Nico Smit praat oor Apple wat die handdoek ingegooi het met die ontwikkeling van ’n motor.

Tuinboukundige JJ Janse van Rensburg praat oor broodboomsaad, en die behandeling van houttraliewerk, -boë of -meubels in die tuin. Die plant van die week is ‘n klein immergroen boom, Magnolia Little Gem.

Prof. Rialet Pieters van die Noordwes-Universiteit praat oor rooijakkalse van die Namibwoestyn wat graag die spanspekagtige vrugte van die njarraplant vreet. Sy gesels oor hierdie verskynsel dat karnivore ook vrugte vreet, en selfs daarvoor verantwoordelik is om die saad van die plante te verprei, beter as die herbivore.

Andries Maree het die jongste hengelnuus.

Nico Smit bespreek 'n vraag van 'n luisteraar oor watter soort voertuig die beste is om te koop: petrol, diesel of hibriede.

Tuinboukundige JJ Janse van Rensburg praat oor die plant van gras. Die plant van die week is Lobelia.

Prof. Rialet Pieters van die Noordwes-Universiteit praat oor hoe troetelhonde opgelei word om Parkinson se siekte te identifiseer by mense wat daaraan ly. Sy vertel ook van die vrou wat die reuke wat met verskillende siektes geassosieer word, kan ruik, en die reuse Afrika-buidelrotte wat opgelei word om tuberkulose in sputum te kan identifiseer.