Melodias popularas, tradiziunalas e pli novas da regiuns muntagnardas da las Alps. Da la Svizra, l’Austria, da la Germania, Svezia, Scozia, Pologna, dal Tirol dal Sid e da la Savoia.

Per questa gievgia saira propona «La populara» in’emissiun cun sauts e chanzuns da regiuns muntagnardas. Da quellas na datti betg betg be en Svizra, en l'Austria, en Germania ed en il Tirol dal Sid, mabain er en la Savoia, en la Scozia, Slovenia, Slovachia, Pologna ed er en Svezia. Las protagonistas ed ils protagonists vegnan da diversas regiuns muntagnardas e fan musica ch'ha ragischs en la musica populara e tradiziunala. Vus udis però era tuns pli novs. Nus preschentain sauts e chanzuns sco: «Unterlercher Landler» da Herbert Pixner, il «Frühjahrslandler» dals frars Unterhofer, il «Schottisch Da Joh's Nogler» dal quartet Wäckerli, Lässer, Panitz, Born e «Chibrely du Coucou» da Patrice Combey ed Yves Berthias da la Savoia e Duncan Chisholm da la Scozia cun il toc «To The High Mountains».