Fyri einum ári síðani vaknaðu ukrainar til ófrættukendu ljóðini av bumbum, stríðsvagnum og sirenum. Tað, sum mong stúrdu fyri, var nú veruleiki. Russiski herurin gjørdi innrás í grannalandið Ukraina. 

Ein nýggj støða var nú í Evropa. Ein støða við kríggi, og skjótt tóku evropeisku londini stig til at revsa russar. 

Enntá lítlu Føroyar máttu taka støðu til samstarvið við Russland. Enn er tó ikki avgerð tikin um tað.