Sommige kan dalk onder die indruk wees dat Christiaan Baartman sy eerste verskyning op die Suid-Afrikaanse musiektoneel gemaak het toe hy vroeër vanjaar beoordelaars van The Voice SA met sy weergawe van “Tennessee Whiskey” tydens sy blinde oudisie oorrompel het. Maar dié rasperstem-musikant is al langer as ʼn dekade professioneel in die musiekbedryf en het begin sing nog voor hy behoorlik kon praat.