Il Jüüzli sco quels dal Muoatathal din, il Ruggusserli dals Appenzellais ubain era il Juiz da la Sur- e Sutsilvania – nn bain inqual chantun da la Svizra datti ina gronda tradiziun da jodladers.

Sch'il jodlar deriva dals cloms d'alp tar alp ubain dal chant en las ustarias tudestgas dal 18avel tschientaner n'è betg daltut cler. L'amicezia tar la patria e la natira èn dentant anc adina il tema central da quest chant tradiziunal dals culms.

Jodlar è chantar silbas senza semantica cun midadas tranter la vusch dal pèz e la vusch dal chau. Tar differentas funtaunas èsi da leger ch'il jodlar deriva da las alps. Per communicar cun cloms da tegia tar tegia ubain era per clamar ils animals. In'autra teoria è chil jodlar vegni da las ustarias tudestgas e dal plaid «johlen» – pia plitost in sbragir che propi chant melodic.

Tuttina danunder ch'il jodlar deriva – i ha ina gronda tradiziun e tutga tar la Svizra sco il chaschiel, la tschigalatta e las uras.