༄༅། ཟླ་བ་འདིའི་སྤྱི་ཚེས་༢༨ ཉིན་ནི་འཛམ་གླིང་མཆིན་པའི་གཉན་ཚད་དམ་Hepatitis ནད་གཞི་སྔོན་འགོག་གི་ཉིན་མོ་ཡིན་སྟབས། ད་རིང་གི་ལས་རིམ་ནང་རྒྱ་གར་ལྷོ་ཕྱོགས་བོད་མིའི་གཞིས་ཆགས་ཀྱི་སྨན་པ་དོན་གྲུབ་བཀྲིས་ལགས་ལྷན་དུ་དགའ་ལྡན་བྱང་རྩེ་སྨན་ཁང་གིས་ནད་གཞི་འདི་སྔོན་འགོག་དང་བཅོས་ཐབས་ཀྱི་ལས་གཞི་སྤེལ་བཞིན་པ་འདིས་ཕན་ནུས་དང་ཤུགས་རྐྱེན་ཇི་འདྲ་བྱུང་མིན། དེ་བཞིན་ནད་གཞི་འདི་སྔོན་འགོག་དང་སྨན་བཅོས་སོགས་ཀྱི་ཐད་ལ་བཀའ་མོལ་ཞུས་པ་ཞིག་གསན་རོགས་གནང་།

འདི་ལོའི་ཨ་མི་རི་ཀའི་སློབ་གྲྭ་ཁག་གི་དབྱར་ཁའི་གུང་གསེང་དང་སྟབས་བསྟུན་ནས་བོད་མི་གནས་འཁོད་ཨ་རིའི་ས་གནས་མང་པོའི་ནང་བོད་ཕྲུག་ཚོའི་ཆེད་དུ་བོད་ཀྱི་སྐད་ཡིག་དང་རིག་གཞུང་། ལོ་རྒྱུས་དང་ནང་ཆོས་ངོ་སྤྲོད་ཀྱི་ཟབ་སྦྱོང་ལས་རིམ་མང་པོ་ཞིག་གོ་སྒྲིག་བྱེད་དང་བྱེད་མུས་ཡིན་པས། ས་རིམ་ནང་ཨ་རིའི་ཁེ་ལི་ཧྥོར་ཎི་ཡ་ནས་ཚེ་རིང་ཆོས་སྒྲུབ་ལགས་དང། ལྦར་མན་མངའ་སྡེ་ནས་མིག་དམར་ཚེ་རིང་ལགས། རྒྱལ་ས་ལྦ་ཤོན་ཊོན་མངའ་ཁུལ་ནས་སྒྲོལ་དཀར་ལགས། ཤེ་ཁ་གྷོ་གྲོང་ཁྱེར་ནས་ཚེ་བརྟེན་རྡོ་རྗེ་ལགས་