Clara Schumann! Ses num aud'ins savens en connex cun ses um Robert. Mo tgi era questa dunna propi? Pertge è ella ida avant dretgira cun ses agen bab? Co ha ella cumbinà ina carriera da pianista e set uffants? E pertge ha ella adina puspè cumponì, era sch'ella numnava sias ovras «Frauenzimmerarbeit»? A chaschun dal 200avel anniversari da Clara Schumann propona La Marella ina collascha biografica che sa basa sin ils diaris e la correspundenza da quest'artista ch'ha martgà ses tschientaner sco paucas autras.