Irrikaz jaso zuen Jon Plazaolak Benetan zabiz?-era etortzeko gonbidapena eta Malen Altunak eta Aitziber Gradosek pozik agurtu dute Urretxuko aktorea. Aldarteaz hitz egin dute eta norberak arazoei aurre egiteko daukan moduaz. Jakina, "Itxaso" telesailaz hitz egin dute, surfaz eta aita berriarekin aitatasuna bezalako gai potoloei ere heldu diete.Zer pentsatzen ote du Jonek gure podcastaz? Hain jatorra al da benetan? Alfonbra gorriak gustatzen zaizkio? Nola bizi du aitatasuna? Nolakoa da berez? Plazaola ezagutu nahi baduzu, ezin duzu atala galdu."Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

Frontoian gogor dabiltzan bi pelotariak konfort gunetik atera eta Benetan zabiz?-eko mamarratxeora gerturatu dira, pelotaz eta pelota ez denaz aritzeko. Lehiakortasuna, autoexigentzia, kantxako istorioak, maniak eta ohitura arraroak mintzagai.Zerk ematen die zorte ona bi pilotariei? Pilotekekutik kanpora lagunak dira? Nolakoak izaten dira partida aurreko minutuak? Zer sentitzen dute harmailetatik animatzen dituztenean? Pertsonalki, nolakoak dira? Famatuak sentitzen dira? Nola zaintzen dituzte eskuak?Jokinek eta Aitorrek esklusiba eman digute eta Aitziber eta Malenek flipatu egin dute! Aitor Elordi eta Jokin Altuna hobeto ezagutzeko, ez galdu Benetan zabiz?-en aste honetako atala!"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

Zuzenbidea ikasita zuzen zihoan bere bide profesionala, telebistak berarekin topo egin zuen arte. Legeak utzi eta mikrofonoa, metraileta edo eta abanikoa (fokoen beroagatik) eusten ditu egun. Aurkezle, aktore eta umoregile xelebrea da, eta militar batailen afizionatua dela kontatu digu.Atal honetan faltsukeriaz hitz egin dugu, batez ere. Izan ere, "Herri Txiki Infernu Handi" saioaren aurkezleak ondo daki zenbat eta zenbat egoeratan jarri behar izaten den aurpegi ona nahiz eta barrutik txisterik egiteko gogorik izan ez. Lanean, lagun artean, familian, gustatu ez zaigun opari bat jasotzean… zer egoeratan gara faltsuak? Zenbateraino? Erraza egiten zaigu disimulatzea? Faltsua izatea eta gezurtia izatea gauza bera dira? Gainera, proiektu pertsonalari buruzko primizia eman digu eta Billabonako alkatea izateko aukera duela aitortu digu. "Benetan zabiz?" galduko duzu?"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

Noizbait inbidiarik sentitu al duzu? Eta zuganako inbidiarik igarri? Nondik dator emozio hori? Eta nola kudeatu daiteke era osasuntsuan?Atal honetan galdera horiei erantzuna ematen aritu gara Leire Martinezekin batera! Izan ere, inbidiaz ez da askorik hitz egiten, baina guztiok daukagu bizitako esperientzaren bat edo hausnarketaren bat plazaratzeko. Bestalde, neskon arteko lehiakortasuna are gehiago bultzatzen dela uste dugu. Musika munduan ere horrela bizi izan ote du Leirek? Gogorra izan al zen La Oreja de Van Goghekin bizitako booma?Atalaren amaieran dei misteriotsu bat egin dio gure gonbidatuak Benetan zabiz?-en aurrez izandako norbaiti. Nor izan ote da pertsona hori? Gainera, inoiz kontatu gabeko intimitate bat kontatu digu Leirek primizian!"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua."Benetan zabiz?" galduko duzu? Benetan?

Uda atzean utzita, errutina berriak, ardura eta helburu berriak, esperientzia berriak eta abar datoz. Askorentzat dena da berria. Hasiera desberdinak aipatuz, nolakoak izan ziren eskolako aurreneko egunak? Unibertsitateko lehen eguna? Lan berrian hastea? Oroimena jarri dute marxan! Argi dago hasiera hitzak anekdota ugari dakartzala berekin, onak zein txarrak. Txikitako kontuak mahaigaineratu dituzte, nola bizi izan zuten DBH? Zeintzuk ziren haien txikitako ardurak? Zein izaten zen beraien hamaiketakoa?Amaitzeko, atala grabatu aurretik gertatu zaien sekretu fantasiosoa kontatu digute. Telecincoko zein famatu ikusi dute kafetegian? Denboraldi berrira etortzeko konbentzitu ote dute? Ez galdu atala."Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

Iritsi da "Benetan zabiz?"en hirugarren azkena! Oraingoz bai. "Benetan zabiz?"tarrek saioaren esperientzian zehar bizi dituztenak kontatu dizkigute: kotilleo eta salseoak, famatuekin izandako harremanak, anekdotak… Pitidoak jarri behar izan ditu Oihanek? Zer gertatu zen Gaztea Sarietan? Eta EITBKo festan? Horrez gain, gure Oihane batu zaigu mikrofonora eta konspirazio teoria ugariri buruz hitz egin digu… Egia al da Australia ez dela existitzen?Ez galdu azken atal honetan egin ditugun barre algarak, melankonia eta emozio lurrikara izan da!"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

"Beita" websaileko Sara Arregi eta Aitor Gomez izan ditugu "Benetan zabiz?"en atal honetan! Gaztea-ren Youtubeko kanalean ikusgarri dago websail hau.Nolakoa da websail bat lagun artean sortzea? Zergatik "Beita"? Noiz, non eta zergatik hasi zen proiektua? Zortzi ataletan landuko diren gai potoloenei heldu diegu: sexu erasoak, lagunarteko zein bikote harremanak, kuadrila kontuak, errealitate desberdinak dituzten gazteen egunerokotasuna… Gaiak gai, trama nagusia lagun taldean kideetako batek beste bati egindako sexu erasoa da. Nola erreakzionatu du inguruak? Fikziotik kanpo gertatzen da halako egoerarik? Gune seguruenak izan beharko liratekeenetan erasoak gertatzen dira? Kuadrillan? Familian?Websailaren nondik norakoak kontatu dizkigute Aitorrek eta Sarak eta gaien inguruan hausnartu dugu! "Benetan zabiz?" galdu egingo duzu?"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

Edurne Azkarate "Irati" film-eko protagonista izan dugu "Benetan zabiz?"eko atal honetan!Azkarate gaztea da baina ibilbide oparoa izan du aktore zein aurkezle lanetan: laburmetraiak, websailak, "Irati" film luzea, telebista saioak… Formol Laborategia antzerki konpainiako zuzendaria da gainera, eta taldeak publikoari azaleratzen dizkien gaiak izan ditugu hizpide. Gazteen gaineko aurreritziak, aktorea izatea, kasting prozesuak, eszena zail eta errazak, interpretazio munduaren atzeko mobidak, arte eszenikoak, sare sozialetan jasotzen dituen mezuak…Arrosalik betiko galdera existentziala egin dio eta Edurnek galdera izarrari erantzun behar izan dio! Kontxitaren poligrafoak ondo tratatu ote du Azkarate? Gezurren bat esan du?"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

Baserritarra falta zen "Benetan zabiz?"eko txokora etortzeko eta iritsi da momentua: Jokin Urretabizkaia izan dugu gonbidatu!ETBko "Baserria" saioan parte hartu zuen eta nekazaritza eta abeltzaintza ikasketak ditu. Txikitatik bizi izan da baserrian eta oso ondo ezagutzen du lanbide eta bizimodu honek izan ditzakeen onurak eta buruhausteak. Aizkolaria ere bada eta segalari gisa ere aritu da.Prekarioa al da baserritarraren lanbidea? Tontotzat hartzen al dira gizartean? Zer gertatu zen ETB1eko "Baserrian" errealitian? Egia al da telebistan agertzen den guztia? Zer nolako trikimailuak erabili zituen Jokinek esandako guztia ez entzuteko? Zer uste du Jokinek gu bezalako kalekumeetaz?"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.

"Benetan zabiz?"en atal honetan Julen Portillo euskal eduki sortzailea izan dugu gonbidatua! Ez zaio gustatzen TikToker-tzat sailkatzea, baina plataformari buruz askotxo daki! YouTube-n abesti ezagunen euskal bertsioak igotzen hasi zen aspaldi, eta euskarazko edukia sortzen eta monologoak egiten dihardu gaur egun.Nola funtzionatzen du TikTok-en dirua irabazteak? Zer suposatzen du euskara hutsean edukia egiteak? Zer espero du jendeak umoregileetaz? Posible al da bideoak igotzen dituen pertsona lotsatia izatea?Antsietate sozialaz, lotsa izateaz, sare sozialez eta gure inseguritateez aritu gara. Amaieran, Kontxitaren poligrafoa egin diogu Juleni: zer pentsatzen zuen gutaz hasieran? Benetan busti ote da Aitziber eta Malenekin… Ez galdu!"Benetan zabiz?" podcasta Aitziber Grados eta Malen Altunak gidatzen duten podcast gazte eta lotsagabea da, umoretik entretenimendurako sortua.