55 prosent av húsarhaldsruskinum er matleivdir. Tað vísir ein kanning, sum kommunala brennistøðin hevur gjørt av 580 kilo av ruski í Tórshavnar Kommunu.

Matvøruhandlarnir royna at selja vørurnar áðrenn tær vera for gamlar, og minni fer burtur í dag, enn tað hevur gjørt, sigur umboð fyri fleiri matøruhandlar í Føroyum.

Ongar reglur eru fyri nær frukt og grønmeti skal burturbeinast - tað er altíð ein meting, sigur Heilsufrøðiliga starvstovan.