិ។

អាជ្ញាធរ​របប​ក្រុង​ភ្នំពេញ​ដោះលែង​តំណាង​ក្រុម​យុវជន​៦​នាក់​វិញ​ហើយ​នៅ​រសៀល​ថ្ងៃ​ទី​២៥​មីនា បន្ទាប់​ពី​បង្ខំ​ឱ្យ​ពួកគេ​ធ្វើ​កិច្ចសន្យា​​ទទួល​កំហុស​ថា បាន​ចុះ​ប្រមូល​ស្នាម​មេដៃ​ប្រជាពលរដ្ឋ​។ មន្ត្រី​សង្គម​ស៊ីវិល​​ចាត់​ទុក​​​ទង្វើ​របស់​អាជ្ញាធរ​​នេះ​ថា ​ជា​ការ​រឹតត្បិត​សិទ្ធិ​សេរីភាព​សម្ដែង​មតិ​របស់​ប្រជា​ពលរដ្ឋ​ដោយ​ខុស​ច្បាប់។