Այսօր 2022թ․-ի ամռան վերջին հինգշաբթին է։ Վստահ եմ՝ աշնան սկսելուն պես շատերն են կարոտով հետ նայելու վերջին երեք շոգ ամիսների ընթացքում իրենց կուտակած հիշողություններին։

Այդ ֆլեշբեքերն առաջարկում եմ անել այսօրվա էպիզոդում ընդգրկված երգերը լսելով. այս փլեյլիսթը կարող եք լսել, երբ կարոտեք ինչ-որ մեկին, ինքներդ ձեզ անցյալ ժամանակում կամ պարզապես ինչ-որ պահեր։

Today our guest is Daniel - a super-talented video editor and painter from South Korea. Daniel has worked in Korean creative agencies that came up with music video concepts for Sunmi, Itzy, Twice, and other famous k-pop artists. Check out the episode to learn more about Daniel's experience as a video editor, his cultural shock in Armenia, and more! 

***

Բիթրեյթի հյուրն է ազգությամբ կորեացի, տաղանդավոր վիդեո խմբագիր ու նկարիչ Դենիելը, որը Հարավային Կորեայում աշխատել է այնպիսի հայտնի քեյ-փոփ աստղերի հետ, ինչպիսիք են Sunmi-ին, Twice-ը, Itzy-ին և շատ ուրիշներ։ Դենիելն արդեն մի քանի ամիս է ինչ բնակվում է Հայաստանում, սակայն նրա հայերենն, ինչպես գուշակեցիք, չէր կարող այսքան կարճ ժամանակում անթերի լինել ու հենց այդ պատճառով էլ մեր այսօրվա զրույցը կլինի անգլերեն։ Գնացի՜նք։ 

Խաղաղ ու լուռ գիշերներին յուրահատուկ առեղծվածային շունչ են հաղորդում լիալուսինները, որոնց շնորհիվ թվում է՝ հայտնվում ես մեկ այլ տիեզերական աշխարհում։

Այս էպիզոդը հենց նման պահերի համար է, որպեսզի բոլորիս գիշեները միշտ հեքիաթային ու հոգին լցնող լինեն։

Ամպերին հասնելու ու դրանք անցնելու համար կախարդանք պետք չէ։ Քեզ ուղղակի անհրաժեշտ է ցանկալի ուղղությամբ մեկնող ինքաթիռի մի տոմս ու ճամպրուկ։

Հա ու մեկ էլ աղմուկը հետին պլան մղող բազմաոճ մի փլեյլիսթ, որպեսզի թռիչքդ ամպերի մեջ ավելի էպիկ լինի։ Բիթրեյթի այս էպիզոդի երգացանկը վերջին մասն անպայման կապահովի։

Աշխարհի հրաշալիքներն անկասկած միայն 7-ը չեն: Հրաշալիքների շարքին պիտի դասվեն նաև պաղպաղակը, արևածաղիկը, ամռան սառը քամին ու, իհարկե, մայրամուտը:

Մայրամուտները միայնակ կամ սիրելիների հետ դիտելը կարծես մեր ամենասիրելի ֆիլմերից մի դրվագ լինի: Սակայն այդ դրվագն էլ ավելի ֆիլմային կարող են դարձնել մեր այսօրվա փլյլիսթի երգերը:

Դե՜, ինչ, կախարդական մայրամուտների մեր էպիզոդը սկսված է:

Ֆիլմաշխարհը մի անեզր տարածություն է, որտեղ ցանկացած մարդ կգտնի իր սրտին մոտ տիեզերք։ Այդ ֆիլմային տիեզերքն ամբողջական են դարձնում սցենարը, կադրերը, համոզիչ դերասանական խաղն ու իհարկե սաունդթրեքերը։

Գրեթե ցանկացած ֆիլմ թերի կլինի, եթե չունենա լրացնող սաունդթրեք, որը լսելիս կտեղափոխվես այդ երևակայական աշխարհ։

Բիթրեյթի այս էպիզոդում ընդգրկել ենք մեր սիրելի ֆիլմերն անթերի դարձնող այկոնիկ սաունդթրեքերը, որոնց հետ կվերադառնանք արդեն հարազատ դարձած մի շարք կինո-տիեզերքներ։

Ֆիլմային ու գրքային աշխարհի ամենացավոտ ռոմանտիկ պատմություններից շատերն են կառուցվել <սխալ իրավիճակներում, տեղում ու ժամանակներում ճիշտ մարդուն հանդիպելու> կոնցեպտի շուրջ։ Իրական կյանքում ևս նման պատմություններ հաճախ կարող են հանդիպել, և դրա հետ համակերպվելն ու իրար հրաժեշտ տալը գուցե ամենադժվար որոշումներից մեկը լինի մեր ողջ կյանքում։

Բոլորս էլ մեր կյանքի ինչ-որ շրջանում մոտիվացվելու ու համառ ուժերով առաջ հրվելու կարիք ենք ունենում: Հաճախ այդ ուժը ստանում ենք մեզ համար թանկ մարդկանցից, մեր երազանքների կարևորությունն ինքներս գիտակցելուց և կամ էլ երաժշտությունից:

Բիթրեյթի այսօրվա էպիզոդում կգտնես այնպիսի մոտիվացիոն երգեր, որոնք լսելուց հետո կհավաքես բոլոր ուժերդ ու կշարունակես երազանքներիդ հետևից վազել: Սկսեցի՜նք:

Սիրահարվածության թիթեռնիկները, որոնց մասին խոսում էինք դեռ մի քանի էպիզոդ առաջ երբեմն չեն հասցնում լիարժեք ապրել ու թիթեռին հատուկ կարճ կյանք են ունենում՝ կոտրելով բազմաթիվ սրտեր։ Հենց այդ կոտրված սրտերի պատճառով էլ ծնվել են այսօրվա մեր փլեյլիսթում ընդգրկված բոլոր երգերը։

Ars longa, vita brevis՝ Արվեստը հարատև է, կյանքը կարճ․ սա է ասում լատինական ասացվածքը։

Եվ իսկապես՝ փոխվում են ժամանակները, նորաձևությունն ու քաղաքակրթությունները, սակայն արվեստը գրեթե բոլոր դարաշրջաններում մնում է մնայուն արժեք։

Երաժշտական աշխարհում էլ կան ժամանակաշրջաններ, որոնց ընթացքում թողարկված մի շարք երգեր արդեն երկար ժամանակ է, ինչ մարդկանց հիշողութուններում են դաջված։

Բիթրեյթի այսօրվա էպիզոդի շրջանակներում տեղափոխվելու ենք 2000-ականների սկիզբ ու վայելենք այդ ժամանակաշրջանի լավագույն հիթերից մի քանիսը։ Ուղևորությունն անցյալ պաշտոնապես սկսված է։