Բիթրեյթ

Շարունակ երազանքիդ հետևից վազելով կարող ես այն վերջապես իրականություն դարձնել։ Իհարկե, ճանապարհին քեզ անհաջողություններ կհանդիպեն, կլինեն նաև ձախողումներ, դե՛ քո ուժերին չհավատացող մարդիկ էլ անպակաս կլինեն, որոնց պատճառով կսկսես սեփական ունակություններդ կասկածի տակ դնել։ Ու թեև այդ պահին ամեն բան դժվար ու անհաղթահարելի կթվա, միևնույն է՝ վազել շարունակելով է, որ կկարողանաս մի օր վերջապես հայտնվել ուզածդ սարի գագաթին ու հետ նայել։ Այդ պահին կհասկանաս, որ արժեր անցնել երազանքիդ ճանապարհին քեզ հանդիպած բոլոր փորձություններով, որովհետև դրանք նաև անգին դասեր էին։

Դե էլ ի՞նչ աշուն առանց գիշերային լույսերի տակ ոսկեգույն թվացող տերևաթափի։ Այսօրվա փլեյլիսթը մեզ կտեղափոխի այնպիսի գիշերներ, երբ փողոցում միայն դուք եք, սառը քամին, ոտքերի տակ խշխշացող դեղին տերևներն ու այս թեմատիկ երգերը։

Հոկտեմբերը տարվա այն ամիսն է, երբ սկսում ես հավատալ, կամ առնվազն կասկածել սև կատուների ուժին, վհուկների գոյությանը, ուրվականների՝ մարդկանց շուրջ աննկատ պտտվելուն ու Հոգուարթսի հրաշագործների դպրոցից քո նամակը պարզապես սխալմամբ չստանալուն։

Հենց այս պատճառով էլ ամսվա վերջին հինգշաբթին որոշել եմ բոլորիս միասին տեղափոխել կախարդանքով լի մեկ այլ տիեզերք, դե իսկ դա անելու ամենալավ միջոցը երաժշտությունն է։ Դե՛, ինչ, պատրաստեք ձեր թռչող ցախավելներն ու եկեք սկսե՛նք։

Մենակ լինելը հնարավորություն է ինքդ քեզ հետ ժամանակ անցկացնելու ու եսդ բացահայտելու համար և դա միանգամայն բնական ու գեղեցիկ երևույթ է։ Բայց երբեմն էլ պարզապես չենք ուզում մենակ լինել ու փնտրում ենք ամեն հնարավոր միջոց մենակությունը սպանելու ու դատարկությւոնը լցնելու համար։

Բիթրեյթի այս էպիզոդը հենց այդ օրերի համար է։ Այս փլեյլսթը լսելիս հաստատ միայնակ չես զգա։

Հակառակ սեռերի ընկերության մասին քննարկումներն անհամար են։ Շատերը հավատում են այդ ընկերությանը, ոմանք էլ կարծում են, որ պլատոնական հարաբերությունները տարբեր սեռերի միջև անհնար են, ու ինչ-որ մի պահի մեկը միշտ սիրահարվում է մյուսին։

Կարծում եմ՝ այս հարցի լիարժեք պատասխանը դժվար է գտնել, քանի որ ամեն ինչ կախված է իրավիճակից, մարդուց ու պատմությունից, սակայն Բիթրեյթի այսօրվա էպիզոդը լի է այնպիսի երգերով, որոնք նկարագրում են ընկերությունից դեպի սիրահարվածություն նուրբ անցումը։

Երբեմն այդ անցումը չափից դուրս գեղեցիկ է, երբեմն էլ՝ չափից դուրս ցավոտ ու ռիսկային։

Ռոմանտիզացնել կյանքը․ ի՞նչ է նշանակում  այս արտահայտությունը, որը վերջին օրերին, վստահ եմ, շատ ենք տեսնում համացանցում։ Սա նշանակում է սիրահարվել սեփական կյանքին ու նույնիսկ ամենահասարակ պահերը տեսնել  յուրահատուկ ու վառ լույսի ներքո։ Այսպես կարող ես փոփոխությունները գրկաբաց ընդունել, նոր բաներ սովորել  ու աճել։

Եվ ուրեմն՝ ինչո՞ւ չանել այս ամենն ու հասարակ պահերը ռոմանտիկ դարձնել Բիթրեյթի այսօրվա փլեյլիսթի հետ։

Որքան էլ ծանր լինի օրդ ու նույնիսկ շնչելը թվա անհնար, իրավիճակը կարող է շտկվել քո սիրելի սուրճի բույրով, պատուհանը թակող անձրևի կաթիլների ձայնով ու լավ երաժշտությամբ։

Նման հասարակ թվացող, բայց մեծ էներգիա ու հանգստություն հաղորդող մթնոլորտում էլ առաջարկում եմ լսել այսօրվա փլեյլիսթը։

Այսօր քեզ իսկապես պետք են անձրև, սուրճ ու այս երգերը․․․

Որոշ գիշերներ ստեղծված են ընկերների ու սիրելիների հետ անմոռանալի հիշողություններ ստեղծելու համար, որոշները՝ խաղաղ քուն մտնելու ու երազելու համար, մեր գիշերներից շատերն էլ դեղին լույսերով ողողված փողոցներում միայնակ քայլելու համար են։

Բիթրեյթի այսօրվա էպիզոդում կգտնես այդ հաճելի մենակությունը շոյող երգեր։ Արի սկսե’նք քայլել։

Բարի գալուստ Աշուն ու աշնան առաջին հինգշաբթի։

Վերջապես եկավ իմ ու, վստահ եմ, շատերիս կողմից երկար սպասված աշունը, որը կմեկնարկի ամենագունեղ օրերի, բուրավետ տաք սուրճերի, կարմիր մայրամուտների, սառը ձեռքերի գրկախառնությունների, նոր ռոմանսների, շարֆերի ու անձրևային երազկոտ ընթերցանությունների սկիզբը։

Այս պահերն առաջարկում եմ ապրել այսօրվա էպիզոդի աշնանային խորհրդավոր երգացանկի ներքո։ Սկսեցի՜նք։

Բիթրեյթի այս ամսվա հյուրն է Մաշա Մնջոյանը, որի նոր երգն առաջին անգամ կարող եք լսել այս էպիզոդի ընթացքում։ Մաշան մեզ պատմել է նաև իր նոր երգի մանրամասների, Ավստրալիայում սպասվելիք մեծ համերգների ու ավստրալական այլ պլանների մասին։