Quai pretenda bain inqual chatschader. Ma pertge? Sch'ins discurra da chatscha en il Grischun, patratga quasi mintgin al settember, vi da tschiervs, chavriels e chamutschs. Strusch ad insatgi vegnan endament lieurs. Be bel e bain in quart dals chatschaders van a la chatscha da lieurs che funcziuna cumplettamain auter. L'atun avant in onn avain nus accumpagnà trais chatschaders passiunads durant in di da chatscha bassa:

* Conrad Battaglia a Salouf,

* Gerasmus Tenner

* e Gabriel Carigiet a Breil.

Tuts trais han in chaun: Caja, Coca e Banja. E quels han tuts trais in fin nas (repetiziun dal november 2017).