Suenter dus onns pausa pervi da corona èn nov furmaziuns excellentas da brass band sa preschentadas avant la giuria en il KKL a Lucerna.

Sco toc da pensum han tuttas furmaziuns gì da sunar la cumposiziun da Peter Graham «Dynasty – A Symphonic Poem». Per la victoria en questa concurrenza dovri dentant era ina buna preschentaziun dal toc da patg. Persvadì il pli fitg la giuria han quest onn las Brass Bands dal Vallais. Lentir podest è vallesan, il pli sisum la BB 13 Etoiles cun 353 puncts da maximalmain 360. Sin plazza dus è lEnsemble de Cuivre Valaisan e sin plazza trais la ­V­alaisia Brass Band. Nus tadlain lur producziuns. Era «lArtg musical» da dumengia, ils 03-10-21 soccupa dal Swiss Open Contest 2021.