Upsafiskiskapurin er søguliga lágur. Í fjør fiskaðu skipini bara góð 15.000 tons av upsa. Hagtølini yvir upsafiskiskapin aftur til 1960 vísa ein rímuliga javnt høgan fiskiskap, fleiri ár eru fiskað meira enn 60.000 tons av upsa. Seinasta tíðarskeiðið við upsafiskiskapi á hesum støði vóru árini frá 2005 til 2010. 

Í meðal - frá 1960 til ídag - eru fiskað umleið 36.000 tons av upsa um árið. Men líka síðani 2010 hevur upsafiskiskapurin verið minni enn søguliga miðaltalið, 36.000 tons um árið.