Løgmaður hevur fult álit á nevndina í Bank Nordik, sum um vikuskiftið kunngjørdi ætlanir fyri, at partaeigararnir í bankanum skulu kunnu fáa heilt upp í 70 prosent av yvirskotinum í vinningsbýti. 

Hetta hóast hann var løgmaður fyri seks árum síðan, tá núverandi forkvinna í bankanum bleiv koyrd til hús úr Fíggingargrunninum av táverandi landsstýriskvinnuni í fíggjarmálum, tí bankin hevði goldið eitt stórt vinningsbýti til partaeigararnar.