Nolakoa izaten da pilotariaren bizitza? Prekarioa al da? Zenbat entrenatu behar da? Juerga egitea debekatuta dago? Apostuek presioa handia suposatzen al dute? Andoni Aretxabaleta pilotari ohia izan dugu "Benetaz zabiz?"en atal honetan, kantxa barruko eta kanpoko xehetasun guztiak azaltzeko!Telecincon agertzea, autoa erretzea edota Euskal Herriko sex symbola izatea! Denetariko gaiak ibili ditugu Andonirekin, eta baita pilotari ugari inplikatzen dituen jolasa ere proposatu diogu. Zein izan ote da pilota munduan eskatu dioten mesederik handiena? Zeri buruz hitz egiten da aldagelan?

Nor da Jongi? DVD diskak saltzetik, nola sartu zen komunikazioaren munduan? Eta Gaztea irratian? 24 urte daramatza esatari lanetan eta geroztik, egunero egiten ditu originaltasunez beteriko umorezko sekzioak. Nola ez zaizkio ideiak agortzen?Euskal Herrira amodio bila etorri zen baina badirudi maitasuna beste modu batean topatu zuela. Jarraitzaileek asko maite dute baina badago gorroto duenik ere. Bere euskara ez da jatorrena eta berak badaki, jasotzen dituen kritiken gehiengoa horregatik baita… Zer pentsatu ote zuen Jongik guri buruz bekadun bezala hasi ginen lehen egunean? Zergatik ez da ideia ona inauterietan pailazoz mozorrotzea?

Haur ginela ezagutu genituen Nerea Alias eta "Betizu"ren unibertsoa. Arratsaldero meriendatzen genuen Oker panpina eta berarekin batera, eta "Egin kantu!" saiorekin gorputza dantzan jartzen genuen. Garagardotegi batetik, "Kuxkuxeroak" umore saioari esker, pantailara salto egin eta segituan euskal gazte askoren erreferente bihurtu zen. Geroztik, entretenimenduzko saio ugaritan ikusi dugu aurkezle lanetan.Nerea Alias ezagutu nahi duzu? Zein da Euskal Telebistako haurrentzako programazioaren inguruko gure iritzia? Ezezagunek guri buruz diotena inporta zaigu? Denborarekin aldatu egiten gara, eta hori gaizki ikusita dago?

Nola egiten dute lan albistegietako kazetariek? Agindu egiten diete "zer kontatu"? Zenbat kobratzen dute? Lehiakortasuna al dago kazetarien artean? Telebistan agertzeko itxura eta estetika inportanteak dira? Kaleko erreportariek zuzenekoak egiten dituztenean, zer arrisku daude? Zer nolako kritikak entzun behar izaten dituzte sare sozialetan?Albistegien munduko galdera asko erantzuteko, Andoni Calvo kazetaria izan dugu "Benetan zabiz?" podcastean! Jolasaren tartean Teleberriko aurkezle famatu bati telefonoz deitu dio gainera… jakin nahi duzu nor den? Albistegien atzeko sekretuak ezagutu nahi dituzu? Entzun atala.

Haur zelarik, telefonoa hartu eta ETB1eko kasting batean eman zuen izena. Une horretan, "Betizu" unibertsoan sartu zen eta geroztik musika izan da bere egunerokoa erritmoz busti duena. "Betizu taldea", "Jeimon Turk Band", "Hesian"… "Lokaleko leihotik" kantuarekin maitasun deklarazioa egin diote noizbait? Ea zer dioen Arrosalik!Bere ibilbideaz, pertsonal eta profesionalaz, musikaz, "Enraizadas" erretiroen proiektuaz jarduteko. Lagun bati deitu dio gainera… Pello Reparaz telefonoaren beste aldean!

Nolakoa da pantailetan agertzen den pertsonaren bizimodua? Zer da egun batetik bestera ezagun bihurtu eta euskal errealitietan parte hartzea edo kamera aurrean lan egitea? Zer suposatzen du esposizio horrek? Zenbat aldaketa eta ezjakintasuneri egin behar izaten diegu aurre gure bizitza profesionalean? Eta zenbaterainoko konfiantza daukagu geure buruan? Etorkizunak larritzen gaitu? Egoitz Txurruka, mallabiarrak errealitien kamara aurreko zein atzeko anekdotak kontatu dizkigu, eta baita primizian sekretu bat aitortu ere!"El Conquis"eko abentura ezkutuak -eta maitasun kotilleoak-, "Gu ta gutarrak" errealitian izandako bi bizitza paraleloak eta amodioa! Nork gonbidatu ote du "Txurru" Miamira? Nerea Alias-i bere azken zitan gertatutakoa kontatu dio telefonoz zuzen-zuzenean! Eta bere sexu-fetitxea zein den ere aitortu digu.

Atal honetan juergen inguruan aritu dira benetan-zabiztarrak. Juerga, erromeria giroa, txoznak, parrandetan ligatzea eta alkoholaren kontsumoaren normalizazioa izan dituzte hizpide. Baina batez ere, Bilboko Kafe Antzokia aipatu dute, bertako jai giroak anekdota askorako ematen baitu. Hain zuzen bertan aritzen baita askotan DJ lanetan Antzokia musikaz girotzen. Eta DJ kabinatik dantza lekura begira, kotilleo askotaz enteratzen omen da… Eta ez hori bakarrik, DJ-a izateaz gain Jon Castaneda Akerbeltz erromeriako abeslaria da. Zer motatako parranda gustatzen zaio bakoitzari? Nolakoak gara juerga giroan? Ligatzen dugu? Juergetan zer musika dantzatzea gustatzen zaigu?Eszenatokietan lotsa gabe aritzen dena gonbidatu dute podcastera, ea Malen eta Aitziberren galderak ere erreparorik gabe erantzuten dituen… Arrosaliren galdera gorritu gabe erantzuteko gai izango da? Ze euskal famaturi botako lioke begizkoa? Noren whatssap-a kotilleatuko luke? Ea kontatzen digun…

Imajinatzen al duzu hamabi urterekin youtubeko kanal bat zabaldu eta 149 mila jarraitzaile izatera iristea? Ba horixe bera gertatu zaio Iban Garciari! Eta ez da lan gutxiko ibilbidea izan! Argi dago aldaketa asko bizi izan dituela azken urteetan eta esfortzu guztiaren fruitua dela orain arteko sareetako errekonozimendua. ETB1eko, Mediaset-eko saioetan, YouTube eta bere sare sozialetan egiten du lan. Azken hauek bereziki sormenaz beteriko edukiaren erakusleiho bihurtu dira!Orain bi urte, lanak Madrilera eraman zuen. Ondorioz, jende berri asko ezagutu (horietako asko telebista munduko famatuak) eta egoera zein testuinguru berrietara egokitu behar izan da. Hala nola, bere amarengandik urruntzea, batetik bestera ibiltzea... Zenbat famatu ezagutzen ditu dagoeneko? Egia al da Malbertekin liatu zela? Eta "Supervivientes" telebista saioan gertatzen dena? Faltsukeria eta interesak ote daude influencer-en artean? Nola daramatza jendearen kritikak?

Zenbat gai, zenbat pertsona eta zenbat kontu pasatu diren orain arte Benetan zabiz?-eko txokotik, ezta?Atal honetan emozioak besterik ez: Nola gaude? Ondo sentitu gara? Zein izan da gehien gustatu zaigun gaia? Eta kameren atzean gertatutako sekretutxoak kontatzen baditugu…?Melankoniaz beteriko atal honetan ez dago gonbidaturik, gu geu baikara protagonistak! Baina ez gu bakarrik, zuek bidalitako iritziak irakurri, zuen ahotsak entzun eta biak komentatuko ditugu!."Benetan zabiz?" familia bat bihurtu dela argi dago eta horren parte garela zuek eta gu. Baina tira, gabonak direla ahaztu gabe, amaiera ezinhobea ere eman diogu urteari: "Benetan zabiz?"eko kanpaikadak ezin ziren falta!!! Prest zaude urte berriari eskatutako guztia entzuteko? Eta Malen eta Aitziberri agur esateko? Ea ez diren mahatsekin itotzen! URTE BERRI ON!!!!!!!

Zer da sormena? Sortzailetzat duzu zeure burua? Zer sortzen duzu? Imajinazio asko duzula esango zenuke? Ainhoa Arroitajauregi musikaria eta Gazteako lankidea gonbidatu dute Benetan zabiz?-tarrek sortzaile izateari buruz hausnartzeko.Sormena nondik ote datorren galdetzen hasi, eta euskal famatuei moteak jartzen amaitu dute! Mote orijinalak asmatzea ere sormena izatea dela esan, eta sekretutxo asko irten dira. Badakizue nori jarri dioten "La campanodas" motea? Eta "txu-txu"? Arrosalik ere parebat galdera egin eta konpromisoan jarri du Arroita: Inoiz plagiatu al du abestirik? Zer uste duzue?