Mintga val ha ses chors che represchentan lur patria. «Noss Chors» preschenta en questa seria ils chors da las differentas valladas. En questa part visitain nus la Surselva.

Mintga chor s'identifitgescha cun sia vallada, sia patria. E mintga vallada porscha in dachasa a differents chors. En questa seria sa metta «Noss Chors» sin viadi atras las vals da noss chantun e fa visita ad els. Oz visitain nus la Surselva che s'extenda dal Tujetsch en il vest, atras la Cadi e la Foppa fin Flem ed en tuttas vals lateralas sco la Val Lumnezia, Val Medel, Val Sumvitg ubain la Val S. Pieder e la Val Stussavgia. Qua èn blers chors sa chasads – ina part da quels pudain tadlar en l'emissiun dad oz.