Il Swiss Open Contest ha festivà quest onn ses 30avel. Ina giada dapli èn 10 da las top brass bands da la svizra sentupadas a Lucerna en il famus KKL per cumbatter per il titel «Swiss Open Champion». En ina segunda emissiun pudais vus tadlar oz ulteriuras preschentaziuns dal Swiss Open Contest. Nus avain era discurrì cun musicants e dirigents da la Wallberg Band e la Brassband Bürgermusik Luzern (BML). E perquai che era la BML ha preschentà ina fantastica producziun dal toc da pensum «Paganini Variations» da Philip Wilby tadlain nus oz gist anc ina giada quella famusa cumposiziun.