L'emprim «BarattaChor» è passà e la dirigenta ed il dirigent èn puspè turnads tar lur agens chors. En l'emissiun dad oz pudain nus tadlar anc ina giada las vuschs dals dus chors sco er insaquants giavischs musicals dad els.Flavia Walder e Remo Weishaupt han dà il culp da partenza per l'acziun dal BarattaChor. Per mintgamai in'emprova han els barattà lur chors. En l'emissiun da «Noss Chors» pudain nus tadlar chanzuns dal Chor mischedau Sevgein, dal Chor maschadà Grischun Turitg ed insaquants giavischs musicals da las chantaduras e chantadurs sco era da la dirigenta e dal dirigent.Dapli tar «Noss Chors» tschertgais qua u sin la pagina da facebook.