Բիթրեյթ

Պատահում է, երբ մեր հոգին գտնում է մեկին, ում հետ կարող ենք մինչ առավոտ զրուցել, ամեն օր հանդիպել, մեր օրը նրանով լցնել, մեր զգացմունքներով ու սիրելի երաժշտությամբ կիսվել՝ մտածելով, որ նրա հետ մեր հարաբերությունները՝ լինեն դրանք ռոմանտիկ բնույթի, թե պլատոնական, հավերժ կտևեն։

Սակայն, չենք էլ հասկանում՝ ինչպես, ամեն ինչ միանգամից փոխվում է, ու շուտով նրան նույնիսկ ողջունելը դառնում է բարդ, քանի որ այդ մարդը վերածվում է պարզապես մեկի, ում մի ժամանակ ճանաչել ենք։

Բիթրեյթի այս էպիզոդում ընդգրկված երգերը հենց նման իրավիճակների համար են, երբ հասկանում ենք, որ մտերիմներից արդեն դարձել ենք անծանոթներ։

Պատկերացրու՝ ապրում ես մի կախարդական աշխարհում ու թևեր ունես, ամեն երեկո խարույկի շուրջ ֆոլք երաժշտության տակ պարեր ես պարում՝ վայելելով քամին, բնությունն ու եթերային զգեստների անսովոր թեթևությունը։ Երկար ականջներդ համբուրվելիս թրթռում են, իսկ ամեն ուր մեկը մյուսից տարբերվող ֆանտաստիկ արարածներ են։

Սակայն այդ աշխարհում կան նաև էպիկ մարտեր, գահի համար կռիվներ, սիրային ինտրիգներ. մի խոսքով այն ամբողջ դրաման, որ անհրաժեշտ է փերիների մասին պատմող ֆանտաստիկ նովելն անմոռանալի դարձնելու համար։

Այս էպիզոդի երգերը քեզ կօգնեն պատմածս ոչ միայն պատկերացնել, այլ նաև տեսնել ու զգալ։ Բացիր թևերդ՝ այս կախարդական աշխարհ տեղափոխվում ենք հենց հիմա։

Բարդ հարաբերություններ ու զգացմունքներ․ ոչ ոք չի ցանկանում երբևէ բախվել այս երկուսին, սակայն դրանց հետ <հանդիպումը> միշտ անսպասելի է ու հաճախ էլ անխուսափելի։

Դրանց մասին հյուսվել են բազմաթիվ բանաստեղծություններ, գրվել են գրքեր ու երգեր, և պատճառը երևի այն է, որ նման իրավիճակները հոգեհարազատ են մարդկանց ճնշող մեծամասնության համար․ և այս էպիզոդում ընդգրկված երգերը ևս բացառություն չեն։

Թեև անիմացիոն ֆիլմերն ու հեքիաթները հիմնականում ստեղծվում են մանուկների համար, դրանք յուրահատուկ տեղ ունեն նաև մեծահասակների սրտում։ Գուցե պատճառն այն է, որ որանցից շատերն օգնել են կերտել այսօրվա մեծահասակներին, կամ էլ ուղղակի որովհետև մարդիկ սրտի խորքում երբեք չեն դադարում հավատալ հրաշքների։ 

Կան այնպիսի մուլտֆիլմեր, որոնք մոռանալը գրեթե անհնար է ու դրանց մեծ մասը ստեղծվել է Դիսնեյ հանրահայտ ընկերության կողմից։ Այդ մուլտերն առանձնահատուկ են դարձնում նաև դրանցում ընդգրկված երգերը, որոնք էլ մեզ այսօր կտեղափոխեն մի կախարդական աշխարհ։

Ձյունը մի շարք մշակույթներում ասոցացնում են տարբեր բաների հետ։ Հայերիս համար այն պարզության նշան է, իսկ օրինակ ասիական, ու հատկապես կորեական մշակույթում առանձնահատուկ իմաստ ունի առաջին ձյունը։ Կորեայում հավատում են, որ եթե առաջին ձյան ժամանակ լինես այն մարդու հետ, ում հավանում ես, իրական ու հավերժակն սեր կծագի ձեր միջև։ Սա է պատճառը, որ շատ զույգեր միմյանց խոստանում են առաջին ձյան ժամանակ հանդիպել ինչ-որ մի նշանակալից վայրում ու միասին վայելել տարվա առաջին ձյունը։ 

Դեռ մանուկ հասակից սիրելի հեքիաթները մեզ սովորեցնում են սիրել բարի ու ամենակարող արքայազներին, սակայն շատերս մեծանալով հասկանում ենք, որ այդ նույն հեքիաթների չարագործներից շատերն ավելի հետաքրքիր ու չհասկացված կերպարներ են ու ավելի արժանի էին մեր սիրուն։

Երբեմն իրական կյանքում նույնպես նման անսպասելի սիրահարվածություններ են հանդիպում ու Բիթրեյթի այս էպիզոդը հենց այդ չնախատեսված պահերի մասին է, երբ գիտակցում ենք, որ սիրահարվել ենք պատմության չարագործին։

Պատկերացրու՝ խաղաղ գիշեր է ու դու նստած ես Փարիզի մի գետի ափին՝ սիրելիիդ կամ ինքդ քեզ հետ։ Հեռվում երևում են Էյֆելյան աշտարակի հեքիաթային լույսերը, լսվում են լուսատտիկների հանգստացնող ձայները, դե իսկ դու էլ վայելում ես այս փլեյլիսթի իրավիճակային երգերը։

Այսօր ձմռան առաջին օրն է, և ուրեմն տարվա այն տոնական տրամադրությունը,որին շատերս էինք կարոտել, պաշտոնապես վերադարձել է։

Շուտով Տանը մենակ կամ  Հարի Փոթեր ֆիլմաշարերը դիտելով սիրելիներիդ սուրբծննդյան նվերները փաթեթավորելը կդառնա առօրյայիդ անբաժան մասը։

Այս էպիզոդի երգերը հենց այդ տրամադրությունը ոգեշնչելու համար են։ Դե ուրեմն միանգամից անցում կատարենք սսուրբծննդյան այն այկոնիկ երգերին, որոնց ներքո գունեղ լույսերով ողողված մեր այս քաղաքում քայլելը նման է հեքիաթի։

Այս ցուրտ օրերին բոլորիս անհրաժեշտ է մի տաք շարֆ կամ էլ անուշաբույր սուրճ այտերը կարմիր պահելու համար։

Բայց ինչն ամենակարևորն է, բոլորս էլ կարիք ունենք սվիտերային եղանակին հարմար երաժշտության, որի միջոցով տաք կմնան ոչ միայն մեր այտերն ու ձեռքերը, այլ նաև՝ հոգին։ Հենց այսպիսի երգեր ենք պատրաստվում լսել մի քանի վայրկյանից։

Սկսե՜նք։

Անցումային տարիքային, կամ ինչպես ասում են անգլերենով Coming of age ժանրը առկա է թե ֆիլմերում, թե թատրոնի ներկայացումներում ու թե գրականության մեջ։ Այս ոճի գործերը պատմում են հերոսի՝ դեռահաս տարիքից դեպի հասունություն ճանապարհորդությունը․ որի միջոցով, անշուշտ, բոլորն են անցնում։ Գուցե մեզ այդքան ծանոթ լինելն է այս ժանրի գործերը էմոցիոնալ դարձնում շատերիս համար ու կապ չունի թե որ տարիքում կբախվենք նման ֆիլմերի կամ գրքերի, միևնույն է, դրանք միշտ մեզ յուրահատուկ ու ծանոթ զգացում են պարգևում։

Բիթրեյթի այս էպիզոդի երգերը ևս նման ոգի ունեն և հավաքվել են մեկ տեղում որպեսզի օգնեն կյանքդ պատկերացնել որպես անցումային տարիքի մասին պատմող մի վառ ֆիլմ։