#CelebrateLifePodcast

Мите Кузевски е извршен директор на Фондацијата за дебата и образование ИДЕА Југоисточна Европа и основач на ВидиВака. Образовната позадина на Кузевски е во новинарството, но ја поминува последната деценија во комбинирање нови и традиционални медиуми. Работи како консултант за стратегии за комуникација и социјални медиуми за многу меѓународни невладини организации и компании.

Кузевски е основач на Центарот за нови медиуми, првата невладина организација во Македонија која ги промовира новите медиуми и нивната употреба. Ја основа и 140.mk – интернет страница на заедницата за корисниците на Твитер од Македонија и hash stats – интернет страница за креирање на инфографици од специфични хаштази.

Спроведува обуки за визуелно раскажување приказни на активисти од Балканот и целиот свет, како и обуки за дигитален активизам за невладини организации и активисти.

Шеф Олег Забазновски е школуван и дипломиран во областа за Гастрономија и кулинарство. Зад себе има 12 месечно искуство работејќи во Мишелински ресторани во Билбао и Барселона. Неговиот пристап кон храната секогаш му отвара простор за нови експерименти и вкусови. Follow: www.instagram.com/chef_shimeloloco 

Лука Кантарџиев, познат како Lux Kmala или Lukas Pomatski, е продуцент/артист во колективот Dope Kukjata. Тој го носи новиот бран на алтернативна музика (пост-рап) во регионот. Зад себе тој има 3 албуми (Inklingz –Tesseract, Dope Kukjata – 3018, Lux Kmala- Adam e gej, Eva ne e nevina) и штотуку го издаде својот нов албум насловен ,,Sam Doma”. Овој проект на Лука претставува склоп на повеќе артисти со кои, за време на вонредната состојба, креирше целосен албум во период од 2 недели.

Леана Таќи: активистка, пејачка, а и првата девојка кај нас која што има завршено Ајронмен триатлон трка. Цело време си задава некакви предизвици и мора да создава нешто. Борец за еднакво општество и човек што верува дека најголемиот предизвик е да се запознаеш самиот себе.

Марио Јовановски е персонален фитнес тренер и модел со повеќе годишно искуство во областа на фитнесот, тежинскиот тренинг, правилниот начин на исхрана и спортските суплементи (додатоците во исхрана).

Андреа Угриноска од Скопје, моментално базирана во Лондон, е дипломиран психолог по струка, но по шарената револуција станува по активна во студентските движења и невладиниот сектор, и развива страст за меѓународна политика. Андреа е од неодамна избрана за заседавач на комитетот на млади при Советот на Европа – за прв пат во историјата оваа позиција да му припаѓа на некој од Македонија. Истовремено е основач на Советот на Човекови Права, кој претставува прогресивна платформа за соработка помеѓу Либерално Демократската Партија и невладиниот сектор на тематики од заеднички интерес.

Андреј Петровски е магистер по дигитална форензика и во моментов е Tech директор во Фондацијата Share (sharefoundation.info). Тој го предводи тимот за итни случаи - SHARE CERT каде што им помага на медиумите и новинарите да ги знаат своите права во однос на cyber напади и приватност на интернет како и заштита на податоците. Исто така работи на Open Data и Copyright проекти, а во оваа епизода од него слушнавме како да му помогнеме на интернетот деновиве.