Ferðavinnan má skipast betri. 

Tað sigur Visit Faroe Islands, aftaná at hagapartarnir í Mykinesi hava í samstarv við Visit Vágar avgjørt at skipa ferðavinnuna eftir tí, sum tey nevna ein meira burðardyggan hátt. 

Hetta inniber millum annað at hækka prísin fyri útlendingar at koma í land á oynni úr 250 krónum í 400 og 500 krónur. Somuleiðis er ætlanin at seta mark á 200 fólk um dagin út í oynna, og at áseta eitt tíðarskeið fyri nær gangast kann frá 10-17.