Musica per il temp d'Advent da la Bavaria, dal Tirol, Salzburg e dal Schwarzwald. Tar noss vaschins en la regiun da las Alps tuna la musica populara in pau auter. Là aud'ins tuns d'orgla, ghitarra, citra, arpa ed arpet e tocs sco: «Weihnachtboarischer», «Pongauer Hirtenweis» ubain la «Klarinetten-Polka». Vus udis furmaziuns dal Tirol, dal Schwarzwald e da la Bavaria: la «Oberinntaler Soatnmusigi», ils «Sunnseitn Bläser», ils «Innsbrucker Volksmusikanten» ed il «Trio Sontheim» cun lur tocs per il temp d'Advent.