Il Swiss Open Contest ha festivà quest onn ses 30avel. Ina giada dapli èn 10 da las top brass bands da la Svizra sentupadas a Lucerna en il famus KKL per cumbatter per il titel «Swiss Open Champion». Gia dapi 30 onns diverteschan las meglras brass bands da la svizra a questa concurrenza ch'è gia daditg daventada tradiziun tar ils fans da la scena. Per quella ediziun da giubileum fiss quai bunamain reussì al dirigent rumantsch Corsin Tuor cun sia Brass Band Berner Oberland da defender il titel. Be per 1 sulet punct n'è quai betg gartegià a la BBO, ed uschia è il titel da campiun turnà enavos en il Vallais tar la Brass Band 13 Étoiles. En l'Instrumentala dad oz pudais tadlar differentas preschentaziuns, tranter auter era l'interpretaziun da victoria dal toc da pensum – la legendara cumposiziun «Paganini Variations» da Philip Wilby.