Questa stad avain nus vis blers nivels grischs e blera plievgia. Perquai portan «Noss Chors» oz insaquants radis da sulegl ed in pau chalira tar vus en stiva.

Pir cura ch'il sulegl manca percorsch'ins quant bain ch'el fa e quant impurtant ch'el è per nus. In pau da quella glisch e chalira pudais tadlar en l'emissiun dad oz. Il chor viril da Domat fa l'entschatta cun «Il grond sulegl». Suenter dechantan tranter auter il chor maschadà da Vrin, il chor viril-baselgia Savognin ubain il chor maschadà da Mon il sulegl.