Բիթրեյթ

Շքեղ, ուռուցիկ զգեստներ, փետուրներով դիմակներ, արտասովոր սանրվածքներ, էքստրավագանտ շոուներ, շոմպայնի գետեր, մարգարիտներ, քանդակներով պարահանդեսային սրահներ, շլացնող լույսեր, լաբիրինթներ և իհարկե պարահանդեսային պարեր ու էպիկ երաժշտություն։ Հենց այսպիսի գրքային իրավիճակների համար է նախատեսված Բիթրեյթի այս էպիզոդը։

Եթե դու էլ ես ներսումդ անհանգիստ թիթեռնիկներ զգում, մտքիդ մեջ շարունակ ինչ-որ պահեր են պտտվում, մինչդեռ օրդ լուսավորվում է մեկ հայացքից, եթե ողջ գիշեր ապագա սցենարներ ես գծում ու ժպտում, եթե օրվա ընթացքում մտքով այլ տեղ ես սավառնում, ու եթե այս ամենում գլխավոր հերոսը միայն մեկն է, ուրեմն շնորհավորում եմ՝ դու սիրահարված ես։

Ու հենց ներսիդ թիթեռնիկները գունավորելու համար այս էպիզոդի ընթացքում կգտնես սիրահարվածության ամենազգլխիչ երգերից մի քանիսը։ Արի՛ հիմա էլ այս երգերին սիրահարվենք։

Ասում եմ՝ ցնցուղի տակ չեն երգում, այլ ելույթ են ունենում, դե․․․ մինչ այն պահը, երբ փրփուրը պատահաբար կուլ ես տալիս։ Սակայն դա չպետք է խանգարի մեր գախտնի տաղանդը լոգարանում ցուցադրելուն, այնպես չէ՞։

Բիթրեյթի այս էպիզոդում քեզ առաջարկելու եմ այնպիսի երգեր, որոնք ցնցուղի տակ անցկաղվող քո կարաոկեներն ուղղակի ՑՆՑՈՂ կդարձնեն։ Սկսեցի՜նք։

Նարնջագույն արևների, սառը սուրճերի, մեքենայով ճանապարհորդությունների, հեքիաթային շատրվանների ու լողավազանային փարթիների սեզոնը պաշտոնապես սկսվել է։ Տա-դա-դա-դաաաաամ։

Այսօր ամռան առաջին հինգշաթին է, ու չնայած ինքս այս շրջանի մեծ երկրպագուն չեմ, բայց չէի կարող ամռանն այդքան սպասող մարդկանց համար ամառային ամենավառ փլեյլիսթը չառաջարկել։ 

Պատկերացրու՝ ողջ քաղաքը քնած է, բայց ոչ դու։ Դու նստած ես կեսօրին զբաղված, բայց գիշերը խաղաղ քաղաքի ամենաբարձր շենքերից մեկի տանիքին, ու նայում ես փողոցի շլացնող լույսերին, մուգ երկնքին ու սովորականից ավելի մեծ լուսնին։ Շնչում ես սառը օդն ու թեթևություն զգում ողջ մարմնումդ, մինչդեռ կողքիդ դրված նվագարկիչից հնչում է այդ պահի համար ամենահամապատասխան փլեյլիսթը։

Չհասկացված հերոսնե՞ր, թե՞ ուղղակի չարագործներ։ Այս փլեյլիսթի երգերը լսելով կտեղափոխվես մտացածին մի աշխարհ, որտեղ ինքդ քեզ կտեսնես չարագործի՝ հակահերոսի դերում։ Ինչպիսի՞ երգեր կբնութագրեն քեզ ու քո խենթ մտքերը՝ պարզում ենք այս էպիզոդի շրջանակներում։  

Երգեր՝ մեքենա վարելիս լսելու համար, մինչդեռ վարսերդ պարում են քամու հետ, իսկ հեռվում արևը մայր է մտնում՝ երկինքը ներկելով իր ամենասիրուն երանգներով։ Այս էպիզոդի երգերի հետ չես ձանձրանա, իսկ ճանապարհդ էլ չափազանց կարճ կթվա։ 

Երկնագույն եթերային հագուստներ, որոնք փերիների թևեր են հիշեցնում, ոտաբոբիկ ու լայն ժպիտով․․․Այս էպիզոդի երգերի ու աստղային երկնքի ներքո անհնար է չպարել։ DPR Իենից մինչև Coldplay ու Հարի Սթայլզ․ արի՛ միասին վայելենք այս փլեյլիսթում ընդգրկված յուրահատուկ երգերն ու դրանց պատմությունները։