En noss mintgadi plitost hectic emblid’ins mintgatant ils muments da calma. Culla musica dad oz envida Noss chors da prender peda per quests muments.

Da «Tibie Paiom» fin tar chanzuns rumantschas sco «Consolaziun» da Gion Balzer Casanova datti d’udir oz in pau da tut. Tut las chanzuns han in ina ni l’autra moda in aspect spiritual che duai animar da tschertgar la quietezza en noss mund che è tut auter che quiet.