Ils rumantschs scrivan e chantan gugent da l'amur. Uschia posseda nossa cultura da chor era in vast repertori cun talas chanzuns. Oz pudais tadlar ina schelta.

L'amur è quella che lascha sgulatschar las tschittas en il venter, quella ch'ans lascha guardar tras ils egliers rosa. Ma savens po ella er chaschunar mal d'amur ed encreschadetgna. L'amur è quest fenomen che vegn dechantà dapertut ed adina. Perquai celebrescha RTR l'amur en l'emissiun «Noss Chors».