Cuntradas idillicas cun culms e lais, natira intacta ed atuns da bellezza – quai vegn endament tar il Grischun dal sid. Dentant ha l'Engiadina era in ritg patrimoni da chanzuns. L'emissiun dad oz mussa il grond stgazi da chanzuns engiadinaisas per chors. «Cur chi vain la not», «Prümavaira» ed «Il cumün in silenzi» èn mo trais dals «hits» che blers enconuschan. Oz savais tadlar bain inquala perla dapli da divers chors engiadinais e d'insaquants d'autras valladas.