La Stailalva d'oz avra anc ina giada il valisch che cuntegn ina massa chanzuns da stad u simplamain chanzuns che fan buna luna.

L'entschatta fan die Jungen Zellberger cun «Geniess die schönen Stunden». Plinavant tadlain nus ils Stoakogler cun «Stoakogler Reggae», die Geiwaidler cun lur hit «Sommerjodler», la Francine Jordi cun ses hit «Tanz, Alexis tanz», la Melissa Naschenweng cun «El fuego» e blers auters stars dal schlagher popular cun hits che stgaudan il cor da tutt'aura.