S'entupar, sunar e sviluppar vinavant las abilitads musicalas. Quai èn las finamiras da giuvens musicists. Quella pussaivladad porscha in champ da stad sco quel da l'orchester instrumental da giuvenils dal Grischun ch'ha pudì beneventar quest onn bun 50 musicantas e musicants. Quest onn è l'orchester da giuvenils per l'emprima giada stà sut la direcziun d'Ursin Widmer. Widmer ha surprendì quella bella e pretensiusa lavur cun giuvenils da Roman Caprez ch'ha gì manà durant plirs onns quest orchester instrumental. RTR è stà da la partida a l'emprim concert cun il nov dirigent e parta uss quel cun Vus en l'Instrumentala dad oz.